Naalagaaffik Danmark Eqqartuussivissuarmut tunniunneqartariaqarpoq

Ullumikkut kalaallit amerlanerusimasinnaagaluarpugut kinguaariillu amerliartornerat innarlerneqarsimassanngikkaluarluni, tassami nalunaarusiami aamma eqqaaneqartutuut nunat 82-t akornanni tassaasimavugut 1960-kkunni 1970-kkunnilu kinguaassiornikkut appariaateqarnerpaasimasut, agguaqatigiisillugulu marluk pingasuni (2/3) miss. arnamut ataatsimut meerartaarsinnaaneq appariarsimavoq. Siullertut oqaatigilara Naartunaveersaasersuisimaneq pillugu suliaq Kalaallit Nunatsinni arnanut niviarsiaqqanullu tunngammat. Arnat, kinguaaqarnissaminnik sinnattoqarsimagaluartut. Arnat namminneq ilaqutaqalernissaminnik sinnattoqarsimagaluartut, timiminnut inuunerminnut siunissaminnullu namminneq aalajangiisinnaassuseqartinnagit akuliuffigineqarsimasut, oqaluttuarisaanitsinnilu pisut tamatta inuiattut eqqorneqaatigaavut. […]

Naalagaaffik Danmark Eqqartuussivissuarmut tunniunneqartariaqarpoq Read More »

Tasiilaq nunaqarfiillu iliuuseqarfigineqartariaqarput – aaqqiissutaagallartut pinnagit

Tasiilami nunaqarfinnilu tikeraareerlunga oqariartuut ataaseq ersarippoq: Tunngaviusumik ajornartorsiutit aaqqinngikkutsigit, piviusumik ineriartortitsisoqarsinnaanngilaq. Kalaallit Nunaata Kangia periarfissaqarluarpoq, attaveqaasersuutilli naammaginannginnerat ineriartornermut killiliivoq. Nukissamik pilersuinerup killeqarnera anginerusunik sanaartornissamut akorngusiivoq. Timmisartunik umiarsuarnillu angallannermi patajaatsuunngitsumik ingerlatsineq innuttaasut inuussutissarsiortullu periarfissaannik aporfilersuivoq, telekkullu attaveqarnerup arriinnera avinngarusimanermik misigissuseq annertusitippaa. Taamaattumik ullumikkumut tulluussakkanik aaqqiissutissanik pisariaqartitsisoqarpoq – ilaatigut nukissamik pilersuinerup pitsaanerulersinneqarnissaa, ukioq kaajallallugu angallannikkut patajaatsumik ingerlatsinissaq

Tasiilaq nunaqarfiillu iliuuseqarfigineqartariaqarput – aaqqiissutaagallartut pinnagit Read More »

Allattoqarfik

Partiip allattoqarfia Nuummi Inatsisartut illorsuaanniippoq, Imaneq 2-mi. Siumut qaqugukkulluunniit attavigineqarsinnaavoq. Saaffiginnissutit tamarmik sapinngisamik sukkanerpaamik isumagineqartarput. Allaffimmi sulisut toqqaannaq attaveqarfigineqarsinnaapputtaaq: Aviaja Hegelund–TittussenAllattaaneq Tlf: 542141Email: avhjo@inatsisartut.gl Iseraq IsaksenIlinniartoq ikiorti Email: iseis@inatsisartut.gl

Allattoqarfik Read More »

Nunaqarfinnut isorliunerusunullu angallassinerit piaarnerpaamik pitsanngorsartariaqavippoq.

Upernaviup eqqaani soorlu Kullorsuarmi piffissami sivitsortumi timmisartuussinermi ajornartorsiutit takutippaat Kalaallit Nunaata avannaani timmisartuussineq qanoq ilungersunartigisoq. Qaammat juli ingerlanerani innuttaasut amerlasuut kinguaattoornernik aammalu angalanissamik unitsinneqarnerannik nalaataqarsimapput. Siullermik sila pissutigalugu, kingornali timmisartup teknikkikkut ajoquteqarnera pissutigalugu. Tamanna innuttaasunut annertuunik kingunerluuteqarpoq. Qaanaamut aammalu Tasiilamut angallannikkut ajorluinnartumik killiffeqarnerat ilanngullugu aamma aaqqinneqartariaqavipput. Nakorsiartussat piffissaq eqqorlugu angalanissaat pinngitsoortarpoq aammalu ilaqutariit pilersaarutitik malillugit

Nunaqarfinnut isorliunerusunullu angallassinerit piaarnerpaamik pitsanngorsartariaqavippoq. Read More »

Kommunit aaqqissuuteqqinneqarnerat -takorluukkat piviusorlu naapertuutinngitsut

2008-mi ilinniartuuvunga, ilinniarninnilu ukioq kingulleq ingerlallugu. Ilinniartitsisutut ilinniarlunga Inuiaqatigiilerinermi bacheloritut allaaserisanni kommunit aaqqissuuteqqinneqarnerat sammivara – tassa Kalaallit Nunaanni kommunit anginerusunut kattunneqarnissaat. Taamanikkut aaqqissuusseqqinneq nutaaliaasumik politikkikkut suliniutit annerpaat ilagaat, anguniagaallu angisuullutik. Taamaattumik soqutigalugu sammillugu aallartippunga. Atuakkakka amerlaneruleriartortillugit soqutiginninnera annertusiartuinnarpoq. Aaqqissuusseqqinneq kommunit killeqarfii nutaat imaluunniit allaffissornikkut allannguutit taamaallaat pineqanngillat. Inuiaqatigiit qanoq ingerlassanersut, siunissarlu qanoq ittoq pilersikkusunneripput pineqarpoq.

Kommunit aaqqissuuteqqinneqarnerat -takorluukkat piviusorlu naapertuutinngitsut Read More »

Inatsisartut Siulittaasuata Inatsisartunik nipangersaaniarnera akuerineqarsinnaanngilaq

Ulloq 30. Juni 2026 Inatsisartut siulittaasuata Inatsisartut nittartagaatigut saqqummersitaani atuarneqarsinnaavoq Inatsisartut siulittaasuata illuatungiliuttunut sakkortoorujussuarmik upissussilluni saqqummersitsinera. Tamannalu Siumumiit akuerinngilluinnarparput aammalu taamatut iliortoqarnera Inatsisartuni atuuffimminik immikkoortitsisinnaannginneranik ersersitsisuusutut nalilerneqarsinnaalluni. Inatsisartut Siulittaasuat Inatsisartunit qinigaavoq Inatsisartut aqutsisuussalluni Inatsisartullu sulinerannik siuarsaasussaalluni. Atuuffimmi tassani nalinginnaasumik ataatsimiinnerit immikkoortitsiviunngitsumik aqussallugit, Inatsisartut tamakkerlugit, tassalu naalakkersuisooqatigiit aamma illuatungiliuttut sinnerlugit sinniisuussalluni, pissaanerullu pingasoqiusamik agguloqqanera, tassa Inatsisartoqarneq

Inatsisartut Siulittaasuata Inatsisartunik nipangersaaniarnera akuerineqarsinnaanngilaq Read More »

Kalaallit Nunaata imminut napatissinnaanerulernissaanut aqqut tassaavoq naleqarnerulersitsineq

Kalaallit Nunaat periarfissarpassuaqarpoq. Pinngortitami pisuussutinik annertuunik peqarpugut,aalisarnermik inuussutissarsiuteqarpugut nukittuumik, takornariaqarnermi, nukissiornermi,imermik pisuussutini kiisalu inuussutissarsiutinik nutaanik ineriartortitsinissamut periarfissatannertusiartorput. Kisianni aningaasaqarnitta nukittorsarnissaa aammalu imminutnapatissinnaanerulernerup tunngavissinneqarnissaa kissaatigigutsigu, inuiaqatigiinni tamaniatugarissaarnermik pilersitsisartumik pingaarnerpaamik ukkatarinnittariaqarpugut: inuit aammalunaleqarnerulersitsineq. Aningaasarsiornermut tunngasumik oqallinneq amerlavallaatigut pisuussutit isertitallu pillugitapeqqutinut killilerneqartarpoq. Kisianni pisuussutit namminneq naleqanngillat. Naleqalersitsineqaatsaat pilersarpoq inuit periarfissat sulinermut, tunisassiornermut, nutaaliornermutinuussutissarsiutinillu ineriartortitsinermut atoraangamikkit. Taamaattumik Kalaallit Nunaata

Kalaallit Nunaata imminut napatissinnaanerulernissaanut aqqut tassaavoq naleqarnerulersitsineq Read More »

Pisassiissutit tamarmik qallorneqarlik

Naalakkersuisut aningaasanik pisariaqartitsinertut oqariartuutaat Siumumit maluginiarparput, illuatungaanili pisassiissutit suli tamakkerlugit atorneqanngillat aammalu agguaanneqarnissaat kinguaattoorpoq. Tamanna naapertuutinngilaq. Pisassiissutit nutaat siorna aalisartussarsiuunneqartut suli atorneqalinngillat, naak siornali aalajangiiffigineqarsimagaluartut. Tamanna inuiaqatigiinnut aningaasatigut annaasaqaataavoq aammalu inuussutissarsiortunut periarfissanik unitsitsinerulluni. Siumut isumaqarpoq aalisagartassiissutit tamarmik qallorneqartariaqartut. TAC tamakkerlugu qaqinneqartariaqarpoq. Nunatta pisuussutai inuiaqatigiinnut iluaqutaassapput, aammalu aningaasat inuiaqatigiinnut pisariaqartinneqartut tamakkerlugit atorneqartariaqarlutik. Pisassiissutit ukioq manna apriilimi

Pisassiissutit tamarmik qallorneqarlik Read More »

Nalunaaquttamut tunngasoq Naalakkersuisooqatigiinniit kinguarsarneqaqattaarpoq

2024-imili Siumut sinnerlugu nalunaaqutap UTC -3-mut uterteqqinneqarnissaa pillugu ilungersorluta Inatsisartuni inatsisissatut siunnersuummik saqqummiisaqattaalerpugut. Upernaaq mannalu kiisami inaarutaasumik isummernissaq pilluinnalersorlu Naalakkersuisooqatigiit aaliangiisinnaannginnerat aammalu paasissutissanik annerusuminngooq pisariaqartitsimmata, suliassaq kinguarteqqinneqarpoq – ukiamut 2026-imut. Naalakkersuisooqatigiit tupinnaqaat innuttaasut amerlangaartut minnerunngitsumillu aalisartut piniartullu tusaajunnaavillugit pissusilersulernerat Siumumiit imaannaanngitsorujussuartut nalilerparput. Taamaattumik ullaap tungaa 12. maj 2026 Inatsisartut ataatsimiinnerat aallartimmat, Siumumiit assorujussuaq tupigusuutigaarput UTC-3-mut

Nalunaaquttamut tunngasoq Naalakkersuisooqatigiinniit kinguarsarneqaqattaarpoq Read More »

Ilisimatitsissut

Matumuuna nalunaarutigissavarput Inatsisartut 2026-imi upernaakkut ataatsimiinnerata sinnerani Siumut sinnerlugu ilaasortaq Lars Poulsen ulloq 11. maj 2026 aallarnerfigalugu ataatsimiinnermut peqataajunnaarmat. Tamatumunnga peqqutaavoq Lars Poulsenip qanigisaa tassanngaannartumik pinartumik napparsimalermat, ilaqutariittullu inuuneq salliunneqartariaqalerluni. Lars Poulsen inuttut nammineq peqqippoq ataatsimiinnerulli sinneranut peqataasinnaajunnaarluni. Ilaqutariit aammalu Siumup piffissami tulliuttumi ilaqutariit ataqqineqarlutik toqqissisimanissaat kikkunnillu tamanit attavigineqanngikkallarnissaat kissaatigissavaat. Ilaqutariit ajunnginnerpaamik peqqissilluarnissaannillu tamanik kissaatingaarpagut.

Ilisimatitsissut Read More »

Aasianni fabrikkimut tunngatillugu Naalakkersuisoq akisussaaffimmik tigusisariaqarpoq

All.: Lars Poulsen Siumup isumaqarpoq Naalakkersuisoq erseqqissumik nalunaaruteqartariaqalersoq Aasianni fabrikkimut tunngatillugu. Siumummi isumaqarpoq maannakkut inissisimaneq isiginngitsuusaaginnarneqarsinnaanngitsoq, taamaattumik Inatsisartut inatsisip atuutilersinneqarnerani Naalakkersuisunut piumasaqaatigisaat suliarineqarnersoq piaarnerpaamik paasissallugu qulakkeerneqartariaqalertoq. Siumup politikkikkut sulinermini Aasianni fabrikkimi pillugu suliniutinik ataatsimiisitaliatigoorlugu ingerlataqareerpoq. Taakkuli maannamut Naalakersuinikkut siuttunngortuniit akisussaaffigiumaneqannginnerat aaqqiissutissanillu ujartuiffimmik iliuuseqarfiginiarneqannginnerat ilungersunartutut isumaqarfigivaat. Aasiannimi fabrikki inuppassuarnut, suliffissaqartitsinermut aammalu kommuunimut aningaasaqarnermut pingaarutilimmik inissisimavoq. Taamaattumik

Aasianni fabrikkimut tunngatillugu Naalakkersuisoq akisussaaffimmik tigusisariaqarpoq Read More »

Aatsitassarsiornermi isumaqatigiissutit kikkut nakkutigineri qulakkiissavaat

IBA isumaqatigiissut Qeqertarsuatsiaat eqqaanni rubininik piiaaffimmut tunngasoq ersarilluinnartumiktakussutissaavoq isumaqatigiissutit atuutsinneqarnissaat qulakkeerneqanngikkaangat qanoq oqartussaasutisumaqatigiissutaat kinguneqartartoq. Ukiut qulit sinnerlugit kulturfundi ataatsimik koruunimilluunniittunineqanngilaq – True North Gemsimit imaluunniit Greenland Rubymit, 2016-imiilli ukiumut 250.000koruuninik akiliisarnissamik pisussaaffeqarsimagaluartumit. Taamaattumik Qeqertarsuatsiaanut ullumikkut 2,7 millionit koruunit tuttussaagaluartut iluatsinngillat.Taakku aningaasat kulturi, suleqatigiinneq, ineriartortitsineq kiisalu innuttaasut ataatsimoorneratnukittorsassagaluarpai – pingaartumik innuttaasut amerlassusaat, inuusuttunut periarfissat aammalusunngiffimmi periarfissat

Aatsitassarsiornermi isumaqatigiissutit kikkut nakkutigineri qulakkiissavaat Read More »

