Siumumi inuttut assigiinngisitaarnerput inissaqartillugu peqatigiilluta pingaartitavut ulluinnarni sulissutigaavut. Ilaasortat ilaat annertuumik tunniussaqartartut, ilaat tapersersuinissaq pingaartinnerullugu peqataasarput.
Ataatsimoorussarpulli tassaavoq tamatta inuttut ataasiakkaatut nammineq napatissinnaanissatta salliutinnissaa, nunarput namminersortoq angutserlugu suliutigaluta. Pingaartitavut naapertuilluartuunermik assigiimmillu pisussaaffeqarlunilu pisinnaatitaaffeqarnermik tunngaveqarput.
Ilaasortat Siumup toqqammavigai. Ilaasortatut politikkikkut suliniaqatigiiffimmut nukittuumut peqataalissaatit. Peqatigaluta suliniutigissavatit assigiimmik pisussaaffiit pisinnaatitaaffiillu apissisimatinneqarnissaat, atugarissaarluni inuunerup qaffassartuarneqarnissaa peqatigiinnerullu nukittorsarneqartuarnissaa.
Ilaasortanngorneq sumiiffimmi immikkoortortaqarfik aqqutigalugu pisarpoq – sumiiffinni immikkoortortaqarfeqanngippat qaninneq aqqutigalugu tamanna pissaaq.
Ullumi ilaasortanngorit. Taava toqqaannaq makku suleqataaffissat ilinnut periarfissaalissapput:
- Partiip politikkianut immikkoortortaqarfik aqqutigalugu sunniuteqaqataaneq.
- Partiip iluani pisunut peqataanissamut periarfissaqalerneq.
- Sumiiffinni nunalu tamakkerlugu politikkikkut suliniarnermut peqataalerneq.
- Siumut sinnerlugu qinigassanngortissinnaaneq, soorlu kommuninut, Inatsisartunut partiimilu tatigisaaffinnut.
- Allarpassuillu.
Ataani immersugassaq immersoriarlugu nassiuguk.
Immersugassaq pappilianngorlugu uani aamma aasinnaavat (pdf).