FN-ip inunnut innarluutilinnut ulluanni, decemberip pingajuanni, inuit innarluutillit pillugit siuarsaaqataanissamik inassuteqarpoq. Ulloq taanna immikkuullarissumik tapersersuinissamut pisariaqartitsinermik ersersitsivoq, soorlu inunnut ataasiakkaanut ikiuinermut, pisinnaatitaaffinnik ersarissumik paasinninnermut kiisalu inatsisit atuutsinnerat eqqortumik ingerlanneqassasoq. Ilutigisaanik inuiaqatigiittut suleqatigiilluarnissamut kaammattorneqarpugut, inuit innarluutillit pisariaqartitaminnik ikiorserneqarnissaat qulakkeerniarlugu aamma inuttut ataqqinartumik inuuneqarnissaat periarfissaqartinniarlugu. All.: Paarnannguaq Mathiassen, siulittaasoq, Siumut Ilulissat Ullumikkut ulloq 3. december Naalagaaffiit Peqatigiit […]

Ullumi novemberip 28-ani Nuummi mittarfik ammaanersiorneqarpoq. Ullaakkut Atlantikoq qulaallugu timmisartoq toqqaannaq Nuummukartoq Københavnimiit aallarpoq, aallannginnermilu ikiartortorfiup saavani tamanna malunnartinneqarpoq. Ammaassut ilagaat Naalakkersuisunut siulittaasuusimasoq, suliniutillu piviusunngortinneqarsinnaaneranut siuttuusimasoq, Kim Kielsen. Ammaanersiorneq Air Greenlandimit aaqqissuunneqarsimasoq aallariartortunut kaffillernermik kaagillernermillu ilaqartoq persuarsiorluni oqalugiarnernik ilaqarpoq, oqalugiartuuppullu Air Greenlandip pisortaa Jacob Nitter Sørensen, Naalakkersuisut Siulittaasorisimasaat Naalakkersuisorlu Kim Kielsen, Danmarkip nunanut allanut ministeriat

Aningaasaqarnermut Akileraartarnermullu Naalakkersuisoq saqqummiussaanut qutsavigaarput. Siumumiit Aningaasanut Inatsisissaq 2025-moortoq siullermeernerani aappassaaneerneqarneranilu oqariartuutigisavut innersuullungit, pingajussaaneernerani imatut oqariartuuteqassaangut. Siullermeerneqarnerata kingorna Aningaasanik Inatsisissamik isumaqatiginninniarnerit akisussaassusilimmik pimoorussilluta, kissaatittalu innuttaasut atugaannut sammisumik malunnaatilimmillu siammasissumik aningaasartalersuinissamik timitalersuinissamillu anguniagaqarluta oqaloqatiginnittarnivut ingerlappavut. Soorlu siusinnerusukkut oqaatigereeripput ukiuni kingullerni aningaasalersuinerit annertoorujussuit nuna tamakkerlugu Nunatta aningaasaqarneranut pitsaasumik sunniuteqartussat aningaasalersuiffigineqarnikuusut akisussaassuseqarluta peqataaffigivavut. Aningaasanullu Inatsisissaq 2025-moortoq ukiunullu tulliuttunut

Inuit innarluutillit meeqqallu angerlarsimaffiup avataanut inissinneqartartut, inatsisitigut isumannaatsumik sullinneqarnerat toqqissisimananngilaq. Neriuppunga tamatta pisinnaatitaaffitta qulakkeerneqarnissaat pillugit Inatsisartut nutaassat sulilerumaartut All.: Paarnannguaq Mathiassen, siulittaasoq, Siumut Ilulissat Inuit innarluutillit sullinneqarneranni inatsisitigut isumannaatsuunissaq amigaateqarpoq. Inuit innarluutillit inatsisitigut sullinneqarnermi inatsisinik ilisimasalimmik sanileqartinneqartannginnerat, inatsisinillu atuutsitsisussat akisussaaffimminnik eqqummaariffiginnittannginnerat inatsisitigut isumannaatsuunissamut eqqunngitsuliornertut taaneqarsinnaavoq. Isumaqarpunga Nunatsinni inuit innarluutillit atugaat pitsaanerulersinneqassappata inatsisitigut isumannaatsuunissaq isumaginninnermi suliaqartunit

Ullumikkut Siumumit siunnersuutigisarput, Nunatsinni pædagogikip iluani kandidatimut ilinniagaqarsinnaalerneq, Inatsisartunit akuersissutigineqarmat nuannaarpugut. – Inuiaqatigiinni inulerisutut ilinniagallit ilinnialertartullu amerlanerpaajusarput, siornatigullu ‘almen pædagogik’ Ilinniarfissuarmit neqeroorutigineqartartoq uggornaraluartumik unitsinneqarnikuuvoq. Ullumikkut immikkut qujavugut, kandidatimut ilinniagaq ilinniakkanit assigiinngitsuneersut akornanni qaffasinnermut ilinniaqqissinnaanissamut periarfissiisoq pissusissamisoortumik Inatsisartunit akuerineqarmat, Najaaraq Møller oqarpoq. Ilinniagaq maanna aallartittussanngortoq inuiaqatigiinnut annertuumik pingaaruteqalertussaasoq siunnersuuteqartoq isumaqarpoq. Ilinniakkap imarisassai qimerlooraanni Nunatsinni inulerinermi sullissinerit

Pisortat ingerlatsivii pisussaaffeqarput innuttaasunik kiffartuussissallutik. Ukiuni kingullerni inoqarfiit qanimut kiffartuunneqarnerat naammaginanngereersoq maanna appasinnerpaaffissani tikissimagaa Siumut isumaqarpoq. Tamanna illuatungilerlugu sulineq aallartissaaq, kommunit aaqqissuusaanerat aamma pisortat suliffeqarfiutaasa kiffartuussisussaatitaanerisa nalilersoqqinnerisigut. All.: Karl Tobiassen, Inatsisartuni gruppip siulittaasuat Nassuerutigisigu. Ukiut kingulliit, pingaartumik kommunit kattussuunneqarmatali, inoqarfiit amerlanersaat aningaasarsiornikkut kiffartuussinikkullu naammaginartumik ineriartorunnaarput. Qaavatigut pisortat suliffeqarfittut ingerlataat inoqarfinnut kiffartuussinerat ammuinnaq ingerlasoq tamatta isigaarput.

Nanortalimmi palasissaaleqinerup tunngaviisa pingaarnerit ilagaat ullutsinnut naleqquttumik peqqinnartumillu najugassaqartitsisoqanngimmat. Palasimmi illorsua pisoqarujussuuvoq, iluarsarneqartaraluarlunilu najoruminartunngortikkuminaalluni All.: Anders Olsen, Inatsisartunut ilaasortaq Piffissami sivitsortumi Nanortalimmi aalajangersimasumik palasissaaleqineq atuuppoq. Palasissaaleqinerinnaananili aamma ajoqissaaleqinerit pattattussaaleqinerillu atuuttartut pisut takutippaat. Tamanna ilungersunarpoq aaqqiivigineqartariaqavillunilu. Nanortalimmi palasip illorsuatoqaa, ukiut ingerlanerinni iluarsartuunneqartaraluartoq, najugaqarfittut sullivittullu atussallugu ullumikkumut naleqqukkunnaarluinnarsimavoq. Tamannalu tunngavigalugu najugariutigalugu sullivigisinnaasaq pitsaasoq aningaasaliinikkut pilersinneqartariaqarpoq. Palasissaaleqinerup soorunami

Sermiligaami Isortumilu immamiit tarajuiaatinik imiliuutsinik pilersitsisoqarnissaanik Siumut siunnersuuteqarpoq. Taakku Aningaasanut Inatsisissamut Siumup piumasaqaataasa ilagaat, aalisarnerullu ineriartortinnissaanut suliniutinut nangitsinerullutik All.: Lars Poulsen, Inatsisartunut ilaasortaq, Siumut Ulluni makkunani Aningaasanut Inatsisissaq 2025-moortoq partiit akornanni isumaqatiginninniutigineqarpoq. Siumup ilanngussaanut ilaapput Sermiligaami Isortumilu immamiit tarajuiaatinik imiliuutsinik pilersitsisoqarnissaanik piumasaqaat. Nunatta Kangiani inuussutissarsiornikkut ineriartortitsineq nangillugu Sermiligaami aalisakkerinikkut akimmiffigineqartoq imeq tarajuiaammik pilersitsinikkut qaangerneqarsinnaavoq. Taamatuttaaq

Siumut Qaanaaq oktoberip 16-iani ataatsimeersuarpoq. Ataatsimeersuarneq ilaasortanit ornigarluarneqarpoq, pisarnerlu naapertorlugu katerisimaarneq qinersinermik naggaserneqarpoq. Siumut Qaanaap aalajangerpaa, ukiumi tulliuttumik uku siuttuussasut: Siulittaasoq: Ujuut OlsenSiulittaasup tullia: Qulutat QujaukitsoqAningaaserisoq: Peter Q. SadoranaAllatsi: Kaalaaraq K. QujaukitsoqSiulersuisunut ilaasortaq: Inatdliaq QujaukitsoqSinniisussat: Korna I. Nielsen aamma Qaaqqutsiannguaq Nielsen Siumut Qaanaaq tapersersorteqarluarluni suleqqinnissaminnut qilanaartoq siulittaasunngortoq oqarpoq. Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit.

Siumut Nuuk aamma Siumut Paamiut qanittukkut HHE-mi isumasioqatigiipput. Aaqqissuussinernut taamaattunut perngaamik Storm Ludvigsen peqataavoq, iluatsillugulu inuttaa “pisortatigoortumik” Siumumut ilaasortanngorpoq. Storm Ludvigsen qinigaaffiup siuliani aamma ullumikkut Sermersuup kommunalbestyrelsianut ilaasortaavoq, qinigaaffiullu siuliani aamma Inatsisartunut ilaasortaasimavoq. Storm Ludvigsen tikilluaqquarput!