Inatsisitigut ataataqanngitsut suli eqqartuussivigineqarsimanngillat

All.: Aka Hansen, Siumut tunuliaqutaralugu folketingimut qinigassanngortittoq Alloriarneq pingaarutilik tigusimavarput, kisianni suli anguniakkamut tikissimanngilagut.2016-imi naggataatigut eqqunngitsuliaq annertooq aaqqinneqarpoq, inatsisitigutataataqanngitsut periarfissinneqarmata ataataminnik uppernarsaasinnaanissaminnut.Tamanna akuersaarneruvoq, naalagaaffiup ukiuni amerlasuuni inuit eqimattat ilaanniittutsumiginnarsimammagit aammalu pisinnaatitaaffiisa tunngaviusut arlallitarsaarinnissutigisimallugit. Kisianni ersarissumik oqaatigisariaqarparput: pisinnaatitaaffiit kisimik eqqartuussineqajorput. Inatsisitigut ataataqanngitsut aalajangiinermut politikkikkut aalajangiunneqarsimasumutkingunerisaanik inuuniarnikkut annertuumik akilerneqartunik inuuneqarsimapput. Amerlasuutsumit naggueqarnertik ilisimanngilaat, ataataminnut inatsisitigut attuumassuteqanngillataammalu pisinnaatitaaffiit

Inatsisitigut ataataqanngitsut suli eqqartuussivigineqarsimanngillat Read More »

Siumut illersornissamut isumaqatigiissummi immikkoortoq 2-ip nutaamik isumaqatigiinniutigineqarnissaa kissaatigaa

All.: Ane Lone Bagger, Siumut tunuliaqutaralugu folketingimut qinigassanngortittoq Siumut illersornissamut isumaqatigiissummi immikkoortoq 2-ip, Kalaallit Nunaanni Issittumilu sakkutooqarnerup annertusineqarnissaanut tunngasup, nutaamik isumaqatigiinniutigineqarnissaa kissaatigaa Siumut annertuumik geopolitikkikkut isumannaallisaanerup annertusineqarnissaanut piffissami nalorninartumiinnitsinni pisariaqartitsineq paasilluarpaa, kisianni erseqqissaatigaa isumaqatigiissut maannakkut atuuttoq Kalaallit Nunaanni pissutsinut – pingaartumik kommunit inissisimanerannut – naammattumik isiginiarneqarsimanngitsoq. Isumannaallisaanerup annertusarnissaa tapersersorparput, kisiannili taamaattoqassaaq Kalaallit Nunaat kommunillu piviusumik

Siumut illersornissamut isumaqatigiissummi immikkoortoq 2-ip nutaamik isumaqatigiinniutigineqarnissaa kissaatigaa Read More »

Danmarkip Kalaallit Nunaat ullumikkut pissarsiarisartakkatsinnit annerusumik akiitsoqarfigaa

All.: Aka Hansen, Siumut tunuliaqutaralugu folketingimut qinigassanngortittoq Kalaallit Nunaat Danmarkillu akornanni pissutsit pillugit oqallinneq tapiissutitigutaningaasaqarnermillu apeqqutinut saatsinneqartuartarpoq. Kisianni oqaluttuaq taannaajoraluartumik pisariitsunngortitaavoq, aammalu pingaarnerusumik ilumoortoq annertuumikisiginiarneq ajorpaa: Danmarkip Kalaallit Nunaat ullumikkut pissarsiarisartakkatsinnitannerusumik akiitsoqarfigaa. Ukiut ingerlaneranni Kalaallit Nunaata pisuussutai Danmarkimi inuiaqatigiit atugarissaartutpilersinneqarnerannut peqataasimapput. Peqatigisaanillu politikkikkut aalajangiineritDanmarkimi ingerlanneqartut Kalaallit Nunaanni inuit inuunerannut annertuumiksunniuteqarsimapput – inuiaqatigiinnikkut, kulturiatigut aningaasatigullu. Kingunerit,ullumikkumut

Danmarkip Kalaallit Nunaat ullumikkut pissarsiarisartakkatsinnit annerusumik akiitsoqarfigaa Read More »

Innuttaasut uukapaatinneqartut: “Sungiusarneq” piviusumiksorsunnissamut piareersarnerusimava?

All.: Ineqi Kielsen Siumumi Politikkikkut siulittaasup tullia, aamma Ane Lone Bagger, Siumut tunuliaqutaralugu folketingimut qinigassanngortittut Paasissutissat nutaat Kalaallit Nunaanni januaarimi 2026-imi Danmarkimi sakkutuut ingerlatsineratpillugu saqqummiunneqartut apeqqutinik pingaaruteqartunik saqqummersitsipput, qanoq pisoqsuliarineqarneranik aammalu qanoq paasissutissat Kalaallit Nunaanni innuttaasunuttunniunneqarsimanerannik. Siornatigut sakkutuut sungiusarnerattut saqqummiunneqarsimasoq maanna takutippaapiareersarnerit erseqqissut annertuut aammalu sorsunnissamut periarfissaq pillugupiareersarnerusimasoq. Ilaatigut atorneqarput qaartiterutit aammalu nakorsaqarnikkut piareersaatit –taakkua

Innuttaasut uukapaatinneqartut: “Sungiusarneq” piviusumiksorsunnissamut piareersarnerusimava? Read More »

Kalaallit Nunaanni Politiit arsaarinnissutaasa aningaasartai nunatta karsianut nakkartariaqarput

All.: Doris J. Jensen, aaqqissuussaanikkut siulittaasup tullia folketingimullu qinigassanngortittoq Folketingimut qinigassanngortittutut isumaqarpunga, politiit nunatsinni akiligassiissutaasa arsaarinnissutaasalu nunatsinniit pisut Danmarkimut nakkaratik nunatta karsianut nakkartalernissaat pisariaqartoq. Ullumikkut Kalaallit Nunaanni politiit akiligassiissutaat arsaarinnissutaasalu aningaasartaat Danmarkimut nakkartarput. Tamanna allanngortariaqarpoq. Akiligassiissutit arsaarinnissutillu nunatsinni inuiaqatigiinnit pilersinneqartarput. Kalaallit Nunaanni innuttaasut akiligassiissutinik akiliisarput, aammalu pigisat nunatsinniittut arsaarinnissutigineqarlutik akitsorterunneqarlutik tunineqartarput. Taamaakkaluartoq aningaasat Danmarkimut nakkartarput,

Kalaallit Nunaanni Politiit arsaarinnissutaasa aningaasartai nunatta karsianut nakkartariaqarput Read More »

Naalagaaffinngornissap aqqutaa silatusaarnikkut akisussaaffilimmillu tunngaveqarluni anguneqassaaq

All: Aka Hansen, siumut tunuliaqutaralugu folketingimut qinigassanngortittoq Ukiuni makkunani namminiilivinnissarput pillugu oqallinneq initoorujussuuvoq. Amerlasuutnamminiilivinnissaq kissaatisaat oqaluttuarisaanitsinnut, kinaassusitsinnutpisinnaatitaaffippullu atorlugu nammineq ilusilersornissaanut pisussaaffigigatsigu. Uannut anguniagaq erseqqissuuvoq; Kalaallit Nunaat namminiilivittututnaalagaaffinngussaaq. Tamanna Siumup pingaarutilittut isigalugu sivisuumik anguniagaraa.Namminiilivinneq politikkikkut anguniagaanaanngilaq. Suliaq annertooq tassaavoq,suliffeqarfinnik nukittuunik pisariaqartitsisoq, aningaasatigut patajaatsumikqulakkeerinnittussaq. Inuiaqatigiittut eqqarsartaatsikkut aaqqissuusaanikkulluallannguisussaq. Taamatut sulineq qangali aallartinneqareerpoq. Uannut pingaaruteqarpoqalloriarnerit arlallit ingerlaarfigeqqaassagigut; anguniakkatta tungaanut

Naalagaaffinngornissap aqqutaa silatusaarnikkut akisussaaffilimmillu tunngaveqarluni anguneqassaaq Read More »

Nerisassanut tapiissut – sooq Kalaallit Nunaanni aamma atuutilersinnaanngila?

All.: Najaaraq Møller, Siumut tunuliaqutaralugu folketingimut qinigassanngortittoq Danmarkimi innuttaasut aningaasakitsut naalagaaffimmit nerisassanut tapiissutinik tunineqartarput, taamaalillutik nerisassanut akissaqalertarlutik. Kisianni taamatut aaqqissuussineq nunatsinni innuttaasunut aningaasarliortunut atuutinngilaq. Naalagaaffeqatigiinnermi innuttaasunut tamanut pisinnaatitaaffeqarnissamik periarfissaqarnissamillu assigiimmik tunngaveqartariaqarpoq – Danmarkimi, Kalaallit Nunaanni imaluunniit Savalimmiuni najugaqaraluaraanniluunniit. Nerisassanut tapiissut Kalaallit Nunaanni aamma atuutilertariaqarpoq Danmarkimi innuttaasut isertitakitsut naalagaaffimmit nerisassanut tapiissummik pisinnaapput, taamaalillutik akit qaffakkaangata nerisassanik

Nerisassanut tapiissut – sooq Kalaallit Nunaanni aamma atuutilersinnaanngila? Read More »

Siumup kalaallit Danmarkimi ilinniagaqartut periarfissaat annertusarusuppaa

All: Ane Lone Bagger, Siumut tunuliaqutaralugut folketingimut qinigassanngortittoq Siumut Folketingimi kalaallit ilinniartut atugaasa – ilinnialinnginneminni, ilinniarnerup nalaani ilinniakkamillu naammassisimareernerisa kingorna pitsaanerulersinniarlugit sukataarluni sulissuteqassooq. Siumut folketingimi bachelorinngorniarluni Danmarkimi pisortanit akilerneqarluni kalaallinut ilinnialerusuttunut 6.0 qaangerlugu karakterilinnut aaqqissuussineq attatiinnarneqassasoq sulissutigigissavaa. Ilutigitillugulu Siumup sulissutigissavaa Ilisimatusarfiup danskit universitetiisulli tamakkiisumik akuerineqassasoq, bachelorimik naammassinnissimasut kanditatitullu ingerlaqqikkusuttut ajornaquteqanngitsumik isersinnaatinneqassammata. Ilinniartunut ineqarniarneq ilinniarfinni illoqarfinni

Siumup kalaallit Danmarkimi ilinniagaqartut periarfissaat annertusarusuppaa Read More »

Nuunnermi akileraaruteqartarnissap kalaallit suliffeqarfiutillit innarliinnginnissaq qulakkeertigu

All.: Erik Jensen, Inatsisartuni gruppip siulittaasua Inatsisartuni nuunnermi akileraartarnissamut siunnersuutip nunatta avataani suliffeqarfiutilinnut suliffeqarfinnullu ullumikkut nunatta avataaniit aqunneqartunut sanilliullugu Kalaallit Nunaanni suliffeqarfimmik, inuussutissarsiortunut namminersortutut pilersitsisimasunut innarleeratarsinnaavoq. Taamaattumik Siumut sinnerlugu Inatsisartuni ilaasortatut peqqutissaqalersippaanga ernumassuteqarnissamut. Tusagassiuutini takuneqarsinnaalereersutut, inatsimmut siunnersuutip maannamut isikkua eqqarsaatigalugu isumaqarpoq, Kalaallit Nunaanni suliffeqarfiit pitsaasumik ingerlalluartut matusariaqalersinnaanerat, tassami assersuutigalugu piginnittoq utoqqalinersiaqalerluni suliunnaarnissani kissaatigippagu, Kalaallit Nunaannilu

Nuunnermi akileraaruteqartarnissap kalaallit suliffeqarfiutillit innarliinnginnissaq qulakkeertigu Read More »

Siumut Kalaallit Nunaanni peqqissutsimik nukittorsaaniarpoq siusissukkut nappaatinik paasisaqarnikkut pitsaanerusunillu katsorsaanissamut periarfissiinikkut

All.: Ane Lone Bagger, Siumut tunuliaqutaralugu folketingimut qinigassanngortittoq Peqqissuseq nunami sumi najugaqarnerup aalajangissanngilaa. Kalaallit Nunaanni innuttaasut siammarsimallutik najugaqarput, tamannalu peqqinnissaqarfimmut atortulersorluakkamut immikkut ilisimasalinnillu sullissiffiusumut periarfissaqarnermut immikkut unammillernartorsiortitsivoq. Taamaattumik Siumut suliniutini nukittorsarniarpai, innuttaasut kunngeqarfiup iluani tamarmik pitsaanerusunik naligiinnerusunilu peqqissutsikkut sullissivigineqarnissaat qulakkeerniarlugu. Siumut Folketingimi sulissutiginiarpaa nunani innuttaqassusaat ikitsuni aammalu siammarsimasuni inoqarfiusuni nunanit tamalaanit periutsit misissuiffigineqarnissaat, taakkulu Kalaallit Nunaanni peqqissutsimik

Siumut Kalaallit Nunaanni peqqissutsimik nukittorsaaniarpoq siusissukkut nappaatinik paasisaqarnikkut pitsaanerusunillu katsorsaanissamut periarfissiinikkut Read More »

Naalagaaffeqatigiinnerup iluani realkreditimik taarsigassarsisinnaanermut periarfissani assigiinngisitsineq unitsinneqartariaqarpoq.

All: Doris J. Jensen, aaqqissuussaanikkut siulittaasup tullia, aamma folketingimut qinigassanngortittoq Ullumikkut nunatsinni innuttaasut amerlasuut pingaartumik nunaqarfinni isorliunerusunilu Danmarkimi innuttaasunut sanilliullugit realkreditimik taarsigassarsisinnaanermut periarfissatigut ajornerusumik inissisimapput. Tamanna isumaqarpoq illuliorsinnaaneq, inissialiornissamut aningaasaliisinnaaneq imaluunniit najukkani ineriartortitsinissaq periarfissakinnerujussuusoq. Tamanna naapertuutinngilaq. Pingaartumik nunatsinni nunap immikkoortuini arlalinni ass. avannaani nunaqarfinni aningaasarsiornikkut tunngavissaqarluartoqarmat kisianni realkreditsimut qinnuteqaraangamik aporfissanik annertuunik naapitaqartarput. Naalagaaffeqatigiinnermi innuttaasut tamarmik

Naalagaaffeqatigiinnerup iluani realkreditimik taarsigassarsisinnaanermut periarfissani assigiinngisitsineq unitsinneqartariaqarpoq. Read More »

Nunatsinni politeeqarneq

All.: Erika Baadh Nielsen, Folketingimut qinigassanngortittoq Oqartussaaffiit tigunngisagut ilagaat politeeqqarneq. Politiit toqqisisimanissatsinnut pingaaqqimmata nunatsinni politiit atugarisaat pitsanngorsarnissaat pingaaqaaq. Folketingimi suliassat pingaarluinnartut ilagaat nunatsinni politeeqqarneq qiviassallugu. Sineriatsinni politeeqarneq eqqarsaatigigaani maluginiagassaavoq kalaallisut oqaaseqanngitsut amerlammata. Kiffartuusassat amerlasuut danskisut oqaaseqanngillat. Akissarsiat assigiinngissimanerat atukkallu sakkortusarsinnaanerat peqqutaaqataasimassaaq kalaallit politiit allani atorfinittarnerat. Inuillu ikikkatta immitsinnut ilisarisimasarluta sakkortuunik pisoqartillugu kalaallit politiinut qaavatigut ilungersunartarsimassalluni. 

