Nunatta niuernikkut nunanik allanik suleqateqarnera annertusassaaq – pingaartumik aalisakkanik tunisiffiit, soorlu USA, Canada aamma Island suleqatigalugit. Nunatsinni tunisassiat tapersersorneqarnerat qulakkeerneqassaaq. Siumut suliniuteqarpoq nunat allat, pingaartumik aalisakkanik tunisiffiit, suleqatigilluarnerulernissaanik. Nunat saniligut, USA, Canada aamma Island, annertunerusumik niuernikkut suleqatigineqassapput. Kangimut imaatigut attaveqarluni niuerneq kisiat piunnaarlugu, kimmut niuernikkut ineriartortitsisoqassaaq. Niuerneq eqqarsaatigalugu sulisunik paarlaasseqatigiittarnissaq, isumaqatigiissuteqartarnerillu ineriartortinneqassapput, nunatta pisariaqartitai tunniussinnaasaalu …

Siumup suleqataaffigissavaa tunisassiorneq nunarsuarmi unammillersinnaasoq sumiiffinnilu iluaqutaasoq pilersinneqarnissaa. Aalisakkat naleqarnerulersillugit suliarineqassapput, suliffissaqartitsineq siuarsarneqarluni kisermaassillunilu ingerlatsilersinnaaneq ingalasimaneqarluni. Nunatsinni tunisassiorneq nunarsuarmioqatigiinnut unammillersinnaassaaq, atasinnaasumik ineriartorfiusumillu ingerlatsinerit tunngavigalugit. Sinerissap qanittuani tunitsivinnik pitsanngorsaanissaq ineriartortitsinerlu Siumup sulissutigissavaa, unammillersinnaassuseq aamma nunatsinni immitsinnut pilersorneq annertusarneqaqqullugit. Sumiiffiit ilaanni tunitsiviit ullutsinnut naleqqutinngitsut sumiiffimmilu atuisunut naleqqussarneqarsimanngitsut ingerlanneqartarput. Taamaattumik innuttaasut suleqatigalugit periarfissallu aallaavigalugit tunitsiviit iluaqutaaneruleqqullugit siuarsaasoqassaaq. Aalisakkat …

Siumut sulinermini siunertaqarpoq, pisuussutit uumassusillit piujuartitsinermik tunngaveqartumik aqunneqassasut. Aqutsinermi ilisimatusarneq, atuisut ilisimasaat aamma innuttaasut peqataatinnerat qulakkeerneqassapput, kinguaariit tullii nangittumik iluaquteqarsinnaaqqullugit. Pisuussutit uumassusillit piujuaannartitsineq tunngavigalugu aqunneqassapput, kinguaariinnut tulliuttunut iluaqutaanissaat qulakkeerniarlugu. Pinngortitaq pisuussutillu uumassusillit illersorneqassapput, aamma silaannaap allanngoriartornerata pisuussutinut sunniutai pillugit ilisimatusarneq ingerlaavartumik ingerlanneqartassaaq. Atuisut ilisimasai aamma ilisimatuussutsikkut paasisat pisassiisarnermi oqimaaqatigiissinneqassapput. Atuisut ilisimasaannik atuinissamut periusissanik suliaqartoqassaaq. Tamakkiisumik …

Asseq allisiguk… Pilersikkumallugit inuit eqeersimaartut napasinnaalluartullu, akisussaaqataanertik ilumoorfigalugu innuttaaqataasut. Pilersikkumallugit nunap tunniussinnaasai atorluarlugit avataaniillu pisariaqartitatik iluaqutigalugit inuit napatittut. Pilersikkumallugit inuiaqatigiit kikkunnut tamanut pitsaasumik naligiimmillu atugassaqartitsisut. Pilersikkumallugit inuiaqatigiit naligiissitaasut sumi inunngorsimaneq, arnaaneq, angutaaneq upperisaqarnerluunniit apeqqutaatinnagit. Pilersikkumallugit inuiaqatigiit aningaasaqarnikkut politikikkullu nammineersut. Ammasumik inuillu oqartussaaqataanerat pingaartillugu ingerlatsineq nukittorsassallugu. Inuiaqatigiit akisussaassusermik pingaartitsillutik kiffaanngissuseqarlutillu ineriartornissaat qulakkiissallugu. Avatangiisit isumalluutillu uumassusillit nungutsaaliuinikkut …