Siumut ileqquusumik ataatsimeersuarpoq Qasigiannguani ulluni 28. – 30. juli 2023. Tassunga atatillugu Siulersuisuuninngortut ataatsimeersuarnerup ingerlasimanera pillugu nalilersueqqillutik misissuisimapput. All.: Hans Peter Poulsen, aaqqissuusaanermut siulittaasup tullia Kukkunersiuisut aammalu siulersuisut misissuinerat naammassineqarsimalersup uppernarsarlugu takutippaa, Siumut Nuup immikkoortortaqarfiani siulersuisuni siuttup siulia, Siumup Nuna tamakkerlugu ataatsimeersuarnissamut aallartitassat qassiunissaanut tunngatillugu, ilaasortaqassuseq pillugu peqquserlussimasoq. Siumup Nuna tamakkerlugu malittarisassai naapertorlugit immikkoortortaqarfiit 100-t

Inatsisartunut ilaasortap, Najaaraq Møllerip, apeqquteqaat aallaavigalugu oqallissaarissutimini apeqqut taanna qaqippaa, uanilu oqallisissiaa atuarsinnaavat: Oqaatsinik assigiinngitsunik atuisoqarfinni, oqaatsit atuartitsissutit meeqqat atuarfianni atuartunut sunniuteqartorujussuusarput, tamannalu ilikkagaqarnissaanut, kulturikkut kinaassuseqarnermut inooqatigiinnermullu arlalitsigut sunniuteqarsinnaasarpoq. Atuartut oqaatsinik tamakkiisumik paasisimanngisaminnik ilinniartitsissuteqarfigineqartut, atuartitsissutigineqartunut paasiuminaatsitsisinnaapput, tamannalu angusarlunnerunermik kinguneqarsinnaavoq. Oqaatsitigut aporfissat atuartunut atuartitsinermi peqataanissamut, apeqquteqarnissamut, ersarissumillu oqaatsinik atuisinnaanissamut unamminartunik pilersitsisinnaapput. Akerlianilli, oqaatsinik ilitsoqqussanik ilinniartitsissuteqarnikkut, atuartut

Kommuneqarfik Sermersuumi borgmesteriusimasut marluk inatsisaatsuliorluni inissianik attartortarsimaneq pillugu, inatsisinik tunngaveqartumik allaffissornikkut ingerlatsisussaaneq akisussaaffigisartik, annertuumik sumiginnarsimavaat. Siumumit sivisuumik qinigaaffiit siuliinili uparuartareersimavarput aamma qinigaaffik una aallartimmalli annertuumik akerleralugu oqaatigiuarparput. Pisariaqartitsinerusunik pingaartitsinerunatik pisoorsuarnut aningaasaatilinnullu tapiissutit atorlugit aningaasarsiorfissaqartitsilluarput, illit uangalu nammaligassatsinnik. All.: Dorthe-Marie Mogensen-Fontain aamma Peter Davidsen, Sermersuummi kommunalbestyrelsimut ilaasortat, Siumut. Kommunini qinikkat amerlanerussutertik neqitaralugu inatsisaatsuliornermik ingerlatsinerat Siumumit isiginngitsuusaarneqarsinnaanngitsutut

Immaqa piffissanngorpoq maanna taama aperissalluta. Tunumi nuna allanngutsaaliugaq, Ilulissat kangerluanni Unesco aammalu Qeqertarsuup Tunuani qeqertat masarsoqarfiit timmiaqarfiusut, Kitsissunnguit, atuutilerneranniit nunap inuinut qanoq aamma sukkut maannamut iluaqutigisimanerlutigit assut takujuminaappoq. Nuna allanngutsaaliorneqarsinnaavoq aattaat annikitsuinnarmik atorneqarsinnaatinniarsarineratigut. All.: Frantz Lundblad, kommunalbestyrelsimi ilaasortaq, Qeqartalik Ilami oqarusunnarneruvorluunniit iluaqutiginngisaannarsimagivut immaqalu allaat akornutaaginnarsimapput taamatut inissinneqarneri. Tassami tusarneq ajorpugut nunap inuinit iluarisimaarinnittunik, akerlianik nunap

Ukiup qiianarsinerani Kuummiuni utoqqaat pisinnaanerusut angerlarsimaffianni tummeqqat ulorianaqisut pissutaallutik utoqqarmik ammukarniaraluartumik siorna niuminik napisoqarpoq. Tummeqqat ulorianaqisut utoqqarnullu naleqqutinngilluinnartut ukiuni arlalinni aaqqissuuneqarsimanngillat. Akerlianik aqqutikkut allakkut tummeraliorsimapput utoqqaap ataatsip ineqarfiata nalaatigut. All.: Laura Táunâjik Uitsatikitseq Pisoq alianaqaaq utoqqaq niuminik napinermini aallaruttariaqarsimammat. Tamanna pillugu kommunimut arlaleriartumik anngussisoqartarsimasoq takussutissaqarpoq, aaqqiiniarnerilli takussutissartaqanngitsut kisiat pisimapput, sulili tummeqqat ulorianarsiartortut takuneqarsinnaavoq. Suna pillugu

Naleraq oqaatsivut pillugit Inatsisartunut oqaluuserisassatut siunnersuuteqarsimanera Inatsisartut Siulittaasoqarfianit itigartitsissutigineqarsimammat, tamanna tusagassiorfitsigut aammalu socialmedia atorlugu salluliutigalugu Siumumut akisussaaffinngortinniarsaraa. Tamanna akuersaanngilluinnarakku erseqqissaassutigissavara. All.: Erik Jensen, siulittaasoq Oqaluuserisassatut siunnersuutit Inatsisartut Siulittaasoqarfianit isumagineqartarput, Siumullu tassani kisimi aalajangiisartuunngilaq. Inatsisartut Suleriaasiat partiinit tamanit (aamma Naleqqamit) akuerineqarsimasoq naapertorlugu Inatsisartut sulipput aamma sullinneqarput, tamannalu Siumup ataqqeqqissaarpaa. Naleqqallu tamanna ataqqiunnaarsimagaa aammalu suusupagisutullu ilersimasoq maluginiarpara.

Qiimasumik, nuannersumik siunissamullu tikkuussisumik ilaasortat oqaluuserisaqarlutik Siumut Qaarsut ataatsimeersuarluarpoq, unnullu pisarnertut qinersinermik naggaserneqarpoq. Siulersuisunut ilaasortaasussat qinersinikkut inissitsiterneqarput, ukulu siulersuisussatut inissinneqarput: Siulittaasoq: Ole Karl HansenSiulittaasup tullia: Aaka T. KarlsenAningaaserisoq: Ole OlsvigAllatsi: Karl TobiassenSiulersuisunut ilaasortat: Aani F Tobiassen, Vikka Jensen, Paonánguak Kruse. Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit. Siulersuisunut ilaasortaasimasut sulilluarsimanerannuttaaq qutsavigaagut.

Nanortalimmiut nunaqarfimmiortaasalu isumaat ersarereerpoq – Namminerisaminnik kommuuninngorniarnerat Naalakkersuisut suliassatut tigulissuk. All.: Anders Olsen, kommunalbestyrelsimut ilaasortaq, Siumut Kommune Kujallermi kommunalbestyrelse isumaqatigiittoq ulloq 14. februar 2024 aalajangerpoq Nanortalimmi nunaqarfittaanilu innuttaasut namminerisaminnik kommuneqaqqilernissaannut apeqqummut tunngatillugu taasitinneqassasut. Tamanna piffissami sivitsortumi innuttaasut oqallinnerannit aammalu atsiornernik katersisoqareerneranit piumasaqarneq ilaatigut pivoq. Maanna nunatsinni kommunit arlariit kommunerisamik ilusaat allannguuteqartariaqarnerannik kissaateqarnerat aammalu oqallisigineqarnerat annertuvoq,

Kommune Qeqertalimmi sanaartornerup unittooqqanera assut pakatsinarpoq akuersaarneqarsinnaananilu. Kommunalbestyrelsip akuersissutigeriigai sanaartugassatut suliniutit arlallit, ukiut tamaasa kinguartinneqartarneri attanneqarsinnaanngilaq. All.: Aqqa Samuelsen, Kommune Qeqertalimmi Siumut gruppiani siulittaasoq Kommune Qeqertalik 2022-mi Sanaartornermut Iluarsartuussinermullu aningaasaateqarfimmik pilersitsivoq. Sanaartornermut aningaasaateqarfiup pilersinneranili 19,6 mio. kronit sanaartugassanut uninngasuutigineqarput. Taakku kommunip 2022-mi naatsorsuutaani allassimapput. 2024-mi kommunip naatsorsuutaasa maannamut killiffianni sanaartornermut aningaasaateqarfimmi uninngasuutigineqartut 101,9 mio. kroninut

Timersuutit inuiaqatigiittut nunarsuarmioqatitsinnullu malunnaatigilluarnerusinnaassavut ukkatarinerullugit suliniuteqarnerulertariaqarpugut. Kalaallit Nunaat nunatut namminersorumasutut timersornermik pingaartitsinerulluni ingerlatsilertariaqarpoq, pingaartumik meerartavut inuusuttortavullu pillugit. Taamaattumik Siumut ukiuni aggersuni timersorneq aningaasanut inatsisini salliutinneralugu ingerlajumavoq, inassutigalugulu ukiuni aggersuni timersuutit aalajangersimasut ilanngullugit immikkut iliuuseqarfigineqassasut. Nuannaartorisaqarneq inuusuttunut inuiaqatigiinnullu pisariaqarpoq, suliniullu pinaveersaartitsinermut annertuumik sunniuteqassasoq qularnanngilaq, inuusuttullu timersornikkut peqqinnartumik pitsaasumillu toqqaassallutik periarfissaqarnerulernissaat aqqutissiuunneqassaaq. All.: Siumup Inatsisartuni gruppia Suut

Ukiamut Inatsisartut 20. september ataatsimiillutik aallartissapput. Siumut inatsisissatut siunnersuuteqarpoq, nunatsinni nalunaaqutaq eqqortumik ingerlalissasoq, imaappoq UTC -3 uterfigineqassasoq. Ilutigisaanik aasakkut nalunaaquttap siuartinneqartarnera atorunnaassasoq siunnersuutigineqarpoq. Siunnersuut akuerineqassappat, ukiamut oktobarip 27-ani nal. 24:00 nalunaaqutaq akunnernik marlunnik kinguartinneqassaaq 22:00-mut, kingornalu nikiseqqinneqarani. All.: Karl Tobiassen, Inatsisartuni gruppip siulittaasuat Seqineq nuigaanngami nuisarpoq. Seqineq tarrikkaanngami tarrittarpoq. Siunnersuummi aalajangersarneqarpoq nalunaaquttamut malitassaq aammalu nalunaaquttap

Ullumi Inuiattut ullorsiornitsinni tamassi pilluangaaritsi. Ullumikkut ullorsiorfitsinni eqqaasinneqarpugut inuiaqatigiittut ataatsimoornerup ataqatigiinnerullu qanoq pingaartiginerannik, taakkuummata inuiaqatigiittut ataqatigiiffigisassatsinnut tunngaveqarfigisassagut. All.: Najaaraq Møller, Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliami siulittaasoq, Siumut Piffimmi uani Naalagaaffinngoraluttuarnitsinni pingaarluinnarpoq nuna tamakkerlugu inuiattut ataasiussusermik misigisaqarfigissallutigu. Ullumikkut nunarsuatsinni pisut pissutaallutik nunarsuarmioqatigiiulluta nalorninartorsiorfimmiippugut, sorsuunnerit pisariaannaaffianni inissisimasoqarmat. Taamaammallu siornatigornit massakkut pissutissaqarluarpugut tamatta maani nunami najugaqartuusugut, inuiaqatigiiusugut kalaallit,

Ukiuni kingullerni nunatsinni eqqaaveqarfilerineq annertuumik ajornartorsiornarsimavoq, taamalu inissikkiartorneq ilutigalugu inuiaqatigiit nikussaartarsimapput. Misinnarpoq eqqaavilerineq pisariaqanngitsumik sapangittaqattaaripput, qanorlu aaqqiissuteqarnissaq kommunini politikikkut isumaqatigiissutigineq ajuleqqagaat. Naalakkersuisoq akisussaasoq iliuuseqarnerulluni aaqqiissutissarsiornerullunilu aallartittariaqarpoq All.: Doris J. Jensen, politikikkut oqaaseqartartoq, Siumut ESANI 2019-imi februaarimi aallartikkami kommunit tamarmik piginneqataaffigalugu siulersorlugulu aallartippaat.  ESANI-p siunertaraa nuna tamakkerlugu ataqatigiissumik mingutsitsinnginnerusumillu eqqaavilerineq ingerlanneqalissasoq. Pingaartumillu igitassat navianarsinnaasut illersorneqarsinnaasumik passutarineqalissasut

Inuit ersinngitsumik innarluuteqartut immikkullu pisariaqartitsisut pillugit ilisimasat naammanngillat sulisussallu amigaataallutik. Maanna inuit innarluutillit ersarissumik pisinnaatitaaffeqalernissaat pillugit inatsisiliortoqarnialerpoq, taannalu ulluni makkunani tusarniaassutigineqarpoq. Inatsit eqqortumik atorneqarani uninngaannalissanngippat, eqqumaffigisassat amerlapput. All.: Paarnannguaq Mathiassen, siulittaasoq, Siumut Ilulissat Ersinngitsumik innarluuteqartut immikkullu pisariaqartitsisut eqqartorneqartillugit oqartussaaqataaneq, pineqartullu tusaaneqarniarneq ajornerat ajornartorsiummik annertuumik pilersitsisarpoq. Inuiaqatigiittullu ileqquvut allanngortinngikkutsigit, inatsisilioraluaruttaluunniit annerusumik alloriarnavianngilagut. Minnerpaamik inatsisissami erseqqilluinnartumik naqissuserneqartariaqarpoq,

Siumut Ilulissat ileqquusumik ataatsimeersuarpoq, pisarnerlu naapertorlugu unnuk qinersinermik naggaserneqarpoq. Siulersuisunut ilaasortaasussat qinersinikkut inissitsiterneqarput, ukulu siulersuisussatut inissinneqarput: Siulittaasoq: Paarnannguaq MathiassenSiulittaasup tullia: Hartvig IversenAningaaserisoq: Bernhardt OlsenAllatsi: Malene Geisler Larsen Siulersuisunut ilaasortat: Arne Petersen aamma Alberth LangeSinniisoq: Julius Kristiansen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit. Siulersuisunut ilaasortaasimasut sulilluarsimanerannuttaaq qutsavigaagut.