Nunatsinni politeeqarneq Read More »

Nunatsinni nunaqarfinni innuttaasut inatsisitigut illersugaanerat nukittorsarneqassaaq

All. Doris J. Jensen, aaqqissuussaanikkut siulittaasup tullia folketingimullu qineqqusaartoq Toqqissisimaneq kiisalu inatsisitigut illersugaaneq illoqarfimmiikkaanni imaluunniit nunaqarfimmi pisariaqarpoq. Ullumikkut nunaqarfinni amerlasuuni kommunefogede ataasiinnaq sulisarpoq? naak marlunnik kommunefogedeqarnissaq periarfissaagaluartoq amerlasuutigut inuk ataaseq kisimiilluni najukkami taamatut sulisarpoq qulakkeerniarlugu nunaqarfimmi eqqissimatitsinissaq. Tamanna inummut ataatsimut akisussaaffiuvoq angisooq, aammalu toqqissisimannginnermik pilersitsisinnaalluni, pingaartumik arnat innuttaasullu allat sanngiinnerusut illersorneqarnissaat eqqarsaatigalugu. Taamaattumik isumaqarpunga politikkikkut

Nunatsinni nunaqarfinni innuttaasut inatsisitigut illersugaanerat nukittorsarneqassaaq Read More »

Inuusuttut killilersuutitoqqat kingornussassarinngilaat – periarfissalli

all.: Ineqi Kielsen, Siumumi politikkikkut siulittaasup tullia aammalu Folketingimut qinigassanngortittoq Inuiaqatigiit aningaasaqarnikkut qanoq inissisimanerat kisiat tunngavigalugu nalilersorneqarsinnaanngilaq. Aamma nalilersorneqartarpoq suna kinguaariinnut tulliuttunut tunniunneqarnersoq. Nunatta siunissaa pillugu oqallikkaangatta namminersorneq, naalagaaffiup ataatsimoortumik tapiissutai aammalu geopolitikki eqqartorpagut. Kisianni akisussaaffitsinni misilinneqarfissarput allamiippoq. Taanna tassaavoq inuusuttut suna kingornussarissaneraat. Aaqqissuussaanermi killilersuutit?Imaluunniit periarfissat? Apeqqut taanna politikkikkut salliutinneqartariaqarpoq. Inuiaqatigiinni amerlassuseq – pisussaasoq imaluunniit

Inuusuttut killilersuutitoqqat kingornussassarinngilaat – periarfissalli Read More »

Amerikkarmiunik Canadamiunillu Inatsisitigut ataataqanngitsut puigukkat

Saqqummeqqammerpoq inatsisitigut ataataqanngitsut maanna pisortani oqartussat aqqutigalugitikiuinermik neqeroorfigineqalernerat, quttatingaarpakka pilluaqquakkalu. Inuiaqatigiinni inatsisitigut ataataqanngitsut puigukkat eqqartorneqanngitsullu tassaapputsorsunnersuup aappaani amerikkarmiut Canadamiullu nunatsinni uersagaat. AmerikarmiunikCanadamiunillu kingoqqisut allatuulli kinaassutsimmut sumullu attuumassuteqarnermut apeqqutakissutissarsinissaa pisinnaatitaaffigisariaqarpaat. Amerikamiunik kingoqqisut ataatassarsiorlutikpaasiniaasaraluartut iluatitsineq ajorput paasiniaasinnaannermut matut matoqqalluinnarmata,Amerikkamiinaangitsoq aamma Danmarkip oqartussaaffianiit matoqqammata. Ukiut ilaatigut 60-70 ingerlareerput, ullorlu manna tikillugu isertukkanut ilaallutik. Amerikarmiunik kingoqqisutinuiaqatigiinni nipangiussatut inissisimaannarnatik inuiaqatigiittut

Amerikkarmiunik Canadamiunillu Inatsisitigut ataataqanngitsut puigukkat Read More »

Peqqinnissaqarfimmi naligiimmik atugassaqartitsineq

Nunatsinni peqqinnissaqarfimmi naligiimmik atugassaqartitsisoqassaaq Nunatsinni ukiumut kalaaleqatigut amerlavallaat nappaatinik toqussutigineqartartunik toqussuteqartarput, Danmarkimi najugaqaraluarunik anigorsinnaasimasaraluaminnik. Taama Najaaraq Møller Siumumit Folketingimut qinigassanngortittoq isumaqarpoq, naalagaaffeqatigiinnermi peqqinnissaqarfimmi pitsaanerusunik naligiinnerusumillu atugassaqartitsinissaq sulissutiginiarpaa.   “Ullumikkut kalaallit amerlasuut ukiut arlallit suliaritinnissartik utaqqisariaqartarpaat, Danmarkimi napparsimasut amerlanertigut sapaatit akunneri ikittunnguit ingerlanerinni suliaritissinnaasarput. Assigiinngissuseq angivallaarpoq,” Najaaraq Møller oqarpoq.   Taanna isumaqarpoq ataatsimoornerup isumaa tassaassasoq innuttaasut

Peqqinnissaqarfimmi naligiimmik atugassaqartitsineq Read More »

Danmarkimi kalaallit angajoqqaat inatsisitigut illersorneqarnissaat maanna qulakkeerneqartariaqarpoq

All.: Aka Hansen Qanoq nipitutigisumik suaartassaagut tusarneqalernissatsinnut? Ukiorpassuarni kingullerni Danmarkimi kalaallit meeqqat pinngitsaaliissummik arsaagaasarnerat pillugu tusakkagut ajornartorsiuterujussuaq takutippaa. Kalaallit angajoqqaat misigisarpaat nalilersorneqarlutillu aalajangiiffigineqartarlutik systemimi oqaatsimikkut kulturiatikkullu tunuliaqutaannik paasisimanngitsumi. Amerlasuut FKU-mik misilitsinneq ajornartorsiutip pingaarnerpaartaanut ilaasoq tikkuarpaat. Kingusinnerusukkut VISO aaqqiissutissatut saqqummiunneqarpoq. Ullumikkulli uppernarsarsinnaavarput VISO sakkugineqarsinnaanngitsoq, kalaallit ilaqutaannut tunngatillugu suliat pillugit naapertuilluartunik kulturimillu paasisimannittunik nalilersuinerit qulakkeerniarlugit. Systemi ataasiarluni

Danmarkimi kalaallit angajoqqaat inatsisitigut illersorneqarnissaat maanna qulakkeerneqartariaqarpoq Read More »

Ataatsimoortumik tapiissutit kisimik oqaluttuarineqarsinnaanngilaq

All.: Ineqi Kielsen, Siumumi politikkikkut siulittaasup tullia aammalu Folketingimut qinigassanngortittoq Nunarput pillugu Danmarkimi oqallinneq amerlanertigut kisitsimmut ataatsimut appartinneqartarpoq, tassa naalagaaffiup ataatsimoortumik tapiissutaanut. Kisitsit taanna tv-mi aallakaatitassiani, pisortatigoortumik ilanngutassiani aammalu politikkikkut oqallinnerni uteqattaarneqartarpoq. Nunatta aamma Danmarkip akornanni atanerup inerneratut saqqummiunneqarluni. Soorlu imminut napatissinnaannginnermut uppernarsaat. Soorlu piujuartitsinermut uuttuut. Soorlu namminiilivinnissamut akerliusumik uppernarsaatit annersaat. Kisianni naalagaaffiup ataatsimoortumik tapiissutai

Ataatsimoortumik tapiissutit kisimik oqaluttuarineqarsinnaanngilaq Read More »

Kalaallit Nunaata siunissami isumannaallisaanikkut unammilligassat piareersimaffigissavai

All.: Ane Lone Bagger Maanna Dubai-mi aallarnaveeqqavgut, kangia qiterlermi sorsuttoqarnerata sakkortusinerata kingunerisaanik, USA-llu Iran-imut sakkulersorluni saassussinerata kingorna. Tamatuma ersersippaa, nunarsuarmi pissutsit qanoq sukkatigisumik allanngorsinnaanersut aammalu innuttaasunut qanoq sunniuteqartigisinnaanersut. Tamanna ilutigitillugu USA-p arlaleriarluni Kalaallit Nunaat aqutsiviginiarlugu kissaateqarluni oqaatigisarpaat, aammalu sakkutuulersorluni tiguarniarluni sioorasaaruteqartarsimallutik. Tamatuma takutippaa, Kalaallit Nunaat namminiilivinnissaminut, killeqarfimmik nakkutiginninnissanik aammalu isumannaatsuunissamut akisussaaffimmik tigusisinnaanissaminut piareersimalluinnartariaqartoq. 2019-imi Issittumi

Kalaallit Nunaata siunissami isumannaallisaanikkut unammilligassat piareersimaffigissavai Read More »

Ilinniartitaaneq nunatta namminiilivinnissaanut nukittunerpaatut suliniutaavoq

all.: Ineqi Kielsen, Siumumi politikkikkut siulittaasup tullia aammalu Folketingimut qinigassanngortittoq Nunatta siunissaa pillugu oqallikkaangatta, aalisarnerup ineriartortinneqarnera, aatsitassat, naalagaaffimmit ataatsimoortumik tapiissutit aammalu geopolitikki eqqartukkajuttarpagut. Kisianni namminiilivinnissamut suliniut nukittunerpaaq allamiippoq. Taanna tassaavoq ilinniartitaaneq. Namminiilivinneq politikkikkut anguniagaannaanngilaq. Piginnaasanik ineriartortitsineruvoq. Inuiaqatigiit namminersorlutik nukittuutut inissisimassappata, nammineq inatsisilerituut, aningaasaqarnermik ilisimasallik, nunanut allanut attaveqarnermi sulialit, ilisimatusartut, ilinniartitsisut aammalu peqqinnissaqarfimmi sulisut pigissavaat. Taamaattumik

Ilinniartitaaneq nunatta namminiilivinnissaanut nukittunerpaatut suliniutaavoq Read More »

Peter Utuange Naleqqamiit Siumumut uterpoq

Matumuuna nuannaarutigalugu nalunaarutigissavarput Peter Utuange, Sermiligaaq Naleqqamiit Siumumut utermat. Peter Utuange maanna kisiartaalluni Naleraq tunuliaqutaralugu Kommuneqarfik Sermersuumi ilaasortaasimavoq, tamannalu isumaqarpoq kommunalbestyrelsemi ilaasortaaffia aamma Siumumit maanna tunuliaqutaqalermat. Peter Utuange ukiuni arlalissuarni Siumumi ilaasortaareerluni Naleqqamut ilaasortanngorsimagaluartoq tunuarnermini aalisarnermut inatsit tunngavilersuutigalugu ilaasortaajunnaarsimagaluartoq, maanna siumumut uterpoq, matumani kommuunimi kisimittutut suleqatissaaleqisutullu misigaluni ataatsimiititaliani suniluunniit ilaasortaaffeqannginnini tunngavigalugu suliniarnini kipiluttunartutut inissimajartuinnartoq peqqutigaa.

Peter Utuange Naleqqamiit Siumumut uterpoq Read More »

Nalunaarusiaq piaartumik saqqummiunneqartariaqarpoq

Naartunaveersaasersuisimanermut suliaq pillugu inuit pisinnaatitaaffiinut tunngasut pillugitnassuiaat piaartumik saqqummiunneqartariaqarpoqNaartunaveersaasersuisimanermut suliaq pillugu 1960-ikkunnit ullumimut inuit pisinnaatitaaffiinuttunngasut pillugit immikkut ilisimasalinnit misissuisimanerup nalunaarusiaa nutaamiktiguneqartoq, Kalaallit Nunaata politikkikkut inuiaqatigiinnilu siunissaanut aalajangiisumikpingaaruteqartuuvoq. Naalakkersuisut nalunaarutigaat immikkut ilisimasalinnit misissuineq piffissap iluanitiguneqarsimasoq, maannaillu tamanut saqqummiunneqannginnerani iluani suliarineqassasoqkiisalu tuluttutit kalaallisut nutserneqassasoq. Paasissutissiissutigineqarpoq suliaq taanna sapaatitakunnerinut arfinilinnut tungaanut sivisussuseqarsinnaasoq. Maannakkut qinersisoqarnissaa nalunaarutigineqareersoq eqqarsaatigalugupingaaruteqarluinnarpoq nassuiaat sapinngisamik

Nalunaarusiaq piaartumik saqqummiunneqartariaqarpoq Read More »

Sinerissap naligiinnerusumik ineriartortinneqarnissaa iliuuseqarnermiittariaqalerpoq

Qujanartumik ukiuni kingullerni sinerissap naligiinnerusumik ineriartortinneqartariaqarneranik oqariartuuteqartarnerit annertusiartortutut ipput, tamanna ilaatigut Inatsisartuni oqallittarnerni erserpoq aammalumi kommuunini borgmesterit arlariit tamanna oqariartuutigisarlugu. Oqallinnerinnaasanngilarli! Iliuuseqarnermik timitaliinermillu nassataqartariaqarpoq! Qinigaaffiup nutaap aallartinnerata kingorna Naalakkersuisunut apeqquteqaatit arlariit ingerlappakka, tassanilu erserpoq kommuunit aningaasatiguinnaanngitsoq atukkamikkut assigiinngitsutigut annertuumik naligiinngittoqartoq aammalu kommuunit akornanni aningaasaqarnikkut naligiinnginnerup ilumut piunera Inatsisartut Naalakkersuisullu tamarmik arajutsisimanngikkaluaraat isumaqarlunga. Kommuunit akornanni naligiinnginneq

Sinerissap naligiinnerusumik ineriartortinneqarnissaa iliuuseqarnermiittariaqalerpoq Read More »

AVANERSUAQ AAMMA INOQARPOQ

INUUSSUTISSANIK, ATORTUNIK KIISALU AALISARNERMI PINIARNERMILU ATORTUNIK PILERSORNEQARTUSSANIK! Uagut Avanersuarmi tamarmi najugaqartunut qinikkatut sinniisutut qinigaanikuusugut Avanersuup inuussutissatigut, piniarnermi atortutigut, atisatigut inuuniarnermilu pisariaqartutigut pilersornerlunneqarnera akuerisinnaanngilluinnarparput. Umiarsuaqaqqinnissatsinnut suli qaammatit tallimat, inuussutissalli atortullu inuuniarnermi pisariaqartut nungoralereernikuupput. Sungiusimaannalernikuuarput nioqqutissat qaammaterpassuarni qaangiinikut inuussutissatut pisiarineqartarneri, assersuutigiinnarlugu Siorapalummi igaassat maanna tamarmik qaangiinikuupput, Savissivimmi piniarnerinnarmik inuuniarfiusumi piniarnermi atortunik pisiassaqanngilaq, pisiniassagunik kujammut piniartariaqarput, nalinginnaasuuvorlu timmisartuaqqap

AVANERSUAQ AAMMA INOQARPOQ Read More »

Nuup kangerluini kilisaatersorluni aalisarneq akuerinngilarput

Siullermik Aalisarnermut, Piniarnermut, Nunalerinermut Imminullu PilersornermutNaalakkersuisumut apeqqut: “Nuup kangerluini saarullinnik qalorsorluni kilisalluni aalisarnerneqsusassaqartut isumasiunngilluinnarlugit aamma inatsisinik tunngaveqarluni akuerineqarpa?” Matumuuna Siumut sinnerlugu kommuneqarfik Sermersuumi Aalisarnermut Siunnersuisooqatigiinnutilaasortatut tupigaara suut tunngavigalugit taamatut kangerluni qalorsorluni kilisallunisaarullinniarnissamut akuersissummik tunniussisoqarsimanera. Tassami Kommuneqarfik Sermersuumi ataatsimiitsitaliami susassaqartumi kangerlutsinni kilisallunisaarullinniarnissamut tunngassutilinnik isumasiorneqarsimanngilagut, taassuma saniatigut sinerissapqanittuani aalisaartut peqatigiiffii aamma isumasiorneqarsimanngillat. Nalunngilarput Nuup kangerluini bundgarnersorluni uumatitsivilersorluni

Nuup kangerluini kilisaatersorluni aalisarneq akuerinngilarput Read More »

Inuiaat nukittuut pilersinneqassappata ilaqutariit qitiutinneqartariaqarput

Inuiaat nukittuut pisariaqartippaat oqaluttuarisaanerput isigalugu, akisussaaffitsinnik ilorrisimaarfiginninnissarput siunissamillu ilusilersuisinnaasariaqartugut – ilaqutariit qitiutillugit, ataatsimoorfeqarneq tunngavigalugu inuullu naleqassusaa pingaartillugu. Siumut takorluukkanik pilersaarusiortoqassatillugu kingumut pereersunut qiviaqqaarnissaq pinngitsoorneqarsinnaanngilaq. Taakkuusussaammata tikkuussisussat anguniakkamut piviusunngortikkumasamut. Pingaarnerpaaq annermik tassaasarpoq apeqqusiisinnaaneq: Qanoq aallartippa? Qanorlu ingerlava? Aamma qanoq iluatsissava? Ullutsinni inuiannguit ikeqisut inuusaasianni killiffiannilu ilungersunartuni arlalinni qiviagassaqarpugut. Akornatsinni inuuniarnikkut ilungersortorpassuaqarpoq, ilaatigut immikkut ikiortarialippassuarnik ajoraluartunik taqiinnarnikunik

Inuiaat nukittuut pilersinneqassappata ilaqutariit qitiutinneqartariaqarput Read More »

Egon Poulsen, Kommuuneqarfik Sermersuumi Siumut sinnerlugu ilaasortaq

Innuttaasut neriuuteqalerteqqinniarlugit – Tasiilaq ineriartorteqqittariaqarpoq

Kommunalbestyrelse-mi ilaasortutut pingaaruteqartorujussuuvoq oqaatigissallugu Tasiilami nunaqarfittaanilu ineriartorneq uninngasimasoq, sanaartorneq uninngasoq aammalu inissaaleqineq ajornartorsiutit annerpaartarigaat,  innuttaasuni tatiginninnerup neriuutillu annikillisimanerannik kinguneqarpoq. Innuttaasut illoqarfimmi najugaqartuusut ulluinnarni malugaat pilersaarutit eqquunneq ajortut, sanaartorneq takuneqarsinnaanngilaq, siunissamullu neriuut  qajannaannerulerluni. Tamanna akuersaarneqarsinnaanngilaq. Illoqarfik ineriartortinneqanngippat, innuttaasut namminneq illoqarfimminnut tatiginninnerat qinikkanullu tatiginninnerat annaaneqarsinnaavoq. Tasiilaq illoqarfiuvoq ineriartornissamut periarfissarpassualik, kisianni politikkikkut sumiginnangaanera pissutigalugu periarfissat taakku atorneqanngillat. Inissiat

Innuttaasut neriuuteqalerteqqinniarlugit – Tasiilaq ineriartorteqqittariaqarpoq Read More »

KNI Pilersuisoq suli anginerulertariaqarpoq

KGH-ip namminersortunngorsarneqarsimanera iluatsinneqarsimanngittoq nassuerutigisariaqarpoq. Illoqarfinni mikinerusuni aammalumi nunaqarfippassuarni niuertarfeqarnikkut pissutsit ajorseriarsimanerat sivisuallaamik iliuuseqarfigineqarsimanngimmat ajuusaarnarpoq. Akerlianik maanna annerusumik iluanaartuupput Norskit Pisiffimmik piginnittuusut. Illoqarfinni annerusuni pingasuni aammalu illoqarfinni mikinerusuni Pisiffeqartuni jyskeqartunilu nioqqutissat qiniataarneqarsinnaasut (nerisassaanngittut) assigiinngippallaarput, illoqarfinni mikinerusuni toqqagassat ikippallaarput tamannalu pisisartunut assigiinngisitsineq akueriuminaappoq. Assersuutissaqqippoq maani Aasianni jyskimi nerriviit sofa-llu pisiassat nuisasut ataasiinnaasarput allanik toqqagassaqarani, illuani Nuummi jyskimut

KNI Pilersuisoq suli anginerulertariaqarpoq Read More »

Inuiattut ataatsimoorpugut

Kalaallit Nunaani partiini siulittaasuusugut aammaartumik Nunatta USA-miit tatineqannginnissaa naqissuserusupparput. Ameerikkamiuunianngilagut, qallunaajunianngilagut, Kalaaliuniarpugut. Kalaallit Nunaat tassaavoq nuna Namminersorneq pillugu Inatsit malillugu tamat oqartussaaqataanerat aqqutigalugu aqunneqartoq. Naalakkersuisut Inatsisartullu Nunatsinni innuttaasut qinigaattut sulipput tassanilu USA nunallu killiit nunatta qanimut suleqatigalugillu suleqatigiuagassarai. Nunatta siunissaa Inuiaat Kalaallit namminneq aalajangigassaraat. Nunat tamalaanit inatsisit naapertorlugit aammalu Namminersorneq pillugu inatsit aallaavigalugu aqqut tamanna

Inuiattut ataatsimoorpugut Read More »

Siumut sermersooq atsioqataavoq

Kommunalbestyrelse ataatsimiinnerani ulloq 3. december 2026 aningaasatigut ukiumut 2026-imut aappassaarinermi Siumut akuerseqataavoq taamaasillunilu isumaqatigiissummut atsioqataalluni. Nuannaarutigaarput Siumut gruppi isumaqatiginninniarnermi peqataanerminni angusaqarluarluta atsioqataagatta. Siumumiit pingaartilluinnaratsigu innuttaasut atugaat aammalu sullissineq innuttaasunut pitsanngorsartuagassaq tikuuttuaratsigu. Kommuneqarfik Sermersooq tamakkiisumik isigalugu ineriartortuarnissaq angusaqarfigerusuttaqaarput. Taamannalu anguniakkatsinni pingaarluinnartuusoq oqaatigerusupparput. Ukiorpassuarni Nuuk ineriartortuarsimavoq inissaminiipporlu tamanna, taamaattumik tulattarfeqarnikkut suliniutit pingaaruteqarluinnartut Nunatta ineriartoqqinnissaanut Siumumiit naalakkersuinikkut aqqutissiuunneqartut

Siumut sermersooq atsioqataavoq Read More »

𝐒𝐢𝐧𝐞𝐫𝐢𝐬𝐬𝐚𝐦𝐢 𝐩𝐞𝐪𝐪𝐢𝐧𝐧𝐢𝐬𝐬𝐚𝐪𝐚𝐫𝐟𝐢𝐧𝐧𝐮𝐭 𝐢𝐥𝐢𝐮𝐮𝐬𝐞𝐪𝐚𝐫𝐧𝐢𝐬𝐬𝐚𝐪 𝐩𝐢𝐬𝐚𝐫𝐢𝐚𝐪𝐚𝐫𝐩𝐨𝐪, 𝐩𝐢𝐥𝐞𝐫𝐬𝐚𝐚𝐫𝐮𝐭𝐢𝐧𝐮𝐭 𝐢𝐬𝐮𝐦𝐚𝐪𝐚𝐭𝐢𝐠𝐢𝐧𝐧𝐢𝐧𝐧𝐢𝐚𝐚𝐧𝐧𝐚𝐫𝐚𝐧𝐢

Nunatsinni peqqinnissaqarfiup annertuumik pisariaqartitsinerani, sinerissami nakorsiarsinnaanerup erngertumik iliuuseqarfiginissaa pisariaqarluinnarpoq. Maannamut Naalakkersuisut Naalagaaffik peqatigalugu isumaqatigiissusiortarnerat siunertaqarluaraluartoq pingaarnersiuinissaq pingaaruteqarluinnarpoq, sinerissamilu pisariaqartitsineq immikkut sallertullu maluginiagassaalluni. Naak isumaqatigiissutit siunertamikku kusanaraluartut iliuuseqarnissaq erngertumik nunatsinni pisariaqartoq Siumut isumaqarpoq. Najukkani inuup inuunera navianartorsiortillugu innuttaasut najukkaminni ikiorserneqarnissamik pisariaqartitsipput. Ataavartumik napparsimaveqarfiit sulisulersornissaat tuaviortumik pisinnaanngippat, taava erngertumik rejseholdenik pilersitsisoqarnissaa pisariaqarluinnarpoq. Peqqinnissaq pillugu Ataatsimiititaliarsuup innersuussutigisimasai aallaavigineqassasut

𝐒𝐢𝐧𝐞𝐫𝐢𝐬𝐬𝐚𝐦𝐢 𝐩𝐞𝐪𝐪𝐢𝐧𝐧𝐢𝐬𝐬𝐚𝐪𝐚𝐫𝐟𝐢𝐧𝐧𝐮𝐭 𝐢𝐥𝐢𝐮𝐮𝐬𝐞𝐪𝐚𝐫𝐧𝐢𝐬𝐬𝐚𝐪 𝐩𝐢𝐬𝐚𝐫𝐢𝐚𝐪𝐚𝐫𝐩𝐨𝐪, 𝐩𝐢𝐥𝐞𝐫𝐬𝐚𝐚𝐫𝐮𝐭𝐢𝐧𝐮𝐭 𝐢𝐬𝐮𝐦𝐚𝐪𝐚𝐭𝐢𝐠𝐢𝐧𝐧𝐢𝐧𝐧𝐢𝐚𝐚𝐧𝐧𝐚𝐫𝐚𝐧𝐢 Read More »

Kuummiuni attaveqaatitigut ajutoorluinnarneq

Sapaatit akuneri arfineq marluk matuma siorna innaallagiatigut qamittoorneq Kuummiuni pivoq.Taassuma kingunerivaa Kommunep ataani attaveqaatit tamavimmik qamimmata.Saaffiginninnerpassuit pisimapput Kommunep allaffianiit atuarfimmiillu. Annerusumikikiuunniarsarineq pisimanngilaq. Paasisammi aallaavigalugit ajornartorsiut Tusassminngaanneerpoq. Taakkulu saaffigigaluaraanni tikittoqassananilu ikiuunniarsarineqtimitaqartarsimanngilaq. Pissutsit ilungersunarluinnarput. Suliffeqarfittut kiffartuussisussaasutut sulinissaq innuttaasuniitnaatsorsuutaavoq. Attaveqaatilli iluarsineqanngippata aaqqiisoqarsinnaanngilaq. Unittoorneqannertooq pivoq. Aqqutit tamaasa atorlugit saaffiginninnerpassuit piagluarput ajoraluartumikkiffartuussisussaagaluit ilagt naqisimanninnermik pissaanermik atorlutik nipangersaapput.Tamanna assut quarsaarnarpoq. Naggataagut

Kuummiuni attaveqaatitigut ajutoorluinnarneq Read More »

Naalakkersuisunut allakkat ammasut

KNI A/S-ip ingerlatsinera Siumup innuttaasunut ernumanartippaa KNI A/S aningaasartuutinik ikilisaanermi nassuiaateqarnermigut nioqqutissat assigiiaat arlallitikilisarlugit nalunaaruteqarnikuuvoq, maannalu innuttaasut orulluteqarneri imaaginnavipput,ilaatigut sinerissap ilaani juullimut nioqqutissat naammannaviarnatik. Maanna juulleriartorneranijuullip pisatai amikkisaarunneqartut aamma saqqummerpoq, saniatigut Pilersuisoqarfinni akitqaffariarput tamannalu immini najugaqartunit nammakkuminaattorujussuuvoqinuuffigiuminaassiartuaartitsisuullunilu. Naak §37 naapertorlugu apeqqutigineqarsimasumut normu 108 23. Oktober 2025 Naalakkersuisutkiffartuussinermi isumaqatigiissummi eqquutsitsinissaq nakkutigissalluguakissuteqarsimagaluartut tusagassiorfitsigut oqariartuutigineqartut ajorsiartuinnartututisikkoqarput. Inoqarfinnut minnernut

Naalakkersuisunut allakkat ammasut Read More »

Inussuk pillugu suliamut paasissutissat Kommuneqarfik Sermersuumi qinikkanut isertuunneqarpat?

Tusatsiakkat, tusagassiutitigullu tusartakkat, eqqoriaanerillu politikkikkut sulinitsinni akueriinnarsinnaannginnatsigit Siumut Sermersuup gruppia sukumiisumik tunngavissalinnillu paasissutissanik suliamik takunnissinnaanikkut qulakkeerinnikkusuppoq – politikkikkut akisussaassusilimmik ingerlatsinissaq pisariaqarmat. Siullermik Inussuk pillugu NCD-ip kingornalu kommunep suliarisimasaat tamakkiisumik qinikkanut saqqummiunneqarnikuunngillat. Taamaattumik tusagassiutitigut aatsaat paasissutissat apuuttartut tusatsiakkallu naammaginnginnatsigit Sermersooq Siumut gruppe Suliamut takunnissinnaanermik piumasaqarpugut inatsisitigut tunngavilimmik. https://nalunaarutit.gl/groenlandsk-lovgivning/2017/l-29-2017?sc_lang=kl-GL Kommunit aqunneqarnerat pillugu Inatsisartut inatsisaat: § 12.  Kommunalbestyrelsimut

Inussuk pillugu suliamut paasissutissat Kommuneqarfik Sermersuumi qinikkanut isertuunneqarpat? Read More »

Nunarput nammineq nunanik allanik oqaluussaqarnissamut pisinnaatitaavoq

Kingullertigut danskit tusagassiuuteqarfiisigut amerikarmiut qallunaat avaqqullugit nunatsinnik naapitsiniarsimanerat eqqartorneqartoq Siumumut qisuariartitsivoq. Maluginiarnanngitsuunngilaq suut qulequttat pillugit amerikkarmiuniit naapitserusuttoqarsimanera nassuiaatigineqanngikkaluartoq ingerlaannaq Kalaallit Nunaannut pingaarutilinnut nunanut allanut sillimaniarnermullu tunngasunik eqqartuisoqartillugu Kalaallit Nunaat Danmarkilu tamarmik peqataasassanerat ileqquunerarlugu innersuussisoqarmat. Siumup naqissusissavaa: Kalaallit Nunaat danskit nunanut allanut politikkianut maleruutiinnartussiaanngilaq. Nunarput nammineq akisussaaffiit tigoreersimasat pineqartillugit isumaqatigiinniarsinnaatitaavoq namminerlu nunat suleqatigerusutani peqatigalugit illugiittumik toqqaannaq

Nunarput nammineq nunanik allanik oqaluussaqarnissamut pisinnaatitaavoq Read More »