Siumut Nuuk ileqquusumik ataatsimeersuarpoq maajip 30-ani Pilutami. Ataatsimeersuarneq akunnernik sisamanik sivisussuseqartoq ilaasortanit ornigarluarneqarpoq. Pisarneq naapertorlugu unnuk qinersinermik naggaserneqarpoq. Siulittaasoq, siuttaasup tullia aamma aningaasarisoq tamarmik unammillerteqaratik ersaartaannikkut qinerneqarput. Siulersuisunut ilaasortaasussat qinersinikkut inissitsiterneqarput, ukulu ukiumi tulliuttumi Siumut Nuummut siulersuisussatut inissinneqarput: Siulittaasoq: Jørgen Wæver JohansenSiulittaasup tullia: Martha Lund OlsenAningaaserisoq: Ejnar Lundblad Siulersuisunut ilaasortat:Petrine LundbladPeter DavidsenKuulumaat FleischerHans Peter Poulsen

Ullumi Inatsisartut aalajangiinerat tunngavigalugu Naalagaaffinngornissamut suliassaq pisortatigoortumik aallartippoq. Nunatta tamakkiisumik aalajangersaasinnaanngornissaa, ilaannakuunngitsumillu demokratiimik atuiffinngornissaa, Siumumut pingaaruteqarluinnartuuvoq. All.: Kuno Fencker, Inatsisartunut ilaasortaq, Siumut Ullumi Inatsisartut akuersissutigaat, Namminersorneq pillugu Inatsimmi § 21-p atuutsilersinneqarnissaanut  suliaq pisortatigoortumik aallartissasoq. Tamatuma kingunerisaanik Naalakkersuisut ukiamut ataatsimiinnissamut piareersaateqassapput, ilaatigut suliassat tulleriiaarneqarnissaanut oqaasertalersuissallutik. Naalagaaffinngornissaq Siumumut pingaaruteqarpoq, tamannalu arlalinnik peqquteqarpoq. Nunarput pisuussutinik naammattunik peqarluaannarani aamma

Siumut sinnerlugu inatsisartunut ilaasortaq, Jens Kristian Therkelsen, maajip 12-iani 1993 qinikkatut sulileqqaarpoq. Ukiut ingerlanerini qinikkatut unillatsiartarnerit ilanngutinngikkaanni, ukiut 25-t tunniusimalluni qinikkatut sulisimavoq. Jens Kristian Therkelseni politikikkut sulilerpoq nunaqarfigisamini Ikerasammi 1993-imi maajip 12-iani taamani bygderådinut qinigaaqqaarami. Ukiut ingerlanerini Uummannami kommunalbestyrelsimuttaaq ilaasortaasarsimavoq aamma 2006-miit Nunaqarfimmiut Peqatigiiffiani suleqataalerpoq (Kanunupe). Nunaqarfiit Peqatigiiffianni 2008-miit siulittaasutut sulilerpoq, nukiit allat periarfissikkumallugit 2021-mi

Suliaq annertooq imaanaanngitsorlu ukiorpassuarnilu suliareriarneqartarsimasoq naammassivoq. Kalaallit piginnittuupput aamma sinerissap qanittuani aalisartut ilanngullutik ineriartorluarsinnaanngussapput, soorluttaaq avataasiortut atugassaat ajornerunngivissasut. Ullaaq Inatsisartuni ataatsimiilinnginnermi piareersartoqarmat Siumup Inatsisartuni gruppia qungujussaaleqinngeqaaq. Nunarput pingaarutilimmik allorialerpoq. Aalisartullu pisinnaalluartut Siumup qularutiginngeqaa. Tullinnguuttut ilagaat nalunaarutit nalimmassaaffiginissaat ingerlatissallugu, soorlu aqumiunut tunngasut, akuersissuteqartarnermut tunngasut allarpassuillu. Suliamut tunngatillugu Siumup tunngavilersuutigisarsimasaasa ilaat alakkarniarukkit, Siumup quppernerani nanineqarsinnaapput:

(Oqaatsit atorneqartut atuupput.) Aalisarnermut inatsisissatut siunnersuut maanna aappassaaneerneqarnerani Siumut sinnerlugu imaattumik oqaaseqaateqassaanga. Siullermik maani Inatsisartuni siullermeerneqarnerata kingorna Aalisarnermut Ataatsimiititaliami suliarineqarneranut ataatsimiititaliamut ilaasortanut minnerunngitsumillu suleqataasimasorpassuarnut qujarusuppunga. Aamma aggersarneqarlutik ataatsimiititaliamiilluunniit orninneqarlutik immersuisimasorpassuarnut qamannga pisumik Siumut qujassuteqarumavoq. Periarfissaq manna iluatsillugu inuiaqatigiinnut aamma Siumukkormioqatitsinnut ersarissumik oqaatigissavarput. Aalisarnermut Inatsisissatut siunnersuut una Siumup tunngaviusumik anguniagaanut aammalu Siumup ataatsimeersuarnermi naqissusigai tunngavigeqqissaarlugit sulineq

Siumut Attu ileqquusumik ataatsimeersuarpoq. Pisarneq naapertorlugu unnuk qinersinermik naggaserneqarpoq. Uku siulersuisunut inissipput: Siulittaasoq: Ole I. FrederiksenSiulittaasup tullia: Amos MarcussenAningaaserisoq: Ane L. NielsenAllatsi: Per Ole FrederiksenSiulersuisunut ilaasortaq: Juliane Frederiksen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit! Siulersuisunut ilaasortaasimasut sulilluarsimanerannuttaaq qutsavigaagut.

Ullutsinni ilisimalikkavut imaanaanngillat, pingaartumik Naalagaaffiup iliuuserisartagarisimasaanut tunngasut. Uagullu nammineq akisussaaffigisimasavut utaqqinata tamakkiisumik tigussagivut isumaqarpunga. Maannamut inuit 14-it pineqartut ilisimavagut. All.: Doris J. Jensen, politikikkut oqaaseqartartoq Arnarpassuit, ilaatigut suliluunniit inersimasutut pisinnaatitaaffeqalersimanngitsut, ilisimanngisaanik naartunaveersaasersorlugit Naalagaaffiup ingerlatsisimanera ilisimaligarput akuersaarneqarsinnaanngilluinnartoq siusinnerusukkut Siumup siulittaasuata sakkortuumik oqaasertalerlugu oqariartuutiginikuuaa. Ilaatigut Naalagaaffiup akisussaaffimmik tamakkiisumik tigusilluni pineqartunut taarsiissuteqarnissaa oqariartuutigalugu. Kingullertigut ilanngullugu ilisimalerparput, peqqinnissaqarfiup 1992-imi

Siumut Sisimiut ileqquusumik ataatsimeersuarpoq. Pisarneq naapertorlugu unnuk qinersinermik naggaserneqarpoq. Uku siulersuisunut inissipput: Siulittaasoq: René Lennert FrederiksenAllatsi: John JohansenSiulersuisuni ilaasortat: Hendrik Davidsen, Johannes Biilmann, Hans Kristian PetrussenSinniisut: Uka Matti Fontain, Gustav Andersen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit! Siulersuisunut ilaasortaasimasut sulilluarsimanerannuttaaq qutsavigaagut.

Siumut Qaqortoq maajip sisamaani ornigarluarneqartumik ileqquusumik ataatsimeersuarpoq. Pisarneq naapertorlugu unnuk qinersinermik naggaserneqarpoq. Siulittaasoq tullialu taasinikkut ingerlanneqartut sinneri unammillerteqaratik ersaartaannikkullu qinerneqarput. Uku siulersuisunut inissipput: Siulittaasoq: Angerdla Kielsen OlsenSiulittaasup tullia: Laila Olsen KûitseAningaaserisoq: Karlina LundbladAllatsi: Kornelia RungholmSiulersuisuni ilaasortat: Maaliaaraq Nielsen, Allan SandgreenSinniisut: Gerhard Isaksen, Otto Ottosen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit. Siulersuisunut ilaasortaasimasut sulilluarsimanerannuttaaq qutsavigaagut.

Avataasiorlutik suliffeqarfiit ilaat eqqarsarpoq, pisassaminnik ikilileriffigineqalaassagunik tamanna sinerissap qanittuani aalisartunut akeqartinniarlugu. Pisortaasa ilaat oqariartorpoq, 1. januar 2025 aallarnerfigalugu sinerissap qanittuani aalisartut aningaasat attartukkatik akilissagaat taamaaliunngippatalu angallataat arsaarinnissutigineqassasut. Polar Seafoodip sioorasaarineratut inissittoqassappat uagut partiittut piaartumik qisuariassagatta neriorsuutigissavarput. All.: Karl Tobiassen, Inatsisartuni gruppip siulittaasua aamma Doris J. Jensen, politikikkut oqaaseqartartoq Aalisarneq pillugu Inatsisissatut siunnersuut pillugu oqallinneq nuannersoq

All.: Anders Olsen, Inatsisartunut ilaasortaq Narsarsuup mittarfittut ukiorpassuarni pitsaasumik ingerlasimanera aammalu angallattut najugaqartullu atugassaqarnerisa pitsaasumik ingerlasimasut eqqarsaatigalugit, maanna pitsaassuseq katalluinnalersimasoq kingumut pitsaassutsiminut utertinneqartariaqartoq isumaqarpunga. Qaqortumi mittarfissap atulerneqarnissaa pilersaarutit malillugit  suli ukiut marluk sinnerlugit aatsaat pisussaavoq, taamaammat nunatta kujataa eqqarsaatigalugu Narsarsuup angallannikkut assartuussinikkullu qitiusumik inissisimanerata pitsaassutsikkut ajunngitsumik inissisimanissaa pingaaruteqarpoq. Mittarfimmi akunnerpassuit utaqqinermi kioski matoqqatinneqartoq, kioski ammagaluartoq

Siumut Aasiaat apriilip 21-ani ileqquusumik ataatsimeersuarpoq. Pisarneq naapertorlugu qinersinermik unnuk naggaserneqarpoq. Siulersuisunullu nutaanut uku qinerneqarput: Siulittaasoq: Frantz LundbladSiulittaasup tullia: Enok SandgreenAningaaserisoq: Kaja OlsenAllatsi: Thomas SiegstadSiulersuisuni ilaasortat: Paneeraq Sandgreen, Karl Lundblad Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit.