Tasiilami juullimut nioqqutissat naammassanngitsut

Tasiilami maanna umiarsuaqaqqittoqarnissaanik pisariaqartitsinermut isumaqataasut 300-400 amerlassusillit atsiornernik katersisoqarnerani atsioqataasimapput. Juullertinnagu nioqqutissat nungorareersimanissaat innuttaasunit aarleqqutigineqarpoq, Royal Arctic Linemiillu nalunaarutigineqarpoq umiarsuassaqannginneq peqqutaalluni aappaagu maajimi aatsaat tasiilaq tikinneqaqqikkumaartoq ilisimatitsissutigineqarlunilu ukiup tullianut angalanissamut pilersaarutit asserluinnaanik aamma pilersaarusiorfigineqartut. Tasiilami sikorsuit decemberimi aatsaat takkunnissaat tunngavigalugu ataaseria umiarsuaqaqqittoqarnissaa piffissaqarluarpoq. Royal Arctic Line inuiaqatigiit ingerlatseqatigiiffiat kisermaassisussaatitaasoq pisussaaffeqartorlugu sinerissami piffinnut atuisunullu pisariaqartitsineq malillugu

Tasiilami juullimut nioqqutissat naammassanngitsut Read More »

Partiip qullersaqarfiani pilersaarutit malillugit Siumut nutaamik pisortaqarnikkut aaqqissuussivoq

Partiip qullersaqarfiani pilersaarutit malillugit Siumup Siulersuisuuneri nutaamik pisortaqarnikkut aaqqissuussipput. Siumup allattaaneratut ulloq oktoberip naggataat 2025 aallarnerfigalugu Ole Aggo Markussen atuuffeerutissaaq. Ole Aggop ukiorpassuarni partiimut sullissisimaneranut, partiip ingerlanneqarneranut qitiusumik inissisimalluni suleqataaneranut, siulersorneqarneranut qullersaqarfiullu ineriartortissimaneranut, Siumumit qutsavigaarput. Partiip allattaaneranut novemberip aallaqqaataat 2025 aallarnerfigalugu Aviaja Hegelund-Tittussen atorfeqalissaaq. Aviajap partiip aaqqissuussaanikkut inissisimaneranut aammalu ingerlanneqarneranut misilittagaqarluarpoq, qullersaqarfiullu immikkoortortaqarfiit peqatigalugit ineriartorteqqinnissaanut

Partiip qullersaqarfiani pilersaarutit malillugit Siumut nutaamik pisortaqarnikkut aaqqissuussivoq Read More »

Tunumi nannuttassat amerlineqarnissaat Siumup kaammattuutigaa – ilisimatusarneq tunngavigalugu

Siumup Naalakkersuisut kaammattorpai, Tunumi nannuttassat amerlineqassasut, tamannalu Pinngortitaleriffiup ilisimatusarnerminut tunngatillugu nutaamik saqqummiussinerata kingunerisaanik pissasoq. Nalunaarusiap takutippaa Tunumi nannut siornatigut naatsorsuutigineqartunit amerlanerusut aamma piujuartitsisumik inissisimalersimasut. Siumup erseqqissarpaa pisassiissutit qaffanneqarnissaat akisussaassuseqartumik ingerlanneqassasoq, aamma Tasiilami Ittoqqortoormiinilu piniartut suleqatigalugit nakkutilliineq ilutigisaanik annertusarneqassasoq, soorlu nalunaarusiami allanneqarsimasutut. Pinngortitaleriffik 2023-mi aamma 2024-mi Tunumi nanoqassutsi pillugu misissuivoq. Pinngortitaleriffiup nalunaarusiaa nutaaq tunngavigalugu erserpoq, Tunumi

Tunumi nannuttassat amerlineqarnissaat Siumup kaammattuutigaa – ilisimatusarneq tunngavigalugu Read More »

Nalunaaqutaq pillugu Siumup inatsisissatut siunnersuutaa ataatsimiititaliamut ingerlateqqinneqarpoq

Ullumi Siumut Inatsisartuni inatsisissatut siunnersuuteqarpoq, Nunatsinni nalunaaquttap ingerlaqatigiiffia allanngortinneqassasoq aamma aasaanerani nalunaaqutaq atorunnaarsinneqassasoq. Siumup siunnersuutaa siullermik saqqummiunneqarpoq ukioq ataaserpiaq matuma siorna, siunnersuulli nakkarpoq, Inatsisartunut qinersisoqartussanngornera pissutigalugu. Kalaallit Nunaat UTC -2 naapertorlugu ingerlavoq, Siumullu siunnersuutigaa nalunaaqutaq allanngortinneqassasoq UTC -3-mut, taamaalilluni seqerngup ingerlaarneranut naleqqiullugu pissusissamisut ingerlasoqaqqilissammat. Siumup ilaatigut tunngavilersuutigaa innuttaasut peqqissusaat eqqarsaatigalugu allannguut iluaqutaassasoq aamma piffissamik nikisitsisarneq

Nalunaaqutaq pillugu Siumup inatsisissatut siunnersuutaa ataatsimiititaliamut ingerlateqqinneqarpoq Read More »

Siumut Aasisaat ataatsimeersuarpoq

Siumut Aasiaat oktobarip arfineq-pingajuanni ataatsimeersuarpoq. Ataatsimeersuariartut uku siulersuisuni inissisimassasut aalajangerpaat: Siulittaasoq: Frantz Lundblad.Siu. tullia: Samuel Kleemann.Aningaaserisoq: Kaja Olsen.Allatsi: Thomas Siegstad.Siulersuisunut ilaasortat: Paneeraq Sandgreen aamma Victoria Rafaelsen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit. Siulersuisunut ilaasortaasimasut sulilluarsimanerannuttaaq qutsavigaagut.

Siumut Aasisaat ataatsimeersuarpoq Read More »

Atuarfiit matuneqarnerisa nalaani suliffeqarfiit ikiueqqullugit Siumup kaammattorpai

Kommuneqarfik Sermersuummi Siumut kaammattuivoq, atuarfiit matoqqatinneqarallarnissaata nalaani suliffeqarfiit ikiuuteqqullugit. Suliffeqarfiit nerisarfinnik, ininik imaluunniit nukissanik allanik peqarunik kaammattorneqarput taakku atuartunut angajullernut, pingaartumik misilitsinnissamik piareersartunut, atorneqarsinnaasunngorlugit periarfisseeqqullugit. Siunertarineqarpoq meeqqat atuarnerat qulakkeerneqassasoq aamma, naak atuarfiit unamminartorsioraluartut, misilitsinnissamut piareersarfissanik meeqqat periarfissaqassasut – kommunip, angajoqqaat suliffeqarfiillu akornanni suleqatigiinnikkut. All.: Dorthe-Marie Mogensen-Fontain, Sermersuummi Siumup gruppiata siulittaasuat Siumut Sermersuummi kommunalbestyrelsimut ilaasortaasugut, Kommuneqarfik

Atuarfiit matuneqarnerisa nalaani suliffeqarfiit ikiueqqullugit Siumup kaammattorpai Read More »

Ilulissani Isumaqatigiissut aamma Kalaallit Nunaata Issittumi allanngorsimasumi inissisimanera

Ilulissani isumaqatigiissut 2008-imeersoq aalajangersaavoq, Issittumi sakkutuulersuisoqassanngitsoq, aamma isumaqatigiissut taanna suli Issittumi nunat tallimat isumaqatigiissuteqarsimasut akornanni tunngaviuvoq. Piffissap ingerlanerani nunarsuarmi politikikkut pissutsit allanngorsimaqaat, Issittumilu sakkutuut amerlanerulersimapput – aamma Kalaallit Nunaanni. Taamaattumik ilumoorullugu aalajangersaanerni peqataatinneqarnissarput piumasarissallugu inissaminiippoq, tassami Namminersorlutik Oqartussat pillugit inatsit naapertorlugu, nunap nammineq avatangiisiminut piginnittuunera atuuppoq. Taamaattumik Siumup ujartorpaa suleqatigiinneq ammasoq, aamma Ilulissani isumaqatigiissut nutaamik

Ilulissani Isumaqatigiissut aamma Kalaallit Nunaata Issittumi allanngorsimasumi inissisimanera Read More »

Ivaaqqami inunnik innarluutilinnik sullissineq pitsanngorsartariaqarpoq

Siumut paasitinneqarpoq Qaqortumi inunnik innarluutilinnut sullissivik, Ivaaraq, sulisut suli ikippallaartarnerat pissutigalugu annertuumik ajornartorsiuteqartoqartoq. Ivaaraq pillugu ukiut siuliini imaannaanngitsut pisimasut eqqarsaatigalugit Siumut isumaqarpoq inunnik innarluutilinnik sullissinerup pitsaasuunissaannik siunertaqarneq tunngavigalugu, nakkutilliisoqarneq naammattumik ingerlasimanngitsoq nukittorsarneqartariaqartorlu. Aamma oqartussanit iliuuseqartoqarani ineqartunut qanigisaasunullu ajorluinnartumik kinguneqarsimasoq peqqinngisaannarnissaanik qulakkeerinnittumik suleriaqqittoqartariaqartoq. Taamaattumik Naalakkersuisut suli qulakkeerinnissimasutut inissisimarpasinngimmata, aammalu ineqartunut qanigisaasunut, inunnillu innarluutilinnut sulisut piusut ilungersornerat

Ivaaqqami inunnik innarluutilinnik sullissineq pitsanngorsartariaqarpoq Read More »

Naammaleqaaq! Aqutsinerlunneq atuartut siunissaannik akeqartinneqalerpoq

Kommuneqarfik Sermersuummi Siumup gruppiata piumasaraa, Nuummi atuarfinnik matusinerit kinguartoornerillu pillugit ammasumik erseqqissumillu paasissutissiisoqassasoq. Angajoqqaat qinikkallu ersarissunik akissutissarsinissartik pisariaqartilluinnarpaat. All.: Dorthe-Marie Mogensen-Fontain, Sermersuummi Siumup gruppiata siulittaasuat Siumut gruppianiit atuarfiit pillugit suliat erseqqissumik aammalu innuttaasunut pitsaasumik paasissutissiinissaq maanna sakkortuumik piumasaraarput. Atuarfik nutaarsuaq ammarsinnaanngitsoq, atuarfik ataaseq matusoq. Pissutsit ilungersunarluinnarsipput aqutsinerlunnerup aqqani. Atuarfik Inussuup suliarineqarnerani Siumumiit piumasaraarput paasissutissanik ersarissunik

Naammaleqaaq! Aqutsinerlunneq atuartut siunissaannik akeqartinneqalerpoq Read More »

Naartunaveersaasersuisimanermut eqqugaasimasunut taarsiissuteqarnissaq piaarnerpaamik pisariaqarpoq

All. Anders Olsen, Inatsisartunut ilaasortaq Kalaallit arnarpassuit akuersiteqqaarnagit naartunaveersaasersuisimaneq pillugu nunatsinni oqaluttuarisaanermi pisimasut taarluinnartut ilaat inuiaqatigiittullu oqaluttuarisaanitsinnut tunngasumi akisussaaffimmik tigusinissaq allaqqunneqarsinnaanngilaq.  Taamaammat Siumup suliarisimasaasa ilaat, tassalu aningaasanut inatsimmi 2025-mi arnat eqqorneqarsimasut 1992-mi peqqinnissarqarfimmik akisussaaffeqalernerup kingorna, taarsiivigineqarnissaanut aningaasanik immikkoortitsiviusimanera qujamasuutigivaat. Siumut isumaqartuarpoq, inuiaqatigiittut akisussaaffik pinngitsoorata tigusariaqaripput, tassami eqqugaasimasut arnat ilaqutaasullu annertuumik kingunerluutilimmik aqqusaagaqarsimanerat eqqarsaatigalugu. Aningaasanut inatsimmi

Naartunaveersaasersuisimanermut eqqugaasimasunut taarsiissuteqarnissaq piaarnerpaamik pisariaqarpoq Read More »

Aningaasaqarnikkut unammilligassat ineriartortitsinermut saatsinneqassapput

Tasiilami suliniut unitsinneqassanngilaq – Nunatta unammilligassai ineriartortitsinermut saatinneqartariaqarput All.: Lars Poulsen, Inatsisartunut ilaasortaq Naalakkersuisut nalunaaruteqarput Tasiilami erngup nukinga atorlugu nukissiuutip allilerneqarnissaa unitsinneqassasoq. Aalajangiineq tamanna tupinnanngitsumik ernummatigineqarpoq aamma pakatsisoqarpoq. Nunarput ima inissisimavoq, nukissiuutinik atuinitsigut unammisassagut ineriartortitassavullu annikilliartunngitsut – annertusiartorput. Nukissiuutit naammattut pilersinneqanngippata sanaartorneq killilersorneqassaaq, suliniutillu annerusut unitsinneqartariaqalissallutik. Naalakkersuisut naapertorlugit Nunarput aningaasaqarnikkut unamminartorsiorfimmiippoq, Tamanna ilumoorpoq, kisianni tamanna

Aningaasaqarnikkut unammilligassat ineriartortitsinermut saatsinneqassapput Read More »

Akisussaassuseqarneq, ineriartorneq namminiussuseqarnerlu – 2026-mut aningaasanut inatsisissamut Siumup siunnerfigisai

Naalakkersuisut aappaagumut 2026-mut aningaasanut inatsisissaq pillugu saqqummiussaanut Siumut sinnerlugu qujanaq. Siullermik oqaatigerusuppara Siumumiit anguniagassatut siunnerfigut pillugit siullermeerinninnermi oqaaseqarfissagut saqqummiutissagatsigit soorlu makkununnga tunngasut: Peqqinnissaqarfik, sanaartorneq, meeqqat atuarfiat, atugarissaarneq, pisortat kiffartuussivii ingerlalluartut, inuussutissarsiutit, minguitsumik nukissiuuteqarneq, ilinniartitaaneq pitsaasoq, suliffissat pitsaasut tamanullu inissaqartitsisut, naalagaaffinngornissamut sulinerup nanginneqarnissaa kiisalu nunarput oqimaaqatigiissumik aaqqissuunneqarsimasoq. Ersarissumillu aamma ullumikkut oqaatigissavarput uagut kalaallit immitsinnut aallaavigaluta sulinissarput

Akisussaassuseqarneq, ineriartorneq namminiussuseqarnerlu – 2026-mut aningaasanut inatsisissamut Siumup siunnerfigisai Read More »

Inuit pillugit aningaasaliineq – nunarput pisinnaanerulersillugu kiffaanngissuseqarnerulernissamut aqqut

(Naalakkersuisut siulittaasuata ammaanermi oqalugiaataa tunngavigalugu oqallinneq.) Ataqqinartoq Inatsisartunut Siulittaasuat. Inatsisartunut ilaasortat, Naalakkersuisut aamma nunaqqatikka ataqqinartut. Maanna qinersereernerup kingorna Inatsisartut ukiuat siulleq aallartipparput. Sulinissatsinnut assorujussuaq Siumumiit qilanaarpugut piumassuseqaqalutalu. Siumumiillu sulinerput tamatigut tunngaveqartarput nunarput inuilu pillugit sulineq. Taamaattumik oqaatigeriissavarput inuiaqatigiit ajunnginnerpaamik ineriartoqqulluta, suliniutit tamatsinnut iluaqutaasussatut nalilikkavut pisarnerput naapertorlugu tunuarsimaanngilluinnarluta suleqataaffigissagatsigit aammalu uparuaataasinnaasut tunuarsimaanngilluinnarluta pisarumaaratsigit. Naalakkersuisut Siulittaasuata Inatsisartunut

Inuit pillugit aningaasaliineq – nunarput pisinnaanerulersillugu kiffaanngissuseqarnerulernissamut aqqut Read More »

Ilaasortanngorit

Ataani immersugassaq immersoriarlugu nassiuguk. Immersugassaq pappilianngorlugu uani aamma aasinnaavat (pdf). Siumumi inuttut assigiinngisitaarnerput inissaqartillugu peqatigiilluta pingaartitavut ulluinnarni sulissutigaavut. Ilaasortat ilaat annertuumik tunniussaqartartut, ilaat tapersersuinissaq pingaartinnerullugu peqataasarput. Ataatsimoorussarpulli tassaavoq tamatta inuttut ataasiakkaatut nammineq napatissinnaanissatta salliutinnissaa, nunarput namminersortoq angutserlugu suliutigaluta. Pingaartitavut naapertuilluartuunermik assigiimmillu pisussaaffeqarlunilu pisinnaatitaaffeqarnermik tunngaveqarput. Ilaasortat Siumup toqqammavigai. Ilaasortatut politikkikkut suliniaqatigiiffimmut nukittuumut peqataalissaatit. Peqatigaluta suliniutigissavatit assigiimmik

Ilaasortanngorit Read More »

Tapersersuisunngorit

Siumut politikkikkut suliniaqatigiiffittut tapersersuisunik suleqataasinnaasunillu atorfissaqartitsiuartarpoq. Suleqataanissannut kajumissuseqaruit tapersersuisutut nalunaarit. Nalunaaruit Siumup allattoqarfianit saaffigineqassaatit. Taava qanoq suleqataasinnaanissat paaseqatigiissutigissavarput. Suleqataaffigineqarsinnaasut ilagaat; Tapersersuisunngorumallutit immersugassaq nassiuguk.