Siumut Ikerasaarsuk ukiumoortumik ataatsimeersuarpoq, tamannalu pivoq apriilip 17-iani. Pisarneq naapertorlugu qinersinermik unnuk naggaserneqarpoq. Siulersuisunullu nutaanut uku qinerneqarput: Siulittaasoq: Ruth FilemonsenTullia: Jørgen InusugtoqAningaaserisoq: Agnethe InusugtoqAllatsi: Richardt InusugtoqSinniisut: Anthon Petersen, Dorthe Inusugtoq, Egede Filemonsen Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit.

Qanittukkut Danmarkimi Børsen ikuallammat nunatsinni aamma maluginiarneqarpoq, pineqarmat taakku kulturikkut eriagisaat, illorsuaq ukiut 400-t sinnerlugit napasimasoq. Ilutigisaanik uagut kulturikkut eriagisassagut asiutikkiartortippavut All.: Doris J. Jensen, Inatsisartunut ilaasortaq Nammineq kulturigisaq ilisimassallugu pingaaruteqarpoq, tassami kikkunnut atanermut paasinnittariaatsimut pingaaruteqarluni inissisimavoq. Inuiattut oqaluttuarisaanerput eqqarsaatigissagutsigu katersugaasiveqarnerput pingaaruteqarluinnarluni inissisimavoq. Assinganik pingaaruteqartigaaq katersugaasiviit kulturikkut eriagisatsinnik katersaqarlutik ingerlatsisut politikikkut tapersersorneqarnissaat. Ukiorpassuanngulersunili politikeritut sulininni

Siumut Paamiut ileqquusumik aprilip 13-iani ataatsimeersuarpoq, ileqquusorlu naapertorlugu naggasiutigalugu siulersuisunut qinersisoqarpoq. Uku siulersuisunut qinerneqarput: Siulittaasoq: Dorthe-Marie Mogensen-FontainSiulittaasup tullia: Odin MaratseAningaaserisoq: Kunnak LorentzenAllatsi: Jakob ThorsenSiulersuisuni ilaasortaq: Karen ThorsenSinniisoq: Else Lundblad Mogensen Ataatsimeersuarsimasut siulersuisullu sulilluarnissaanik angusaqarluarnissaanillu kissaallugit pilluaqqungaarpagut.

Siumumiit aalisarneq pillugu inatsisissaq inuiaqatigiinnut tamanut minnerusumik annerusumillu kalluaallunilu attuumassuteqarluinnartoq ilisimaareqqissaarlutigu Inatsisartuni suliarinerani peqqissaartumik isummersoqataaffigalugu suleqataaffigissavarput, pisarnitsitut. Siullermik Siumumiit pingaartilluinnarparput Kalaallit Nunaanni aalisakkanik isumalluutit tamakkiisumik inuiaqatigiit ataatsimut pigigaat.Tamannalu Inatsisissap matuma akuersissutigineratingut aalisakkanut aningaarsarsiutigisatsinnut tamanut atuutsilerlugu aalajangersaavigalugu naqissusissagipput Siumumi pingaartilluinnarparput. Aammalu tamatumunnga peqatigitillugu kalaallinut annertunerpaamik iluanaarutaanissaa qulakkeerneqassasoq peqatigisaanillu aalisarnermik inuussutissarsiummi tunngaviusumik piumasaqaatit ataqatigiissut patajaattullu pilersinneqarnissaat. Siumumi

All.: Lars Poulsen, Inatsisartunut ilaasortaq Naalakkersuisoqatiginnermi Siumup pingaartillugu suliaasa ilaat ullumi naammassineqarnera Aningaasaqarnermut Naalakkersuisup, Siumullu siulittaasuata, Erik Jensenip saqqummiuppaa. Iluaqusersorniakkatsinnut aaqqissuuseqqinnermi alloriarneq siulleq tiguneqarpoq aamma inuit tigusartagaannut aaqqissuusseqqinneq malitseqaqqittussaq siulleq tiguneqaannarani tullinnguuttut ilagaattaaq akileraarusersueriaasitta pisariillisarneqarnissaa aamma suliassatsinnut ilaammat. Akissaatitigut assigiinnginnerujussuup iliuuseqarfigineranut, alloriarnerup siulliup piviusunngortinnissaa Siumup pingaartutut isigisimavaa, tassami sulisartut tamaviaarlutik naammattusaaginnavik ingerlasut, anersaartorfeqarnissaanut alloriarneq siulleq

All.: Anders Olsen, Inatsisartunut ilaasortaq Kommune Kujallermi nannuttassat sisamaasut ukioq nutaaq aallartilaaginnartoq tamakkerneqareerput. Taamaammat nannuttassat eqqarsaatigalugit immikkut ittumik pisassiisoqarnissaa assut kissaatiginarpoq. Piniartut oqariartuutigaat sikorsuit siulliit takkusimaarneranni nunatta kujataa assut nanoqartoq, taamaammat aasap tungaanut suli nannut ingerlaartuarallarnissaat naatsorsuutissaammat pisassat amerlineqarnissaat piniartut assut kissaatigivaat. Sikuni aammalu kangerlunni nannut tumerpassui takussaapput, taamaammat nunatta kujataa nersutaateqarfiunerata saniatigut aamma umimmaat

Inuiaqatigiit kalaallit misiginneqatigaakka aamma Siumup tapersersussavaasi. Siumumi siulittaasutut aamma uanga akuersaarsinnaanngilluinnarpara, naalagaaffiup kalaallit arnartaannut iliuuserisarsimasaanut maannamut annerusumik iliuuseqartannginnerput. Inuiaqatigiittut inuiattullu taamak inissisimalluta peqqinnartumik tunngaveqarluta ingerlaqqissinnaanerput kiisalu aamma uanga inuttut tunngaviusumik apeqqusersortarpara, iliuuserineqartarsimasut amiilaarnangaarmata. Taarsiivigineqartussat taarsiivigineqassapput utoqqatserfigineqarlutillu. Allatut inerniliisoqarsinnaanngilaq. All.: Erik Jensen, siulittaasoq Inuiaqatigiinni tamatta tunngaviusumik ilisimavarput, nunatsinni inuiattut oqaluttuarisaanitta ilarujussua uatsinnut naalagaaffik kanngunartuliornerpassuarnik imaanaanngitsut aaliangiisarsimasoq.

Maanna ukioq 2022-mili Inatsisartuni sinniisutut ivertinneqarsimalerpunga, tupinnarporlu suleriaaserineqartussatut qinikkat namminneq akuersissutigisimasaat politikikkut siunnerfinnik aporfilersuisuummat. Taamaammat kissaatigivara suleriutsimut allannguutissat suunerinik, sunik allannguutissanik suliaqartoqarneranik suleriutsillu pitsanngortinnissaanik suliaqartoqarnersoq paasissallugu. All.: Najaaraq Møller, Inatsisartunut ilaasortaq Maannamut Inatsisartuni suleriuseq pulaffiginerugakku apeqqutinik eqqarsaatersoqaanga, sualuppoq massakkut siunnersuutinik sisamaasunik siunnersuusiorama, taakkunanilu ataasiinnaq upernaamut ataatsimiinnissamut akuerineqarluni.                                                                        Itigartitsisimanermut tunngavilersuutigineqartut aammalu Inatsisartoqarfimmi sulinerat apeqquserujussuarpara. Minnerunngitsumik Suleriaaseq

Nunarsuarmi pisut siammasissumik suleqatigiinnermik pisariaqartitsiffiupput, aatsaat ikioqatigiikkutta innarleruminassuseq annikillisissavarput, aatsaat taamaaliorutta kiffaanngissuseq anginerusoq pilersissavarput. All.: Vivian Motzfeldt, siulittaasup tullia Partiitsinnut suleqataarusuttut tikilluaqqusaajuaannarput, tamattali kiffaanngissuseqarpugut, taamaammat partiimut allamut nuuttut taamaaliorniarunik taamaaliorlik aamma taakku allatigut suleqatigiumaarpavut. Kusanartutulli isiginngilara ukiorpassuit partii ilaasortaaffigisaq aatsaat aninermi oqaatsinik kusananngitsunik oqaasertalersuiffigalugu matumik matusineq. Partiitsinni suleriaaserput taannaavoq, anguniakkavut ukiut pingasukkaarlugit nutartertarpavut, ataatsimeersuarnermilu aaliangiunneqartut

Takorlooruk kisimiittuullutit, inimut akiliiguit, kallerup innera akilerukku, nangit qaammammut 800 kr. sinnerlugit akilerukkit immaqalu immuit ilanngukkukkit il. il., taava inuussutissanut akiliutissatit qaammatip sinneranut naammanngilluinnarput. Taamaattumik isumaqatiginniarnissani erninermusiat immikkut isiginiarneqartariaqarluinnarput All.: Doris J. Jensen, politikikkut oqaaseqartartoq Nunatsinnigooq inuit ikippallaarpugut. Meeqqiorniartangooq amerliartorniassagatta. Kisianni! Innuttaasut ilinniarsimanatik tiimimusiallit erninermusiaat appasinnerpaaq qiviaraanni inuussutissat naammanngilluinnarput ajornerpaamillu inissittoqaraangat erninermusiaqarnissaq periarfissaaneq ajorpoq. Assersuutigilara

Naak peqqinnissaqarfitsinnut ikiuutaasussamik iliuuseqartoqaraluartoq, maanna allannguuteqarfiginissaa avaqqunneqarsinnaajunnaarpoq, nakorsammi nunatsinni pisariaqartivissorpagut, taakkununngalu najugassaqartitsisinnaaneq aamma naapertuuttumik aaqqiivigineqartariaqarpoq. All.: Doris J. Jensen, politikikkut oqaaseqartartoq Piffissami kingullermi peqqinnissaqarfik artorsareertoq qaavatigut artorseqqinneqarpoq, atorfilittanut inissiat akisuallaarneri tunngaviulluni. Pissutsit taamatut ingerlaannassappata nakorsaqarniarnerput ajalusoorluinnassooq. Massakkoqqissaaq pineqarpoq nakorsaq immikkut ilinniagalik misilittagartooq nunatsinni atorfissaqartinneqarluinnartoq, kisianni pissutit taamaannerini eqqugaavoq allaat nunarput qimattariaqalerlugu. Naluneqanngitsutut inissiat taakkua Inatsisartuni

2018-mi silaannakkut Uummannap Upernaviullu eqqaani helikopterimik angallanneq pillugu tusagassiuutit aqqutingalugit allagaqarpunga, taamani Bell 212 taartumi angalasinnaajunaarnikuummat. Maanna pingajussaat tusagassiuutit aqqutingalugit allakkamik ingerlatitseqqippunga. All: Sakio Fleischer, kommunalbestyrelsimi ilaasortaq, Avanaa 2022-mi helikopterit nutaaliat EC 155 atulermata sivisuumik angallanneq kinguaattoortarnera pillugu aammaarlunga tusagassiuutit aqqutingalugit allagaqarpunga. Maanna pingajussaat tusagassiuutit aqqutingalugit allakkamik ingerlatitseqqippunga. Siorna 2023 aamma ukioq manna 2024 aallartinnerani

Aatsitassat “pinngoqqaatit qaqutigoortut” annermik nunani kisermaassilluni ingerlatsiffiusuni iluaqutiginiarneqarnerupput. Demokratiimik tunngaveqarluta ingerlatsisugut peqatitsinnut pisussaaffeqarpugut. Sinnguttutut pissusilersorunnaarluta akisussaaffimmik tigusinissarput pisariaqarpoq. All.: Lars Poulsen, Inatsisartunut ilaasortaq Nunatta nunami pisuussutaanut tamanut oqartussaanerput Namminersorneq pillugu Inatsisikkut naqissuserneqarpoq, taamaalilluta nunatta pisuussutaasa qanoq atorneqarnissaat pillugu tamakkiisumik oqartussaanerput qulakkeerneqarluni. Siumumut oqartussaaneq taanna aamma isumaqarpoq, sumiiffimmi inuit peqataatilluinnarlugit ingerlatsisoqassasoq. Aatsitassarsiornerup nunatsinni aningaasaqarnitsinnut annertuumik sunniuteqarsinnaanera

All.: Anders Olsen, Kujallermi kommunalbestyrelsimut ilaasortaq, Siumut Tamat oqartussaaqataaneranut tusarnaarsinnaaneq pisussaaffiuvoq, innuttaasullu Nanortallip immikkut kommuuninngornissaanik kissaateqarnerat ersareqisoq kommunalbestyrelsip aalajangernera tunngavigalugu pitsaasumik suliarineqarnissaa neriuutigaara. Matumani Nanortalimmi nunaqarfittaanilu innuttaasut taasitinneqartussanngorput, tamannalu Kommune Kujalliup suliassaraa, Namminersornerullutik Oqartussat ilisimatinneqaannartussaapput. Anguniagaq upperigaanni anguneqarsinnaanera uppernarsarneqarpoq, minnerunngitsumik tunngavilersorluakkamik siunertaqaraanni. Taamaattumik tulluusimaarlungalu qujamasoqaanga Kommune Kujallermi kommunalbestyrelsip tamakkiisumik siunnersuutima, tassalu Nanortallip immikkut kommuuninngornissaanut innuttaasut

Kommuneqarfik Sermersuummi borgmesteritut tunuartitaasimasup, kommunaldirektørimut tunuartitaasimasumuttaaq peersitsinermut atatillugu immikkut akissarsiassaanut pissusilersorsimanera pillugu, Nunamut Namminermut Immikkoortortaqarfiup isummersuutai inatsisitigut illersugaalluta ingerlatsinitsinnut unamminartorsiornartitsipput, tassami Nunamut Namminermut Immikkoortortaqarfiup aalajangiussai eqqoriaanernik ilimasunnernillu tunngavilersorneqarsimasunngorsimarpasipput. Nunamut Namminermut Immikkoortortaqarfiup ilatsiinnarnera naggataatigut ima kinguneqassaaq, borgmesterit atorfimminnut atatillugu iliuuserisaminnut akisussaatinneqarsinnaajunnaassammata. All.: Doris J. Jensen, politikikkut oqaaseqartartoq, Siumut Kommunaldirektørimut peersinneqarsimasumut nalinginnaassut qulaaterujussuarlugit immikkut akissarsiassarsiuussisimaneq paquminartoq pillugu,

Kommune Kujallermit Nanortaliup aninissaa siunertaralugu innuttaasunit taperserneqarnersoq pisortatigoortumik paaserusullugu innuttaasut taasitinneqarnissaat februaarip 14-iani kommunalbestyrelsimut  oqaluuserisassanngortippara All.: Anders Olsen, Kujallermi kommunalbestyrelsimut ilaasortaq, Siumut Nanortalimmi nunaqarfittaanilu innuttaasut amerlasuut kissaatigaat Kommune Kujallermiit anillutik namminerisaminnik kommuneqaqqilernissartik. Tamanna innuttaasut ulluinnarni naapittarnerini, ataatsimiisitsisoqarnerani allatigulluunniit saaffiginnissuteqartarnerisigut oqariartuutaajuarpoq. Tamassumap innuttaasuniit ilumut amerlanerussuteqartunit kissaataanersoq pisortatigoortumik paasisaqarfigissallugu pingaaruteqartoq isumaqarpunga, taamaammallu tusarniaaneq taasissutissartalik piviusunngortinneqarnissaa qulakkeerumallugu Kommune

Aalisarnermut inatsit nutaamik taarserniarneqarmat tamanna pissusissamisoorpoq, aamma nutaassamut isumaliutissiissut paasiuminaatsortaqaqaaq. Inuiaqatigiillu oqallisigisaasigut eqqarsaatit pinngorartarput, taakkulu ilaannik saqqummiussilaarpunga. All.: Lars Karl Jensen, Nuuk Isumaliutissiissutip ukiuni ikittuujunnaartuni arlaleriartumik saqqummiunneqartarneratigut maluginiagassaasarpoq kinguartitsisoqaraangat uparuartuisuunikuusut suleriaqqinnissani ataatsimiititaliami ilaasortanngortartut, malitsigisaraalu ilaasortaalersut tunuliaqutaminnik aalisarnerup iluani iluanaarutissanik pissarsinissaq sunniuteqarfiginiartaraat. 2012-imi saqqummiinerup kinguartitsinerullu kinguninngua, aalisakkerinermik suliaqartunik suliffissaqartitsiniarneq pillugu KNR-ikkut oqallittoqallarmat, tunisassiorfinni sulisut aalajaannerunissaat oqallissutaaqaaq,

Januaarip qulingiluaanni Norgep inatsisartoqarfia, Stortinget, aalajangerpoq immap iternani aatsitassarsiorneq periarfissiissutiginiarlugu. Aatsitassarsiorfissatullu tikkuarneqartoq Nunatta kangiani killeqarfitsinnut qanittumiimmat tupinnanngitsumik apeqqutit uatsinnuttaaq tunngasut akineqartariaqarput. All.: Doris J. Jensen, politikikkut oqaaseqartartoq Taamaammat Nunat Avannarliit Siunnersoqatigiiffianni ilaasortatut Norskit naalakkersuisui apeqquteqarfigaakka, qanoq iliorlutik immap iternani aatsitassarsiortoqalissagaluarpat aalisakkanut piniagassanullu akornusiinnginnissaat qulakkeerniarneraat. Pingaarpoq ilanngullugu ilisimalissallugu Norskit naalakkersuisui pilersaaruteqarnersut, norskit misileraanissaanut atatillugu ilisimalikkanik avitseqatigiittarnissaq

Maanna ineqarneq pillugu mamianartuliamik nutaamik saqqummertoqarpoq. Tamannalu Aasianni utoqqarnut sapinnginnerusunut inissialiamut tunngasuuvoq. Ineqarneq pillugu mamianartuliaq nutaaq Kommuneqarfik Sermersuumi ineqarneq pillugu suliamut toqqammaviatigut assigiissinnaapput. Kommune Qeqertalimmili ineqarneq pillugu mamianartuliaq allaaneruvoq, suliap ingerlanera ataatsimiititaliat susassaqartut kommunalbestyrelsilu peqataatinngilluinnarlugit ingerlatsiniartoqarsimammat. All.: Aqqa Samuelsen aamma Frantz Lundblad, Qeqertalimmi Siumup gruppia sinnerlugu Ineqarnermut Attaveqaqatigiinnermullu Naalakkersuisoqarfimmut allakkanik takunnissinnaatitaaneq aallaavigalugu takusinnaavarput utoqqarnut inissialiassat

Maanna ilisimalerparput KNAPK ukiuni kingullerni ileqqorilersimasani malillugu aammaarluni suliassaminik naammassisaqarsimanngitsoq. Akuerineqarsinnaanngilaq piniartut ameerniarnermik isumalluutillit sumiginnarneqarmata All.: Lars Poulsen, Inatsisartunut ilaasortaq, Siumut Ukiut kingulliit ataqqinartut aalisartut piniartullu kattuffianni siuttut ajoraluartumik maalaarujoortutut inuillu attaveqaqatigiittarfiini akisussaaffimminnik eqqaassutut ilisimanerulersimavagut. Tamanna pingaartumik aalisakkat akiinut isumaqatiginninniarsinnaassuseqannginnerannut tunngasartoq tusartarparput, kingullertigut saarullinnut akigitinneqartunut aaqqiissuteqarnissaq allanut ilanngullugu igeriunniarsarisaraat nipiliutigineqartoq tusarsaasaqaluni. Piniartunulli taamaallaat ameerniarnermik isumalluuteqartunut

Asasakka nunaqqatikka. Ukioq 2023-imi assigiinngitsorpassuarnik pisoqarsimaqisoq maanna naavoq oqaluttuaannanngorlunilu, ukiorlu nutaaq nammineq qanoq ilusilersussanerlutigu aaliangigassarput aallartipparput. All.: Erik Jensen, Siulittaasoq Ukioq 2023-imi Qasigiannguani nuannerluinnartumik puiunaatsumik Siumut ataatsimeersuarmat, siulersuisuunerit aammalu anguniakkat nutarterneqarput. Ataatsimeersuarnermi nuannersut ilagaat ataqqinaammik ilaasortaasoq Lars-Emil Johansenip saniatigut nutaanik ataqqinaammik ilaasortanngortitsineq. Tassaasut: Pavia Nielsen, Uummannaq aammalu Ruth Heilmann, Maniitsoq. Aasaq Qasigiannguani ataatsimeersuarnermi peqataasunut tamanut

Asasakka nunaqqatikka sinerissami sumi ittusi tamassi, ukioq pisoqarfiusimaqisoq qaangiutilerpoq. Siunissaq ornitarput qaamasuussappat meerartannguavut siulliutsigit, siunissaq ornitarput qaamasuussappat inuuniarnikkut tunngavigut, aningaasarsiornerusinnaanissatsinnik tunngavissagut pitsaasut aaqqissuutsigit, politikikkut anneruniutiginagit. All.: Vivian Motzfeldt, siulittaasup tullia Asasakka nunaqqatikka sinerissami sumi ittusi tamassi, ukioq pisoqarfiusimaqisoq qaangiutilerpoq taamaammallu pinngitsoorumanngilanga ukiumut qaangiutilersumut tamanut qujallunga pisorpassuit ilaat pingaarnersiorlugit isummersulaassallunga. Aasaq aasarisseruttoraa Siumut Qasigiannguani ataatsimeersuarpoq, tassani

Avanersuarmiut Qaanaap kommuniata uterteqqinnissaanut atsioqatigiissutigisimasaat Avannaata Kommuniani kommunalbestyrelsimi eqqartorneqarnissaanut siunnersuuteqarsimavunga, imalu siunnersuutiga tunngavilersorsimavara. Pissutsit tamaanga killeqartariaqalermata. All.: Ane Qujaukitsoq, Avannaata kommuniani Kommunalbestyrelsimut ilaasortaq, Siumut Inuiaqatigiit Inugguarnik imminnut taasut innuttaaqatitik nunartillu nammineq inerisaaffigalugillu sullikkusuppaat. Salloqittarneqartuarneq neriorsulussinnarneqarneq innuttaasunut sunniuteqarnera tamaanga killeqartikkusuppaat. Tamatta nalunngisatsitut Avanersuaq kitaanut sanillersuuneqarsinnaanngilluinnarpoq; inooriaatsikkut, oqaatsitigut, nunap sumiiffiup inissisimaneratigut, piniarnikkut aalisarnikkut kulturikkullu. Sumiiffik nammineq kinaassusilik