Tapersersuisunngorit Read More »

Upalungaarsimaneq – Qatserisartoqarneq

Nunatsinni innuttaasut tamarmik toqqissisimasumik inuuneqarnissaat qulakkeerneqassaaq — upalungaarsimanerup qatserisartoqarnerullu pitsaanerulernissaat Siumup anguniarpaa. Nunatsinni ajunaarnersuarnut upalungaarsimajuarnissarput pisariaqarluinnarpoq. Timmisartut umiarsuit ajunaarnerini, nunamik ikuallattoornermi, illorsuit ikuallarujussuarnerini, tassaarsuartoqarnermi allatigullu ajunaarnersuarnut periusissat peqqissaartumik suliarineqarsimasassapput. Inuttaasullu peqataatinnissaannut periusissiat innuttaasunut ingerlaavartumik paasissutissiissutigineqartassapput. Nunat uatsinnut sanilliuttakkavut assigalugit pisoqarfiusuni, soorlu tassaarsuartoqarfiusuni, inuit sumiiffimmi najugallit salliullutik upalungaarsimasussatut aaqqissuussamik piareersimasuutigineqartassapput. Aaqqissuussineq Islandimut Canadamullu assingusoq nunatsinnut eqqunneqassaaq.

Upalungaarsimaneq – Qatserisartoqarneq Read More »

Illersornissaq – annaassiniartarneq

Issittoq inoqarpoq — nunatsinni illersornissaq annaassiniartarnerlu pillugit innuttaasut inuussutissarsiortullu peqatigalugit ineriartortitsisoqassaaq. Siumup siuttuuffigisaannik Nunatsinni nammineerluta illersornissaq pillugu periusissiaqalernissarput aammalu issittumut atuuttussamik periusissiortoqarnissaa naammassillugu suliarineqarpoq. Siumup ilisimaaraa nunatta nunarsuarmi inissisimanera naapertorlugu illersornissakkut pingaaruteqarluinnarnera. Taamaammat aatsaat taamak pingaartigilerpoq issittoq nunarsuarmi sumi inissisimanerata pingaassusaa kisiat ukkanneqaqqunagu ersarissaassuteqartuarnissaq – issittoq inoqartoq, ukiorpassuarni nunamik najuisimasunik. Issittumi inuuvugut sakkulersuuffiusimanngisaannartumi, tamannalu pingaarnertut

Illersornissaq – annaassiniartarneq Read More »

Anguniakkavut

Anguniakkavut ataatsimeersuarnerit tamaasa nutarterneqartarput. Anguniakkat immikkoortortaqarfiit ilaasortallu aalajangersagaraat, ulluinnarni siulersuisunit nakkutigineqartut. Anguniakkat naalakkersuinikkut sulinermi toqqammaviupput. Pineqartumut tunngatillugu aalajangersakkat toqqammavigalugit sulineq ingerlanneqartarpoq.   Anguniaqqusat qulequtai naapertorlugit misissorsinnaavatit. Pineqartunut ataasiakkaanut nalornissuteqaruit allattoqarfimmut saaffiginninnissannut tikilluaqqusaavutit.   Siumut kingullermik Nuummi julip naanerani 2025 ataatsimeersuarpoq.  Anguniakkat 2025 – 2028  Siumup tunngaviusumik siunertai Nunatta naalagaaffinngornissaa Aningaasarsiorneq Aningaasaqarneq akileraarutillu Nunarsuarmioqataaneq Suliffeqarneq akulerutsitsinerlu

Anguniakkavut Read More »

Nunanut allanut tunngasut

Nunatta nunani tamalaani sunniuteqarnerulernissaa anguniagaavoq — suleqatigiinneq nunatsinniit aallaaveqarluni inuiaqatigiinnut naleqqussarneqassaaq. Siumup anguniarpaa sunulluunniit tunngasutigut nunanik allanik suleqateqarnissanut Nunatta nammineerluni isumaqatigiissuteqartalernissaa. Nunarput ukiuni aggersuni annertuunik ilungersuutissaqarpoq. Nunarsuarmioqatigiit sukkaqisumik imminnut akuliukkiartuinnarnerisa tikikkiartuinnarpaatigut. Nunarsuaq inuuffigisarput allanngorpoq, Europami sorsuttoqarneranik malitseqartumik unammilligassat nutaat pisussaaffinnik annertuunik allatullu eqqarsartariaqarnitsinnik piumasaqarput, periarfissanilli nutaanik tamanna aamma uagutsinnut tunisivoq. Aningaasarsiorneq assigiinngisitaartoq pilersikkumallugu nunat qaniginerusagut

Nunanut allanut tunngasut Read More »

Eqqartuussiveqarneq

Siumut sulissutigaa Kalaallit Nunaat suliassaqarfimmut nammineq oqartussaassuseqalissasoq, aatsaalli tamanna pissasoq eqqartuussiveqarnermut attuumassuteqartut tamarmik naalagaaffimmit isumannaatsumik ineriartortinneqarsimalerpata. Siumup pingaartilluinnarpaa siunissaq eqqarsaatigalugu eqqartuussiveqarnerup politeeqarnerullu nunatsinniit oqartussaaffigineqalernissaa, tamannali aatsaat pisariaqarpoq suliffeqarfiit eqqartuussiveqarnermut attuumassuteqartut tamarmik isumannaatsumik naalagaaffimmiit piorsaaffigineqareernerisigut. Tassunga tunngatillugu Siumup makku ilanngullugit sulissutiginiarpai: Pinerluttunik pineqaatissiisarnerup pinerluutaasunut naapertuunnerusumik pillaasarnissaq anguniarneqarpoq. Nalilersuutinut ilanngullugit eqqarsaatigineqarput piffinni pissutsit pinerluffigineqartullu atugarisaat. Pinerlunnikkut eqqorneqartut

Eqqartuussiveqarneq Read More »

Namminersortunngorsaaneq

Siumup qulakkiissavaa, suliffeqarfiit innuttaasunut iluaqutaallutik ingerlanissaat, namminersortunngorsaanerlu isumannaatsumik inuiaqatigiinnullu nangittumik iluaqutaalluni ingerlanneqarsinnaappat tamanna periarfissaasaaq. Inuiaqatigiit ingerlanneqarneranni innuttaasut toqqaannarnerusumik peqataallutillu akisussaaqataanissaat siunertaralugu suliffeqarfissuit Namminersorlutik Oqartussanit pigineqartut ilaat namminersortunut ingerlatassanngortinneqarnissaat Siumup siunertaraa, taamaaliorneq inuiaqatigiit kiffartuunneqarnerannut aningaasaqarniarnerannullu isumannaatsumik ingerlatsiviusinnaappat. Suliffeqarfissuit ilaat nunarput tamakkerlugu sullissiviusut namminersortunngorsarniaannarlugit namminersortunngorsarneqassanngillat, tamatumani inuiaqatigiinni isumagineqartut suliarineqartullu tamatigut isumannaatsuunissaat siunertaajuartariaqarmat. Namminersorlutik Oqartussat suliffeqarfiutaannik namminersortunut tunisiniarnermi

Namminersortunngorsaaneq Read More »

Namminersorlutik Oqartussat suliffeqarfiutaat

Namminersorlutik Oqartussat suliffeqarfiutaat nunatsinni nunatsinniillu ingerlanneqassapput — inuiaqatigiinni ineriartornermut naleqqussarneqarsimallutik. Namminersorlutik Oqartussat suliffeqarfiutaat periarfissaqartillugu sineriammut nuunneqarsinnaanissaat ujartorlugu misissuisoqassaaq. Namminersorlutik Oqartussat suliffeqarfiutaat Danmarkimiittut nunatsinnut nuunneqassapput. Namminersorlutik Oqartussat suliffeqarfiutaanni assigiinngitsuni pisortanik atorfinitsitsinerni inuiaqatigiinnik ilisimasaqarneq, naleqartitanik oqaatitsinnillu piginnaasaqarlunilu ilisimasaqarneq salliutillugit nalilersuinermi tunngavigineqartassapput. Inuit piginnaaneri aallaavigalugit ingerlatseqatigiiffinni siulersuisuliisarneq isumagineqassaaq, tamatumani inuiaqatigiinnik ilisimasaqarneq, naleqartitanik oqaatitsinnillu piginnaasaqarlunilu ilisimasaqarneq salliutillugit nalilersuinermi tunngavigineqartassapput. Namminersorlutik

Namminersorlutik Oqartussat suliffeqarfiutaat Read More »

Pisortani allaffissorneq

Pisortat allaffissornerat kalaallit oqaasii atorlugit ingerlanneqassaaq — innuttaasullu sulinermi salliullutik inissisimassapput. Nunatsinni pisortat allaffissornerat oqaatsivut atorlugit ingerlanneqassaaq. Pisortat allaffissorneranni sulisorisat katitigaanerat qaqugukkulluunniit nunami innuttaasut katitigaanerannut naapertuuttumik aaqqissuunneqassaaq. Taamatut inissisimalernissaq anguniarlugu pisortat allaffissorneranni sulisorisat katitigaanerat pillugu misissuisoqassaaq, sumi pitsanngorsaasoqartariaqarnersoq paaseqqissaarumallugu. Naleqqussaasoqarfiusariaqartuni tamani kalaallit Nunaannut naapertuuttumik amerlassuseqartut atorfinitsinneqarnissaannut pilersaarusiortoqassaaq, aporfiusinnaasut piiarlugit, piginnaanngorsaanerillu pisariaqartinneqartut pilersillugit. Nunatsinni pisortani allaffissornikkut

Pisortani allaffissorneq Read More »

Kommunit

Kommunit namminersortut nukittorsarneqassapput — innuttaasut tamarmik najugaqarfigisaminni oqartussaaqataassapput. Kommunit namminersortuunerat innarlerneqassanngilaq. Siumup anguniarpaa kommunit aningaasaqarnikkut suliassatigullu namminersortuunerisa ineriartortinnissaat, kommuninik aaqqissuusseqqinnermi pilersaarusiaasimasut isumaqatigiissutillu naapertorlugit. Kommunit aaqqissuussaanerat ingerlatsinerallu tamanut assigiimmik sinaakkuserneqarsimassaaq. Kommunerujussuarnik naleqqussaaqqinnissaq innuttaasut amerlanerussuteqartut piumasarippassuk, tamanna Siumup suleqataaffigissavaa. Ilisimavarput Avannaata Kommunia agguloqqinniarluni aalajangersimasoq, Maniitsoq Sisimiullu akunnerminni oqaloqatigiittut aamma Nanortalimmi innuttaasut namminiussuseqarnerullutik ingerlatsilernissaminnik kissaateqartut. Kommuninut politikimut tunngaviusumik

Kommunit Read More »

Ilageeqarneq

Inuit timikkut tarnikkullu nukittuut — upperisarsiorneq killilersorneqanngitsoq pisinnaatitaaffiuvoq. Siumup anguniarpaa kalaaleq timikkut tarnikkullu toqqissisimasoq suleqataasorlu. Ilukkut nukittuujuneq inuunermilu ingerlalluarneq Siumup anersaaraa. Nunatsinni pisortatigoortumik oqaluffeqarnermi Ilagiit Kalaallit Lutherikkuusut tunngaviupput. Upperisarsiorneq inunnut ataasiakkaanut misigissutsinullu tunngalluinnartuuvoq, taamaattumik nunatsinni upperisarsiornermi sammiviit assigiinngitsut killilersorneqaratik ingerlanneqarsinnaassapput. Nunatsinni ilagiit nammineq siulersuissapput, ilagiinni qullersaqarfik sinniisullu peqatigalugit. Nunatsinni Ilagiinni aaqqissugaanikkut naleqqussaanissaq Siumup suleqataaffigerusuppaa, ilagiit

Ilageeqarneq Read More »

Timersorneq

Timikkut anersaakkullu peqqinnerput nukittorsarneqassaaq — meeqqat inuusuttullu sunngiffimminni periarfissarissaassapput. Inuiaqatigiit timikkut anersaakkullu peqqissut pilersinneqassapput, ilaatigut timersornikkut periarfissat annertusarneqarnerisigut. Siumup, Kalaallit Nunaanni Timersoqatigiiffiit Kattuffiata anguniagaa ‘Aalasa’, ukioq 2030 nallertinnagu nunatta nunarsuarmi timimik aalatitsiffiunerpaanngornissaa, tapersersorpaa. Nunaqarfinni timersornikkut kulturikkullu ineriartortitsinerup nukittorsaavigiuarnissaa ilutigalugu timersortarfeeqqanik / katersuuffigisinnaasunik nunaqarfinnut naleqquttunik sanaartornerup ingerlaqqinnissaa Siumup pingaartippaa. Nunaqarfinni sunngiffimmi sammisassaqartitsivinnik, ukioq tamaat atorneqarsinnaasunik pilersitsisarnissaq

Timersorneq Read More »