All.: Lars Poulsen, inuussutissarsiornermut oqaaseqartartoq, Siumut Nunatsinni sumiiffiit ilaanni silaannaap pissusaata unerisimannginneratalu kinguneranik sakkortuumik aalisarnikkut piniarnikkullu inuussutissarsiuteqartut inuussutissarsiutiminnik tatineqarput, taamaalillutik aningaasarsiorsinnaanerat killilersorneqarlutik. Naalakkersuisunut kaammattuutigissavara piffissaatillugu pisariaqartitsivissortut immikkut ittumik ikiorserneqarnissaannik suliaqartoqassasoq. Ikiorsiisarnermut periarfissaasut saniatigut immikkut ittumik “ajunaarnersuartut taallugu” ikiorsiigasuartoqarnissaa maannangaaq piumasarissallugu pissusissamisoorpoq. Ukiuni kingullerni, pingaartumik siorna nalaatavut uteqqissasut kissaatiginanngeqaaq. Taamaattumik Naalakkersuisunut Inatsisartunit periarfissiissutigineqarsimasut tunngavigalugit piareersaateqalernissaat aallartissinnaappat

Inuiaqatigiinni inuuniarnikkut akit qaffakkiartornerat ulluinnarni ilungersunartumiititsereersut siunissami qaninnerusumi suli inuuniapiloornissamik kinguneqaratarsinnaanerat aarlerinarluinnarpoq. Inuiaqatigiinni pissakinnerusut, akunnattumik isertitallik, nunaqarfinniittut isorliunerusuniittullu eqqornerlunneqarput, tamannalu unitsinniarlugu Naalakkersuinikkut piaartumik iliuuseqartoqartariaqarpoq. Af Doris J. Jensen, medlem af Inatsisartut, Siumut Akinik qaffaasaqattaarneq inuiaqatigiinnut artukkiivoq aarlerinarporlu suli ajornerusumik siunissami qaninnerusumi killiffeqarnissarput. Akissaatitigut qaffaassutissat isumaqatiginninniutigineqarnerini isumaqatiginninniarnerit suliluunniit naammassinngitsut pisissutigineqarsinnaasut annertuumik mangiarneqalereertut takuneqarsinnaavoq tassanilu RAL-ip ukiumi

Siumut sinnerlugu Folketingimi ilaasortaq Aki-Matilda Høegh-Dam danskit aningaasanut inatsisaannut qulingiluanik angusaqarpoq. Aningaasanut inatsit aningaasaqarnermut ministerimit Nicolai Wammenimit saqqummiunneqaqqammerpoq, aningaasaliissutaasullu arlaqartut Kalaallit Nunaannut attuumassuteqarput. Kalaallinut iluaqutaasussanik Siumut isumaqatiginninniarnermi piumasaqarnikuuvoq, tamannalu danskit naalakkersuisuinit akuerseqataaffigineqarpoq. Aningaasanut inatsisip 2024-moortup isumaqatigiissutigineqarnera Aki-Matilda Høegh-Damimit nuannaarutigineqarpoq. ”Isumaqatiginninniarnerni arlalinnik piumasaqarnikuuvunga, taamaattumik angusarput nuannaarutigaara. Eqqartuussivimmi pitsaanerusumik Kalaallit Inuit atugaqarnissaat, pitsaanerusumik aningaasarsiaqarnissaq kiisalu pitsaanerusumik atorfeqarnissamut

Aningaasanut Inatsit 2024-moortoq Inatsisartuni sammineqarmat, puukunut akitsuut assut initungaatsiarsimavoq. Allaallumi nunarsuarpunngooq “uukkaatilersutullusooq” inuiaqatigiinnut saqqummiussuuneqarluni. All.: Lars Poulsen, Inatsisartunut ilaasortaq, Siumut Soorunami partiit akunnerminni taamatut isummersornerat ataqqeqqissaarpara, kiffaanngissuseqarlutik politikertik ersarissarlugu saqqummiussimmata. Taamaattoq immiaaqqat, sodavandit imeruersaatit assingusullu puuisa akitsuutaat kr. 2,90,- patsisigalugu aningaasanut inatsit pitsassuaq partiit ilaanit akuerseqataaffigineqanngilaq. Pisisartut piumagunik piumanngikkunik kiffaanngissuseqarlutik atuissapput pinngitsaalineqarnavianngillat, soorluttaaq aamma niuertut

Inatsisartut ukiakkut 2023-mi ataatsimiinnerminni Parisimi isumaqatigiissummut tunngasumik pingaarutilimmillu aalajangiussaqarput. Naalakkersuisut maanna nalunaarutigisussanngorpaat, isumaqatigiissummut ilanngunnissatsinnut soqutiginnittugut. Taamaattoq pingaaruteqarpoq erseqqissassallugu tamanna isumaqanngimmat, piumasaqaateqarata namminerisamillu isumaqatigiissummut peqataalissasugut. All.: Kuno Fencker, Inatsisartunut ilaasortaq, Siumut Namminersorneq pillugu Inatsimmi § 12 naapertorlugu nunanut allanut politikitta nunarsuarmioqatigiit suleqatigiiffiinut ilisimatitsissutigineqarnerani kunngeqarfik attavigineqartussaavoq. Pingaaruteqarpoq inatsit naapertorlugu sulinitsinni siunertarissallugu, Kalaallit Nunaata Parisimi isumaqatigiissummut tunngatillugu ilanngunnissaq

Oqaaseqartoq: Karl Tobiassen, Siumup gruppiata siulittaasua Aallarniutigalugu Siumumiit qujajumavungut aningaasaqarnermut Inatsisissamut  sunniuteqarnitsinni pitsaasumik suleqatigiissimanitsinnut. Nunatta ukiunut tulliuttunut aningaasaqarnikkut toqqissisimasumik inissisimaannarnissaanut qulakkeerinneqataaffigisatsinnut. Aningaasaqarnermut Akileraartarnermullu Ataatsimiititaliami ilaasortaqativut, minnerunngitsumik allatsivut qasusuillutik tunniusimalluinnarlutik pitsaalluinnartumik sullissinerannut qutsavigaavut. Naalakkersuisut, minnerunngitsumik Aningaasaqarnermut Akileraartarnermullu Naalakkersuisoq atorfilittaalu pitsaasumik naammassisaqarfiulluartumut suleqatigiinnitsinnut qujanarujussuaq. Siumumi Aningaasanut Inatsisissaq aallartimmalli suliniutigisavut ukioq tullermut, ukiunullu missingersuusiorfiusunut timitalersorlungit aningaasalersuiffiginissaannut isumaqatigiinniarnerit ingerlassimasavut

Issittumut periusissiaq sivisuallaamik suliarineqalersoq Siumut isumaqarpoq. Tigussaasumik isummerfigisinnaasatsinnik tigusaqarnissarput pisariaqartipparput. All.: Doris J. Jensen, politikikkut oqaaseqartartoq, Siumut Issittumut periusissiaq Nunatta namminerisaminik pigisassaa Naalakkersuisunit ukioq ataasingajak suliarineqarluni ingerlanneqarpoq. Nunattalu nunarsuarmioqataasutut namminerisamik periusissiaqarnissaa pisariaqarlunilu pingaaruteqarpoq, taannalu nukinginnarsisoq Siumut isumaqarpoq. Ukioq manna aallartilaarsimalersoq Naalakkersuisut avammut ilisimatitsipput, periusissiaq sulinerineqarluni ingerlanneqartoq. Maannalu ukioq naajartortoq periusissiaq suli utaqqineqarpoq. Nunarsuarmi pissutsit silallu

Piffissami aggersumi suliffeqarfiit inuiaqatigiit pigisaat, Royal Arctic Line aamma Tusass nutaanik pisortassarsiuunneqartussaapput. Pisortatullu inissinneqartussat kalaaliussasut Siumup piumasaraa. All.: Najaaraq Møller, Inatsisartunut ilaasortaq, Siumut Inuiattut kiffaanngissuseqarnerput namminiussuseqarnerpullu pissusissamisoortumik ukiuni makkunani Siumumi politikikkut angutserlugu sulinerput ingerlapparput. Tamanna aamma isumaqarpoq, suliffeqarfiutitsinni allaffissornikkullu sutigut tamatigut uatsinnut salliutilluta ingerlatsissasugut. Siumut isumaqarpoq, inuiaat atasinnaasumik ingerlassappata, allamiunik pisortalersorluni inuiaqatigiit ineriartortinneqarsinnaanngitsut. Allamiut piginnaasaat

Ullumi Inatsisartuni aappassaaneerneqarpoq Kuno Fenckerip siunnersuutaa, Danmarkimi Kalaallit pisinnaatitaaffiinut tunngasoq. Aalajangiiffigisassatut siunnersuut Kalaallit kinaanerannik kulturiannillu Siumup illersuineranut ilaavoq, Kalaallit Nunaanniinnanngitsoq aammali Kalaallinut Danmarkimi najugaqartunut. All.: Kuno Fencker, Inatsisartunut ilaasortaq, Siumut Kalaalit ikinnerussuteqartutut Danmarkimi akuerineqarnissaat siunertaralugu, qallunaat naalakkersuisuinut saaffiginnissuteqarnissamut pineqartoq kaammattuutaavoq aqqutissiuisussaq. Aalajangiussap Naalakkersuisut kaammattorpai, qallunaat naalakkersuisuinut saaffiginnissasut, taamalu Europami ikinnerussuteqartut pillugit aalajangersakkat naapertorlugit (FCNM) aamma

Oqaatsivut sutigut tamatigut illersugaraavut, inerisarusuttuarpavullu aamma inuusuttortatsinnut soqutiginartumik ilikkarsarnerup imaqarnissaa inerisaaqataaffigerusukkatsigu. Inuiaqatigiittullu attassinnaanngilarput, ilinniarnertuunngorniarfinni kalaallit oqaatsivut tunngavigalugit ilinniartitsitsineq nukillaariartussappat. All.: Najaaraq Møller, ilinniartitaanermut oqaaseqartartoq, Siumut Nuummi ilinniarnertuunngorniarfimmi (GUX) kalaallisut ilinniartitsisussaaleqineq iliuuseqarfigineqartariaqartutut Siumumit isigaarput. Maannamut oqaluuserineqartarnerani akissarsiat pissutaasutut tikkuarneqartarput. Ilinniarnertuunngorniarfimmi oqaatsitsinnik ilinniartitsisinnaajunnaarsimagutta, ilinniartitsisussaaleqinertut taallugu, misissugassatut piaartumillu aaqqiissuteqarfigisassatut isigivarput. Sulilersitsisarneq, akissarsiat minnerunngitsumillu sulisut atugaannik ilorrisimaartoqarnersoq qulaajarneqartariaqarmata paasissutissanik

Folketingimi ataatsimiinnerni danskisuinnaq malinnaasinnaaneq unitsinneqartariaqarpoq. Siumut tunuliaqutaralugu Folketingimi ilaasortaq Aki-Matilda Høegh-Dam isumaqarpoq. Tassami Folketingimi ataatsimiittoqaraangat Nunatsinni innuttaasut malinnaaniarnerat killeqartarpoq, ataatsimiinnerit danskisuinnaq pisarmata. Ataatsimiittoqartillugu danskisuumit kalaallisuumut nutserisoqartarnissaa pingaaruteqartoq Siumut Folketingimit isumaqarfigineqarpoq, Folketingimiimmi aalajangerneqartartorpassuit Kalaallit Nunaannut attuumassuteqartarput. Toqqaannartumik nutserisinnaasoqartalernissaa pisariaqarmat Siumut Folketingimi sulissuteqarnikuuvoq. Folketingimilu ataatsimiinnermi kalaallisut nutserneqartalernissaat suliniutaavoq oqaluttuarisaanermut pingaarutilik. Kalaallisut oqaatsigut Folketingimi sunniuteqarnerulissapput, tamannalu pingaaruteqarluartuusoq Aki-Matilda

Ulluni makkunani Kujallermi savaatillit imaanaanngitsumik nalaataqarput, annertuumik apinerata kingunerisaanik savaatit qaqqani appussaaqqasut annaanniarlugit tamaviaalersimammata. Pisoq nunalerisunut imaanaanngilaq, savaatillillu ilisimatitsisalereerput namminneq paasinninnertik naliliinertillu naapertorlugu, pisoq ajunaarnersuartut paasineqartariaqartoq. Ukiuni kingullerni assingusunik nalaataqartarpugut, soorlu silap pissusaata allanngoriartorneranik pissuteqartumik imaani inuussutissarsiortut ukiorluarnerani eqqornerlunneqartarnerat eqqarsaatigalugu aamma siorna Kulusummi uuliaarluernerup kingunerisaanik piniartut eqqornerlunneqarnerat ilanngullugu. Pisuni taakkunani pinerit tamaasa Naalakkersuisut saanneqartarput, uanilu

Piffissami kingullermi aalisartut saarullinnut akigitinneqartut pillugit naammagittaalliornerat tunngavigalugu Siumup paaserusuppaa, ilumut Royal Greenlandi KNAPK-mut oqaloqateqarnissamut piumassuseqarnersoq. Saarulliit akiisa apparsimanerat pillugu KNAPK oktobarip aallaqqaataanni akerliussutsimik takutitsivoq, oqariartuutigalugu pissutsinut politikikkut iliuuseqartoqartariaqartoq. Naalakkersuisullu avammut akissutigisartagaat eqqarsaatigalugit, Siumut isumaqarpoq Naalakkersuisut iliuuseqarnerunissamik pisussaaffeqartut. Ilanngullugu Siumup maluginiarpaa, KNAPK-p kattuffittut akit pillugit isumaqatiginninniartussatut inissisimanini atornerunagu, ukiuni kingullerni toqqaannaq politikikkut iliuuseqaqqusisarneq atornerulersimagaa. Pissutsit

Tasiilap immikkut kommuninngoqqinnissaa siunertaralugu innuttaasut taasinissaannut periarfissiinissap aqqutissiuunneqarnissaa pisariaqarpoq piffissanngorlunilu. Taamaattumik Kommuneqarfik Sermersuummut siunnersuutigaara, sumiiffimmi innuttaasut taasisinneqassasut All.: Mala Høy Kúko, Sermersuummi kommunalbestyrelsimut ilaasortaq, Siumut Tasiilaq immikkut kommunitut inissisimajunnaarmalli ukiuni kingullerni arlaqalersuni Tasiilap ineriartornera arlalitsigut aporfissalersorneqartutut illuni unittoornikuuvoq. Ilungersunarnerpaavorlu sumiiffimmi innuttaasut ungasissumiit qitiusoqarfimmiillu aqunneqalersimammata, soorlu aamma taamak nunasiaataasimanerup nalaanni nunarput Københavnimiit aqunneqarnikuusoq assigalugu. Tasiilaq namminerisaminik

Kommuneqarfik sermersuumi Siumut gruppiani aammalu attaviitsoq Storm Ludvigsen teknikikkut suleqatigiiffigilikkamini 2024-imut aningaasaqarnermut isumaqatiginninniarnitsinni angusat aallaavigalugit marlunngornermi novembarip arfineq aappaani atsisoqatigiipput All.: Dorthe-Marie Mogensen-Fontain, Siumup gruppiata siulittaasua Siumumiit attaviitsumiillu angusagut nuannaarutigingaarpagut. Innuttaasut pillugit piunerput naqissuseqqillugu, innuttaasunut sullissineq pitsaanerulernissaanut suliniutit aallartinneqarnissaat tamanit anguneqarmat. Illoqarfiit pingaarnersaanni ineqarniarnermik ajornartorsiuteqarneq ilisimaarilluarparput taamaattumillu inissianik innuttaasunut akilersinnaasunik pilersitsinissaq aamma anguniartuarlugu. Nuannaarutigaarpullu tamannattaaq

Ataatsimut isigalugu maannamut ataatsimiititaliap sulisimanera Siumup iluarisimaarpaa, aamma apeqqutit Siumumit Inatsisartutigoorlugit qaqinneqarsimasut naammaginartumik akineqarsimasut Siumut naliliigallarpoq All: Karl Tobiassen, Siumup gruppiata siulittaasuat Parisimi isumaqatigiissut pillugu Siumup qanoq ullumikkut inissisimanera assigiinngitsunit pissusissamisoortumillu ujartorneqartarpoq, pingaartumik Inatsisartuni siullermeerneqarneranut atatillugu Siumup annertuumik paasiniagassaqaqqaarneranik piumasaqaateqarsimanerata kingunerisaanik. Apeqquterpassuit tamakku pissutaaqataallutik Inatsisartuni isummerfigisassaq upernaammi ataatsimiinnermiit ukiamut ataatsimiinnermut kinguartinneqarpoq, Siumup piumasaqaatai qulaajartikkusutat aamma

Siumumit nuannaarutigisatsinnik partiit Siumut, Inuit Ataqatigiit, Atassut, Attaviitsoq Nalerarlu ullumi atsioqatigiipput, isumaqatigiissutigalugu Aningaasanut Inatsit 2024-imut atuuttussaq qanoq iluseqassanersoq All.: Doris J. Jensen, politikikkut oqaaseqartartoq Aningaasanut Inatsit partiinit amerlanerussuteqarluartunit tunuliaqutserneqartoq ullumi naammassineqarpoq, Siumullu pisarnermisut Nunatta aningaasaqarneranut akisussaaffimmik tigusivoq. Tamanna partiittut akisussaaffeqartutut Siumup pingaartitaraa, ataanilu pingaartillugit ukioq manna anguniarsimasatta ilaat taakkartulaassavakka. Utoqqarnut pilersuisussaatitaanerup atorunnaarsinneqarnera angusaavoq pitsaasoq, utoqqarnullu

Kommunimi SIK peqatigalugu sulisartut pisinnaatitaaffeqarluarnersut takujuminaappoq, piiaaffigineqartarnertillu naammagiunnaarpaat. All.: Malene Geisler Larsen, Kítsigsuarssúne Nunaqarfimmi aqutsisunut ilaasortaq, Siumut Nunaqarfinni allaffissornikkut sulisut napparsimagunik timinik piaaffigineqartarnertik naammagiunnaarpaat. Sulerusussuseqaraluarlutilli inuttassarsiuinikkut immikkut nalilersorneqartuarnertik naammagiunnaarpaat. Naak Kommune sulisussaqarnikkut ataqatigiissaarinikkullu sulisartut immikkoortitaajuarneranik uliuuseqartussaq, kinaassusersiortarnerillu nunaqarfinni ersikkaluttuinnartunut illuatungiliisussaq. Kommune Qeqertalik siunissamut taamannak inukillisaanissamut ingerlanerluni? Isumaqarpunga sulisartut pisinnaatitaaffikkut illersortuartariaqarivut illersortuassavakkalu. Kommune sulisoqarnikkut ersernerluttumik sulisunik

Innuttaasut ataatsimoorluta toqqissilluta inooqataasinnaanissarput ujartorpara. Taamaattumik pinaveersaartitsinikkut suliaqartumik maani pilersitsinissaq angorusoqaarput. Tamatta inissaqassaagut qanorli iliorutta aaqqiisinnaavugut? All.: Dorthe-Marie Mogensen-Fontain, Sermersuummi kommunalbestyrelsimut ilaasortaq, Siumut Paamiuni sapaatip akunnerata naanerani, aammalu akissarsiffiusuni imigassamik atuisarneq annertuumik takussaasarpoq. Sapaatillu akunnerata kingullermi pisut assut aalassannartutut tusarpagut, ammasumik saaffiginnissuteqarpunga pinaveersaartitsinermi inuunerissaanermilu suliaqarnissaq annertunerusumik sammineqartariaqarneranik oqariartuuteqarluta Siumut Paamiuniit. Maani illoqarfitsinni pinaveersaartitsinermik sulisuerunnikuuvugut, tamanna

Folketingip ammarneqarnerani Siumut tunuliaqutaralugu Folketingimi ilaasortatut sinniisoq Markus E. Olsen sisamanngormat oqalugiarpoq. Folketingip oqaluttarfiani kalaallisut oqaluttoqarsinnaanera Folketingip Siulittaasoqarfiata pisinnaatitsineratigut Markus E. Olsen oqaatsit ilitsoqqussani atorlugit oqalugiarpoq. ”Oqaatsivummi sumiuunitsinnik kinaassutsitsinnillu ersersitseqataasut maani inimi kiisami akuerineqarsinnaalerput; taamaattoq uanni tamatsinullu pisariinnerpaasimassagaluarpoq toqqaannaq Folketingip nammineq aaqqissuussaanik nutserunneqarsimasuuguma”, Markus E. Olsen oqaluttarfimmit oqarpoq. Oqalugiarnermini unamminartut assigiinngitsut Markus E. Olsenip tikkuartorpai.

Anguniagaqallaqqissumik, iliuuseqallaqqissumik unneqqarissumillu Siumup allattoqarfia suleqatissarsiorpoq. Siumut suliffiuvoq naligiilluni sulinissamik pingaartitsisoq. Siumut suleqataaffigileruk Nunattalu siunissaa suleqatigisassatit peqatigalugit ilusilersueqataaffigalugu. Illit ilisimasatit uagut anguniakkatsinnut pingaaruteqarsinnaapput.    Siumut pilluguSiumut partiiuvoq Nunatsinni innuttaasugut tamatta atugarissaarnissatsinnik namminersornissatsinnillu pingaartitsisoq. Sulisartut, savaatillit, piniartut aalisartullu partiitut qitiutittarpavut. Siumut oqaluttuarisaanermigut politikikkullu siuarsaarusuttuunermigut ilisarnaateqarluarluni Nunatsinni politikikkut inissisimanermut aalajangiisooqataalluinnarsimavoq aalajangiisooqataalluinnarlunilu. Atorfiup imaaSiumup allattoqarfiani politikikkut siunnersortitut suliassat

Meeqqat ulluinnarni pisariaqartinnerpaasaat angajoqqaarsianit pisarsimassagaat ilaatigut paasisaqarfigisimavakka. Kukkussutissaasunilli qinngusersortoqarlunilusooq qamasoqartarnera ajortussarsiortoqartarneralu isumaqarpunga nalilersoqqissaarneqartariaqavikkaluartoq. All.: Laura Táunâjik Uitsatikitseq, Sermersuummi kommunalbestyrelsimut ilaasortaq, Siumut Nunatsinni meerarpassuit illersugaanerat tusarsaaleraluaqisoq aappaatigulli tamanna ilaatigut apeqqusertariaqarsoraara. Kommuneqarfik Sermersooq ataani meeqqat ukiumut nalunaarutigineqartartut amerlasimassagunaqaat pingaartumik qaammat naanerisigut, akissarsiffikkulluunniit. Taamaakkaluartoq meeqqat isumaalunnartutut nalunaarutigineqartartut ukiuni arlaqalersuni annerusumik suneqangaartarsimanngillat. Naak ilaatigut angerlarsimaffik ernumanartoqarfiusoq najugarigaluaraat annerusumik suliniuteqartoqarneranik