Inuiattut ileqqut – Piorsarsimassuseq – Kulturi

Oqaatsivut kulturerpullu nukittorsarneqassapput — inuiaqatigiinni illersorneqarlutik ingerlateqqinneqassallutik. Nunarput ingerlanneqassaaq Kalaallisut oqaatsivut pisortatigoortumik oqaasiusut atorlugit. Taamaattumik oqaatsit pillugit inatsit oqaatitsinnik illersuisoq naleqqussarlugu ineriartortinneqartuassaaq. Inuiaqatigiit atugarissaartut ilisarnaatigilluinnartarpaat kulturikkut sunngiffimmilu uummaarissumik peqataalluartarneq. Inuiaqatigiit tamatta suliassaraarput nunaqqatitta kulturikkut sunngiffimmilu peqataanissaannut pitsaanerusunik tunngavissiornissaq kiisalu nunaqqatigiittut qaammarsaqatigiinnissaq. Piorsarsimassutsikkut ineriartortitsineq tassaassaaq inuiaqatigiinnit aallaavilik, inuiaqatigiit kissaataat aallaavigalugit. Siumumi isumaqarpugut piorsarsimassutsimut pisortaniit aningaasaliissutaasartut naalakkersuinikkut

Inuiattut ileqqut – Piorsarsimassuseq – Kulturi Read More »

Pinaveersaartitsineq katsorsaanerlu

Pinaveersaartitsineq nukittorsarneqassaaq — inuiaqatigiit peqqinnerusut qulakkeerumallugit. Pinaveersaartitsineq aqqutigalugu inuiaat peqqinnarnerusumik inuuneqarnissaannut aqqutissiuussineq isumaginniffiit tamarmik suleqataaffigisaannik ingerlanneqassaaq. Pinaveersaartitsinermik suliaqarneq nukittorsarneqartuassaaq – qitiusumi najugaqarfinnilu ataasiakkaani. Suliniarnermi innuttaasut qitiutillugit suleqatigineqassapput. Pinaveersaartitsineq pillugu Siunnersuisoqatigiit nuna tamakkerlugu atuuttut ataavartumik anguniakkanik periusissanillu naleqqussaallutik siunnersuusiortassapput, inuiaqatigiit naleqartitaat pingaartitaallu aallaavigalugit. Ullumikkut inuusuttorpassuit naartuersittarput tamannalu inuttut naleqassutsimut annertuumik sunniuteqartarpoq peqqinnissaqarfinnullu annertoqisumik suliakkersuilluni. Pinaveersaartitsinerit inuusuttut

Pinaveersaartitsineq katsorsaanerlu Read More »

Inuit innarluutillit

Inuit innarluutillit pisinnaatitaaffii qulakkeerneqassapput — tamarmik inuiaqatigiinni naligiimmik pineqarlutik periarfissaqartinneqassapput. Siumup inuit innarluutillit pisinnaatitaaffiisa qulakkeerneqarnissaat pingaartippaa. Tamanna eqqarsaatigalugu Inuit Innarluutillit Oqaaseqartartuat pilersinneqarpoq, inatsillu innarluutillit pillugit nutarterneqarlutik. Innarluutillit, ersinngitsunik ersarissunilluunniit, pisariaqartitaannut naleqqussakkamik sullinneqarnissaat sulissutigineqassaaq – najukkami atugaasut tunngavigalugit ikiorsiissutit pitsanngorsaavigineqarlutik. Tarnikkut timikkullu innarluutilinnut najugaqarfiit naleqqussarneqassapput, sulisoqarnerlu pitsaasumik ingerlanissamut qulakkeersimaneqassaaq Innarluutilinnut periarfissat ineriartorteqqinneqassapput – suliffimmi piginnaasat tunngavigalugit

Inuit innarluutillit Read More »

Isumaginninneq

Atugarissaarneq inuiaqatigiinni tunngaviuvoq — ikiorneqarnissamillu pisariaqartitsisut tamarmik ikiorneqassapput. Inuiaqatigiit ineriartoqqinnissaannut siuariartornissaannullu atugarissaarneq tunngaviussaaq. Inuiaqatigiit atugarissaarnikkut nukittuumik inissisimasut ilaqutariit tunngavissaraat ikiorneqarnissamillu pisariaqartitsisut ikiorneqarnissaat qulakkeerneqarsimassaaq. Siumut tunngaviusumik isumaqarpoq nunatsinni innuttaasoq kinaluunniit peqqissoq imminut napatinnissaminut killilerneqanngitsoq pisussaaffeqartorlu. Nunatsinni inuk kinaluunniit atugarisami pitsanngorsartuarnissaanut akisussaaqataavoq. Isumaginninnermut ikiorsiissutit sulinerup akilersinnaanerujuarnissaanik qulakkeerinnittumik annertussusilerneqarsimassapput. Siumut isumaqarpoq inunnik isumaginninnikkut sullissinerit ikiorsiisarnerillu tamarmik, naatsorsueriaatsit naleqassutsimik

Isumaginninneq Read More »

Utoqqaat

Utoqqaat ataqqineqassapput — toqqissisimanartumik ataqqinartumillu inuuneqarnissaat qulakkeerneqarsimassaaq. Utoqqaat pillugit politikitsinni inuup naleqassusia aallaaviuvoq – tamatumalu siunertaasa ilagaat toqqissisimaneq pitsaassuserlu. Nunatsinni utoqqanngorluni inooqataaneq nuannersuusariaqarpoq. Utoqqaat illoqarnikkut, sussassareqatigiinnikkut aningaasaqarniarnikkullu atugarissaartut inuiaqatigiinni suleqataajuarnissamut piumassuseqassapput, taamaattumik utoqqaat ajunngitsunik atugaqarnissaat periarfissaqartitaanissaallu Siumup sulissutigiuarpaa. Utoqqaat sulisinnaasut sulisinnaajuarnissaat suliffeqarfinnit pisussaaffiujuartariaqarpoq. Innuttaasut utoqqalisut suliffeqareernermiit utoqqalinersiuteqalernissamut pitsaasunik atugassaqarnissaat qulakkeerneqassaaq, suliffeqarfiillu tamatumani akisussaaqataanerat pissusissamisoorpoq. Pilersueqatigiittussaanerup

Utoqqaat Read More »

Meeqqat inuusuttullu

Meeqqat inuusuttullu toqqissisimasumik qiimanartumillu peroriartussapput — meeqqanut pisinnaatitaaffiit sutigut tamatigut illersorneqassapput. Siumup anguniarpaa meeqqanik inuusuttunillu qiimasumik toqqissisimasumillu peroriartortitsinissaq. Isumassuineq susassareqatigiinnerlu inuiaqatigiinni toqqammavittut inissinneqarnissaanut innuttaasugut tamatta peqataanissarput Siumup kaammattuutigaa. Inuusuttut meeqqat atuarfiannit naammassereersimanermi kingorna ilinniarfinnut allanulluunniit ingerlaqqinngitsoortartut (sulinngitsut, ilinnianngitsut piginnaanngorsarneqanngitsullu) peqataalersinniarlugit ukiuni tulliuttuni naalakkersuinikkut iliuuseqarnikkut pinngitsooratik immikkut ittumik suliniuteqarfigineqassapput. Misigisaqarluarluni, eqeersagaalluni toqqissisimallunilu meeraasimaneq inuup ineriartorneranut tunngaviuvoq

Meeqqat inuusuttullu Read More »

Peqqinnissaq

Peqqinnissaq qulakkeerneqassaaq — innuttaasut tamarmik peqqissuunissamut pisinnaatitaaffeqarmata. Innuttaasut peqqinnartumik toqqissisimanartumillu inuuneqarnissaat Siumup sulissutigiuarpaa. Innuttaasut tamatta peqqinnartumik inuuneqarnissarput nammineq akisussaaffigaarput. Innuttaasut tamatta pisussaaffigaarput inoqatitta peqqinnartumik inuunissaannut aqqutissiuusseqataassalluta. Peqqinnissaq pillugu suleqatigiinnermi naleqartitat tassaapput: Peqqinnissakkut sullissineq assigiimmik pitsaassusilik sumiiffinni tamanut atuuttussatut aaqqissuunneqassaaq. Nunaqarfinni pitsanngorsaanerit, nakorsanik amerlanernik tikisitsisarneq aamma nammineq inuttut nakorsaqarnermut periarfissat (‘praktiserende læge’) pisariaqartinneqarput. Inunnut 60.000-inut nakorsat

Peqqinnissaq Read More »

Ilaqutariit

Ilaqutariit nukittuut peqqissullu — meeqqat pitsaasumik inuuneqarnissaat qulakkeeqqullugu. Ilaqutariit inuiaqatigiinni qitiupput. Angajoqqaat meeqqallu, meeqqap peroriartornerani ataatsimoortuarnissaat qitiutillugu, ilaqutariit susassareqatigiinnerlu pillugit politikissamik nutaamik pilersitsisoqassaaq.  Tamatumani aamma nunani sanilerisatsinni misilittakkat iluatsilluartumik kinguneqarsimasut isumassarsiorfigineqassapput. Siumup sulissutiginiarpaa meeqqat angerlarsimaffiup avataanut inissinneqartartut ikilisarneqarnissaat. Siumup sulissutigissavaa ilaqutariit avissaartinnagit ataatsimoorluni ikiorserneqarfiusinnaasumik sakkussanillu aallerfiusinnaasumik pilersitsinissaq. Siumup pingaartitaraa ilaqutariit nukittuut peqqissullu pilersinneqarnissaat. Ilaqutariit tunngavissinneqassapput

Ilaqutariit Read More »

Ilisimatusarluni ilinniartitaaneq

Ilisimatusarneq annertusarneqassaaq – inuiaqatigiinnut, inuussutissarsiutinut kulturitsinnullu iluaqutaasumik. Siunissami inuiaqatigiit atugarissaartut ilinniarluarsimasunik nutaaliullaqqittunillu innuttallit pilersinneqarnissaat qulakkiissagutsigu ilisimasat nutaat annertunerusullu pisariaqarput. Taamaattumik Siumut ilisimatusarluni ilinniartitaanerit eqqarsaatigalugit annertunerusumik iliuuseqarniarpoq. Nunatta pisariaqartitai sulisoqarnermilu pisariaqartitat aallaavigalugit siunissami ilisimatusarneq ineriartortinneqartariaqartoq Siumut isumaqarpoq. Tamatumani nunatsinni aningaasarsiornikkut tunngavigisagut aallaavigalugit, suliassaqarfinni tamani qanoq iliornikkut inuiaqatigiinnut pissarsissutaanerpaamik aaqqissuussisinnaanerit pillugit ilisimatusarnerit immikkut annertusarneqarnissaat sulissutigineqassaaq. Ilisimatusarneq inuussutissarsiornerup

Ilisimatusarluni ilinniartitaaneq Read More »

Inuutissarsiutinut ilinniartitaaneq

Iliniartitaaneq inuussutissarsiutinut inuiaqatigiinnullu naleqqussarneqarneqarlunilu nukittorsarneqassaaq – inunnut iluaqutaasumik nunattalu ineriartorneranut ikorfartuisumik. Ilinniarnermut aningaasaliinerunissaq Siumup sulissutigiuarpaa. Suliffinnik nutaanik aallartitsiniarnissaq siunertaralugu ilinniarfimmik pilersitsinissaq anguniarneqarpoq. Inuussutissarsiornikkut ilinniartitaaneq annertusarneqassaaq, inuiaqatigiit pisariaqartitaat aallaavigalugit inuussutissarsiornermilu susassaqartut suleqatigalugit. Suliffeqarnermut suliniaqatigiiffiit suleqatigalugit ilinniarsimasunik pisariaqartitsineq naammassiniarlugu ilinniartitaaneq annertusartuarneqartariaqarpoq, inuussutissarsiutitigut sulisutigullu pissutsit aallaavigalugit. Teknikikkut aamma niuernikkut ilinniartitaanernut amerlanerusut ilinnialertarnissaat qulakkeerniarlugu inuussutissarsiutitigut ilinniarnertuutut ilinniarnerit annertusarneqassapput; tassaasut

Inuutissarsiutinut ilinniartitaaneq Read More »

Inuussutissarsiutit

Siumut sulinermini tunngavigaa nunatsinni aningaasasiornerup ineriartornissaa, inuussutissarsiutinik assigiinngiiaartunik innuttaasut iluaquteqarlutik periarfissaqarluarnissaat ineriartornitsinnut tunngaviussammata. Siumut anguniarpaa nunatsinni inuussutissarsiutit assigiinngitsunik tunngavillit ineriartortinneqarnissaat, nunanut allanut unammillersinnaassusillit. Inuussutissarsiutinik ingerlatsivinnut atugassarititaasut pitsanngorsarneqartuassapput, aningaasarsiornikkut tunngaviisa eqaannerulernissaat anguniarlugu. Nunatsinni aningaasarsiornikkut pilersuutaasut tassaapput aalisarneq, tunitsiveqarneq, suliffissuaqarneq, nunalerineq, kiffartuussinerit, piniarneq takornarialerinerlu, siunissamilu ilanngullutik pilersuutaalersinnaasut ilaat tassaapput aatsitassarsiorneq, erngup nukinganik atuineq imermillu niueruteqarneq. Nunatta isorartuunera

Inuussutissarsiutit Read More »

Meeqqat atuarfiat

Meeqqat pitsaanerpaamik ilinniartinneqassapput — atuarfik angerlarsimaffillu suleqatigiinnerisigut, kulturerput tunngavigalugu, tamanut assigiimmik periarfissiissuteqarfiusumik. Meeqqat angusarissaarnissaat atuarfiup angerlarsimaffiullu suleqatigiilluarnerisigut anguneqassaaq, taamaattumik angerlarsimaffiup atuarfiullu suleqatigiinnerat nukittorsartuarneqassaaq. Meeqqat atuarfianni ilinniartitsisut pitsaanerpaanik tunngavissaqarnissaat atortussaqarnissaallu qulakkeerneqarsimassaaq, meeqqavut pitsaanerpaamik ilinniartinneqaqqullugit. Tamatumunngalu ilanngullugu atuarfiit pisortaasa meeqqat atuarfiini ilinniartitaanermut eqaatsumut ataqatigiittumillu naleqqussaanermut atatillugu pikkorissartinneqartarnissaat periarfissaajuassaaq. Meeqqat atuarfianni angajullernut ilinniarfissanik siunnersuineq annertusarneqarlunilu ataavartumik pitsanngorsarneqassaaq. Meeqqat

Meeqqat atuarfiat Read More »

Meeqqat atuarfiat sioqqullugu ornittakkat

Meeqqat tamarmik ullutsinnut naleqquttunik ulluunerani ornitassaqarsinnaassapput – najugaqarfinni tamani. Ornittakkat kulturerput aallaavigalugu ingerlassapput, meeqqat toqqissisimasumik ineriartornissaat qitiutillugu. Meeqqat tamarmik ullutsinnut naleqquttunik ulluunerani paaqqinnittarfeqarnissaat Siumup anguniagaraa, tamannalu illoqarfinnut nunaqarfinnullu assigiimmik atuuppoq. Meeqqeriviit meeqqat avatangiisaannut, kulturitsinnut, ilinniartitaanermullu naapertuuttuussapput. Meeqqeriviit timikkut tarnikkullu peqqissuunissaq siunertaralugu ingerlatsiviussapput. Meeraaqqerivinni meeqqerivinnilu tamani siunertat anguniakkallu ersarissut pilersinneqassapput, taamatullu akisussaaffiit pisussaaffiillu ersarissut pilersinneqassallutik. Meeqqerivinnik

Meeqqat atuarfiat sioqqullugu ornittakkat Read More »

Ilinniartitaaneq eqaatsoq ataqatigiittorlu

Kikkut tamarmik ilinniagaqarnissaminnut periarfissaqassapput. Ilinniarneq pitsaasumik aaqqissuunneqassaaq, inuusuttullu tamarmik ilinniagaqarnissamut periarfissaqassapput – nunatsinni nunanilu allani. Kikkut tamarmik ilinniagaqarnissaat Siumup anguniarpaa. Aqqutissiuussineq eqaatsoq ataqatigiittorlu atorlugu meeqqat atuarfianni naammassisut tamarmik ingerlaqqiffiusunut ilinniarfinnut ingerlaqqittarnissaat piviusunngortinniarlugu sulisoqassaaq. Inuusuttut meeqqat atuarfiannit naammassereersimanermi kingorna ilinniarfinnut allanulluunniit ingerlaqqinngitsoortartut (sulinngitsut, ilinnianngitsut piginnaanngorsarneqanngitsullu) peqataalersinniarlugit ukiuni tulliuttuni naalakkersuinikkut iliuuseqarnikkut pinngitsooratik immikkut ittumik suliniuteqarfigineqassapput. Nunatsinni innuttaasut

Ilinniartitaaneq eqaatsoq ataqatigiittorlu Read More »

Aatsitassarsiorneq – Ikummatissarsiorneq

Siumup anguniarpaa nunatta pisuussutai innuttaasut suleqatigalugit iluaqutaanerpaamik atorluarneqassasut. Aatsitassarsiorneq Nunatta piumasaqaatai tunngavigalugit ingerlanneqassaaq – inuiaqatigiinnullu aningaasarsiornikkut iluaqutaassaaq. Siumup sulissutigaa nunatta pisuussutaasa iluaqutigineqarnerat inuiaqatigiit aningaasaqarnerannut toqqissisimanartumik iluaqutaalissasoq. Pisuussutinik atuineq nunatsinnit aqutsisuuffigineqassaaq, inunnut avatangiisinullu ajoqusiinngitsumik ingerlatsinikkut. Aatsitassarsiorneq ikummatissarsiornerlu nukissiuutinik minguitsunik aallaaveqartinneqassaaq – soorlu seqineq, anori, imeq imaluunniit e-fuels atorlugit. Uuliamik piiaaneq avatangiisinut navianartorsiortitsisinnaammat, upalungaarsimanissaq qulakkeerneqarsimassaaq. Siumup akuerinngilaa

Aatsitassarsiorneq – Ikummatissarsiorneq Read More »

Ineqarneq sanaartornerlu

Siumut anguniagaqarpoq innuttaasut tamarmik toqqissisimanartunik, peqqinnartunik akilerneqarsinnaasunillu inissianik periarfissaqartinneqassasut. Illuliortitsineq pitsanngorsarneqassaaq, innuttaasut tamatumani aamma annertuumik sunniuteqaqataanissaat pisariaqarpoq – amerlanerillu nammineq illumik piginnittuulernissaat aqqutissiuunneqassaaq. Siumup sulissutigaa innuttaasut tamarmik ineqarnikkut toqqissisimanartumik, peqqinnartunik aamma akilerneqarsinnaasunik najugaqarnissaat, inuttut aningaasatigut inissisimaneq apeqqutaatinnagu. Siumup anguniarpaa innuttaasut nammineq ineqalernissamut periarfissaanik annertusaanissaq. Aningaasaateqarfik pilersinneqassaaq piginneqatigiillunilu sanaartornermut tapersersuisussaq. Inissiat pitsaasuunissaat sanaartornermilu innuttaasut peqataatinneqarnissat anguniakkani

Ineqarneq sanaartornerlu Read More »

Takornariaqarneq

Siumup takornariaqarneq amerlanerpaanut iluaqutaasumik ineriartortikkusuppaa – inuiaqatigiinni kulturi, inooriaaseq avatangiisillu tunngavigalugit. Takornariaqarneq suliffissanik pilersitsiviussaaq, kalaallillu taakkuussapput aqutsisut. Siumup takornariaqarneq inerisaanissamut periarfissatut pingaarutilittut isigaa, tamannalu inuiaqatigiit kulturiannik, inooriaasiannik avatangiisinillu illersuinermik aallaaveqartumik ingerlanneqassaaq. Nunatsinni takornariaqarneq najukkani pissutsinut tulluartumik aaqqissuunneqassaaq. Takornarialerinermi ingerlatsinermut sinaakkutit innuttaasunut naleqqussarneqassapput, nunatsinnilu namminersortut, aningaasaliisartut takornarialerisullu salliunneqassapput. Inuussutissarsiut imminut napatissaaq suliffissanillu pilersitsiffiussalluni, avatangiisinut eriaginninnermik piujuaannartitsinermillu

Takornariaqarneq Read More »

Angallanneq assartuinerlu

Siumup anguniarpaa angallannermi inuit tamarmik periarfissaqarnissaat. Angallannermi akit appasinnerusariaqarput, innuttaasut pisariaqartitaat salliullugit – kikkut tamarmik pisariitsumik angalasinnaaqqullugit. Siumup anguniarpaa Nunatsinni angallanneq isumannaatsuussasoq, tamanut periarfissaqartoq aamma attaveqaatilersorsimaneq inuiaqatigiit tamarmiusut pillugit ineriartortinneqartuartoq. Angallannerup aaqqissuussaanera nunap inuisa pisariaqartitaannut naapertuuttumik eqaatsumik ineriartortinneqassaaq. Sumiiffinni angallanneq – nunakkut, imaatigut silaannakkullu – ataqatigiissaarneqarsimasumik pilersaarusiorneqarsimassaaq. Silaannakkut angallassineq aammattaaq timmisartunut mikinerusunut naleqqussarneqassaaq, mittarfiillu piusut

Angallanneq assartuinerlu Read More »

Attaveqaatit

Siumut sulissutigaa innuttaasut tamarmik sukkasuumik akikitsumillu internetimut attavilerneqarnissaminnut periarfissaqassasut. Nunarput tamarmi attaveqaateqassaaq, innuttaasullu paasissutissanik eqqortunik pissarsisinnaassapput. Inuiaqatigiinni innuttaasut paasissutissanik eqqortunik pissarsisinnaanerat demokratiimik ingerlatsinermut tunngaviuvoq. Attaveqartarfiit (SoMe) atorneqarnerisa annertusiartornerat ilutigalugu, paasissutissanik eqqortuunngitsunik siammarterineq akiorniarlugu tusagassiorfiit nukittuut pisariaqartinneqarput. Siumut isumaqarpoq tusagassiorfiit pitsaanerpaamik nukittuumillu inissisimanissaat pingaaruteqarluinnartuusoq. Immap naqqatigut kabelilersuineq ingerlaavartumik ineriartortinneqassaaq, attaveqaatit qajannaatsuunissaat qulakkeerneqaqqullugu. Internetimik sukkasuumik akikitsumillu kikkulluunniit

Attaveqaatit Read More »

Nukissiuutit

Siumup anguniarpaa Nunarput tamarmi 2035-mi mingutsitsinngitsunik nukissiuuteqalersimassasoq. Uuliamik atuineq annikillisarneqassaaq – erngup, seqernup, anorip brintillu nukingi annertunerpaamik atorneqassapput. Siumut anguniarpaa inuiaqatigiinnut naleqqunnerpaamik, avatangiisinullu mingutsitsinngitsumik nukissiuutinik pilersorneqarneq ingerlanneqassasoq, uuliamillu atuineq annikillisarneqassasoq. Minguitsumik nukissiuteqarneq inuussutissarsiornikkut ineriartortitsinermut siuarsaassaaq suliffissanillu pilersitsiviulluni. CO2-mik aniatitsineq annikillisarneqassaaq, suliffeqarfiillu nukissiuutinik atuillutik ineriartortitsisut kalaallinit piginneqataaffigineqarnissaat qulakkeerneqassaaq. Teknikikkut ineriartorneq malillugu nukissiorneq siammarterinerlu ineriartortinneqassapput, illoqarfiit nunaqarfiillu

Nukissiuutit Read More »

Avatangiisit pinngortitarlu

Siumut sulinermini tunngavigaa pinngortitaq minguitsoq illersorneqassasoq. Inuit peqataatinneqassapput, mingutsitsineq akiorneqassaaq pinngortitarlu minguitsoq kinguaariinnut tulliuttunut qulakkeersimaneqassaaq. Siumup sulissutigaa pinngortitap mingueqisup illersorneqarnissaa. Mingutsitsinerit suulluunniit akiorniarneqassapput, pisuussutivullu piujuaannartitsisumik aqutsiffigineqassapput. Silaannaap allanngoriartorneranut atatillugu ilisimatusarnikkut ilisimasaqarneq ineriartortinneqassaaq. Issittumi silaannaap pissusaa pillugu ilisimatusarfimmik pilersitsisoqassaaq aamma nunat allat suleqatigalugit iliuusissanik ineriartortitsineq ingerlanneqassaaq. Avatangiisinut ajoqusiinerit nunarsuarmioqatigiinnit pilersinneqartut Issittup inuinut uumasuinullu peqqissutsikkut sunniuteqarnerlunnginnissaat sulissutigineqassaaq.

Avatangiisit pinngortitarlu Read More »

Nunalerineq uumasuuteqarnerlu

Siumup sulissutigaa nunatsinni nammineerluta nerisassanik pilersornitta ineriartortinneqarnissaa annertusiartortinneqarnissaalu. Nunalerineq savaateqarnerlu ineriartortinneqassapput, pitsaassuseq tunngavigalugu periarfissanillu nutaanik ujartuiuarnikkut. Siumut anguniarpaa, nunalerineq uumasuuteqarnerlu immitsinnut pilersornitsinnut pingaarutilittut ineriartortinneqassasut. Naatitatigut neqitigullu tunisassiorneq annertusarneqassapput, unammillersinnaasumik pitsaassuseqartumillu. Nunalerinermut uumasuuteqarnernullu aningaasaliissutinik ineriartortitsineq ingerlaavartumik ingerlanneqassaaq, Savaatillit Peqatigiit Suleqatigiissut (SPS) suleqatigalugit. Nunatta karsianiit savaatilinnut aningaasaliissutit akilersinnaasumik ingerlatsiartuaarnerat naapertorlugu ikiliartortinneqassapput. Tamanna anguneqassapput pisariaqarput; Siumup sulissutigaa neqinik

Nunalerineq uumasuuteqarnerlu Read More »

Piniarneq

Siumup sulissutigaa piniarneq piujuaannartitsineq tunngavigalugu ineriartortinneqassasoq, kulturerput  ataqqillugu. Piniarnermik inuussutissarsiuteqartut tapersersorneqassapput, inuussutissarsiutit nutaat periarfissaralugit, kinguaariillu tullii nangitsisinnaaqqullugit. Piniarneq Kalaallit kulturiannut tunngaviusut ilagaat, taamaattumillu piniarnermik inuussutissarsiuteqartut nunatsinni illersugaallutillu ikorfartorneqassapput. Piniarneq piujuaannartitsinermut tunngavoq. Siumup sulissutigaa, kinguaariit piniagassanik atuinissamut periarfissaqartuarnissaat, aamma inuussutissarsiutigalugu piniarneq ingerlanneqartuarsinnaasutut qulakkeerneqarsimanissaa. Piniarneq ingerlanneqassaaq kalaallinit nunaqavissunit, piniarnermik inuussutissarsiuteqartunut tapertaqartunullu salliutitsilluni. Piniartuuneq iluaqutigalu isertitaqarnerulernissaq anguniarlugu, takornarianik

Piniarneq Read More »

Aalisarneq

Siumup anguniarpaa aalisarneq piujuartitsineq tunngavigalugu ineriartortinneqassasoq, inuiaqatigiinnut tamanut iluaqutaasussamik. Inuussutissarsiut ineriartortinneqassaaq aamma inuusuttut pitsaanerusumik periarfissinneqassapput, kisermaassisoqalersinnaaneralu ingalasimaneqassaaq. Aalisarneq inuiaqatigiinni aningaasarsiornermut pingaaruteqarluinnarpoq. Siumup sulissutigaa aalisarneq ineriartortinneqarlunilu naleqqussarneqartuartarnissaa, taamaalilluni nunatsinni imminut napatissinnaanerup siuarsarneqarnissaa piniassammat. Piujuaannartitsineq tunngavigalugu aalisarneq akuersissuteqartarnikkut ingerlanneqassaaq, atortorissaarutillu akuerisaasut atorlugit aalisarneq ingerlanneqartassaaq nakkutigineqarlunilu. Sinerissap qanittuanut aalisartunut avataasiortunullu pisassiissutit inuiaqatigiit tamarmiusut annertunerpaamik iluaqutigisinnaasaannik agguataarneqartassapput. Kangiani pisassiissutit

Aalisarneq Read More »

Nunatta naalagaaffinngornissaa

Siumup anguniarpaa Kalaallit Nunaat naalagaaffinngussasoq. Siumup anguniarpaa nunatsinnut oqartussaaneq tamakkiisumik tiguneqassasoq, avataaniit aqunneqarneq qimanneqassasoq aamma nunasiaasimanerup kinguneri eqqarsartariaasiusimasullu qimallugit akisussaaffimmik tigusissasugut. Siumut isumaqarpoq Namminersorluni Oqartussaaneq naalagaaffinngornissamut alloriarnerusoq. Siumup siuttuuffigaa Namminersornerulluni Oqartussaaneq 1979-imi eqqunneqartoq aamma Namminersorluni Oqartussaaneq 2009-mi eqqunneqartoq. Siumup anguniarpaa Kalaallit Nunaata naalagaaffinngornissaa, tamannalu kalaallit nammineq tunngaviusumik inatsisiliarisimasaanik tunngavilerneqassasoq. Siumup kissaatigaa Naalagaaffinngornissaq pilersaarusiorluagaassasoq aamma sutigut

Nunatta naalagaaffinngornissaa Read More »

Aningaasarsiorneq

Siumut isumaqarpoq, Nunarput tapiissutinik tunngaveqarnerulluni ingerlassanngitsoq. Pisuussutivut, sulisinnaassuserput periarfissallu nutaat atorlugit inuit inuussutissarsiornerlu nukittorsarneqassapput ineriartorlutillu. Nunarput allanit aningaasalersorneqaannarluni isumalluuteqarlunilu ingerlaannassanngilaq. Siunissarput nammineq aqullugu ilusilersussagipput Siumut isumaqarpoq, aamma aningaasarsiornerup nukittuumik inissisimanissaa pingaaruteqarluinnartuuvoq. Nammineq pisuussutivut, sulisinnaassuserput toqqakkavullu tunngavigalugit aningaasarsiornikkut ineriartorneq ingerlanneqassaaq. Siumut aningaasarsiornermut politiki aqqutigalugu namminiussuseqarnitsinnik nukittorsaalluni ingerlatsiumavoq, tapiissutit isumalluutigineqarnerat millisarlugu sumiiffinnilu naleqarnerulersitsineq aningaasarsornerlu nukittorsarlugit. Siumut isumaqarpoq,

Aningaasarsiorneq Read More »

Scroll to Top