2024-mut aningaasaqarnermut inatsisissaq pillugu Siumumit imaattumik oqaaseqaateqassaangut. Aallarniutigalungu qujavugut  aningaasaqarnermut inatsisissamut Nunatsinni sunniuteqarluarluta suleqataagatta aamma partiit allat qutsaviginiarpagut ataatsimiitsitaliani suleqatigiilluartarnitsinnut. Siumumi inatsisissaq pillugu suliaq aallartimmalli suliniutigerusutagut timitalersorusutavullu ilungersuutigalugit immikkoortunngorlugit siunnersuutigut saqqummiunnikuuagut. Nalorninngivilluta nunatta Naalagaaffinngornissaanut sulinerup timitalersuinissat siunnerfilernissaannut allorassaaqatiginissaannik  tingussaasumik  Partiit inatsisartuutitaqartut suleqatiseraavut. Namminersorneq pillungu Inatsisissamik suliaqartitat naammassillungu Inatsisartunut tunniussinikuupput. Alloriarneq tulleq tassaasariaqarpoq Naalagaaffinngornissatsinnut suliassaqarfiit sorliit

Siumut Uummannaq ileqquusumik apriilip 23-ani 2023 ataatsimeersuareersimalluni, siulersuisunut inissitsiteqqinnissaq siunertaralugu immikkut ittumik ataatsimeersuarpoq. Siulersuisut nutaat inississorneri ima isikkoqarput: Siulittaasoq: Johannes Mathiassen.Siulittaasup tullia: Ilatsiaq Markussen.Aningaaserisoq:  Ane Marie Møller Andersen.Allatsi: Ane Zeeb Pjettursson. Siulersuisunut ilaasortat: Inuutersuaq Løvstrøm, Sakio Fleischer aamma Elisabeth Nielsen Ataatsimeersuarsimasut siulersuisullu sulilluarnissaanik angusaqarluarnissaanillu kissaallugit pilluaqqungaarpagut.

Siumup siulittaasuat, Erik Jensen aamma Inuit Ataqatigiit siulittaasuat, Múte B. Egede, ataasinngornerup ullaariaa peqatigiillutik tusagassiortunik katersortitsipput, tassani Naalakkersuisooqatigiit anguniagassatut siunniussaat nutaat saqqummiullugit. Taakku ippassaammat Naalakkersuisooqatigiit ilassutissatut isumaqatigiissutissaat naammassisimavaat, isumaqatigiissullu tunngaviusumik isumaqatigiissummut 4. april 2022-imeersumut ilassutaavoq. Ilassutitut isumaqatigiissut uani atuarsinnaavat. Katersortitsinermut ilanngullugu Naalakkersuisut nutaat saqqummiunneqarput. Taakku ima inuttalersugaalerput:

Karl Tobiassen ullumimiit atuutilersumik Aalisarnermut Piniarnermullu Naalakkersuisutut tunuarniuteqarpoq. Naalakkersuisut Siulittaasuannut ammasumik allagai ima imaqarput: Asasara Naalakkersuisut Siulittaasuat, Matumuuna ataqqinnillunga Aalisarnermut Piniarnermullu Naalakkersuisutut atuuffinnit tunuarniuteqarnera qinnutigaara. Siorna akisussaaffik pingaarutilerujussuaq tigusussanngorakku nutaamik aalisarnermut inatsimmik pilersitsinissaq neriorsuutigisimavara. Inuttut ajuusaarutigisannik suliaq ukiaq manna Inatsisartunut oqaluuserisassanngortinnissaa angumerineqarsinnaasimanngilaq, taamaattumillu Naalakkersuisutut neriorsuutiga eqquutsissinnaasimanngilara. Tassunga atatillugu politikikkut akisussaaffik tamarmiusoq uanniittoq tiguara.  Inatsisartunut uteqqinnissara

Ulluni 16. aamma 17. september Siumup Inuusuttunut Suleqatigiiffia Aasianni ileqquusumik ataatsimeersuarpoq. Inuusuttut pingaartitaat oqaluuserineqarput pitsanngoriaatissanillu suliassarpassuaqartoq siulittaasunngortoq isumaqarpoq. Ataatsimeersuarneq eqeersimaartumik, uummaarissumik ileqqorissaartumillu ingerlanneqartoq naammassilluarneqarpoq. Ataatsimeersuarnermi sorpassuit anguniagassanngortinneqarput, taakkunannga pingaarnertut qulequttat pingasut iliuuseqarfigineqartussatut inissinneqarput, tassaasut ilinniartuunerup nalaani suliffissaqarnissap pingaaruteqassusaa, inuusuttunut inissiat naammattut naleqquttullu pigineqarnissaat aamma sulisinnaanngornissamut inuusuttunut killilersuutit nalilersoqqinneqarnissaat. Ataatsimeersuarneq naggaserlugu siulersuisuunernut qinersisoqarpoq. Taasisinnaallutik najuuttut 18-it

Avannaata Kommunia 2018-mi pilersinneqarmalli aattaat taama aqutsinikkut pitsaanngitsigisumik ingerlanneqarpoq. All.: Sakio Fleischer, Avannaata Kommuniani Siumut Gruppe sinnerlugu Suleqatigiit maanna Avannaata Kommunia siuttuusut, Inuit Ataqatigiit, Atassut, Demokraatit, Naleraq, attaviittorlu 13. maj 2021 anguniagassatut isumaqatigiissuteqarlutik atsioqatigiipput kusanartumik tusarnersumillu aallaqqaasiuteqarlutik; ”Aqutsilluarneq – ineriartoqatigiinnerlu” Innuttaasugut misigipput aqutsilluartoqanngittoq ineriartoqatigiinngittugullu. Aqutsilluarneq borgmesterimit innuttaasunut ataasiakkaanut pitsaasoq ingerlatissuarput. Innuttaasut peqataatinneqartutut misigissapput, kommunimik piginneqataasutut

Avannaata Kommuniani sanaartugassanut missingersuusiortarnermi inuttussuseq aallaavigalugu aningaasalersuisarneq naleqquttuunngitsoq kingullermik kommunalbestyrelsi ataatsimiimmat takuarput All.: Jens Kristian Therkelsen, Avannaata Kommuniani Siumup Gruppia sinnerlugu Maannakkut Avannaata Kommuniani ikannerussuteqarlutik borgmesteriutitaqartut 2021-mi ukiup tullissaanut missingersuusiornermi  amerlanerussuteqarnertik aallaavigalugu aalajangerput, sanaartugassanut aningaasalersueriaaseq inuttussuseq aallaavigalugu aqutsiveqarfikkaartumik procentilersuisoqartalissasoq. Taamatut aalajangiinnginnermi Siumut ersarissumik akerliulluta oqaaseqaateqarpugut, tassa aarleqqutigalugu kommunitsinni ineriartornerup assigiinngippallaamik ingerlalersinnaanera aarleqqutigalutigu, ilaatigut assersuutiginikuullugu Qaanaaq

Ilinniartitaanerup aaqqissuussaanerani inuit arajutsineqarsimasut puigorneqartartut nalunanngilaq, tamannalu inuiaqatigiit taamak ikitsigigaluarluta aaqqissuussisimanitta naleqqussarnerlussimaneranik pissuteqartoq isumaqarpunga. All.: Paarnannguaq Mathiassen, siulittaasoq, Siumut Ilulissat Uffa tamatta immitsinnut atorfissaqartittutut misigisimasussaalluta inissisimasussaallutalu, killormut arajutsinngikkutsigit soqutiginnginnatsigit  – pingaartumik inuusuttorpassuit pisortanit sumiinnersut aamma sulerinersut ilisimaneqarunnaartarnerat tusartartillugu. Puigussanngilarput inuusuttunngooq 2.800 missaaniittut sulerineranik pisortat ilisimasaqaratik 2020-p nalaani oqariartuuteqarmata. Taakku ullumikkut naalakkersuinikkut qanoq iliuuseqarfiginiarneqaramik? Pilersaarusiortoqarsimava? Kisitsit

Kommune Qeqertalimmi borgmesteri Ane Hansen Qasigiannguani meeqqat inuusuttullu pinerlunniarnermut pitsaaliorneqarnissaat pillugu siuttuunini takutittariaqarpaa. All.: Aqqa Samuelsen, Kommune Qeqertalimmi kommunalbestyrelsimi ilaasortaq, Siumut Qasigiannguani pisut kingulliit assut sakkortupput aamma qaangiataaginnarlugit nipangiutiinnarneqarsinnaanngitsut. Innuttaasut taama ikitsigisillugit pisut sakkortuut annernarninngorlutik innuttaasunut eqquisarput. Qasigiannguani sapaatip-akunnerani matumani pisumi borgmesteritta nipaannerujussua maluginiagassaavoq. Borgmesteri tassaavoq kommunimi qullersaq, aamma taannaaniartussaagaluarpoq pisuni sakkortuuni saqqummilaarnerulluni akuliuttartussaq. Qasigiannguani innuttaasut

Tunngaviusumik Inatsisissap inuiaqatigiinni oqaloqatigiissutigineqarnissaa siunertaralugu Inatsisartut immikkut ittumik aningaasaliissuteqarnissaanik Siumup Inatsisartuni gruppia siunnersuuteqarpoq. All.: Doris J. Jensen, politikikkut oqaaseqartartoq, Siumut Inatsisartut suliakkiissuteqarnerisigut Inatsit Tunngaviusussaq pillugu Isumalioqatigiissitat 2017-mi pilersinneqarput, isumalioqatigiissitallu isumaliutissiissutaat 29. april 2023 Naalakkersuisunut Inatsisartunullu tunniunneqarpoq. Tunngaviusumik inatsiseqarneq nunanut uatsinnut sanilliuttakkatsinnut pingaaruteqarluni inissisimasarpoq, tunngaviusumik pineqartarmat, inatsisit inuiaqatigiinni qaqugukkulluunniit suliarineqartartussat qanoq tunngavissinneqarsimanissaanik erseqqissunik allassimasuuteqarnissaq toqqissisimanarnerpaajusarmat .

Innarluutilinnut tunngaviusumik inuttut pisinnaatitaaffiit oqaatsit kusanarluinnartut atorlugit inatsisartunit suliarineqarsimasut isiginnaaginnartarpagut. Pisinnaatitaaffiit atuutsinneqannginnerat, ilaannakortumik ikiorsiisarneq, ikiorsiinaveersaartarnerlu Danmarkimut nuuinnartariaqartarnermut tunngaviusarput. All.: Paarnannguaq Mathiassen, siulittaasoq, Siumut Ilulissat Tusartuarparput takujuarlugulu nunatsinni inunnik innarluutilinnik sullissinermi sumiginnaaneq pissutigalugu ilaqutariit kajumissuserinngisaminnik Danmarkimut nuuttariaqartartut pisinnaatitaaffitik atorlugit sullinneqassagunik. Nunatsinnimi inuit innarluutillit naleqartinneqaratik sullinneqartuarmata, uagut inuiaqatigiittut isiginnaartuuffigisagut. Inuiaqatigiinni inatsisilimmi inuuvugut, tamatumanilu tamatsinnut naapertuilluartumik pineqarnissarput qulakkeertussaavaa.

Air Greenlandimi piujuartitsinermut attaveqaqatigiinnermullu pisortatut atorfininninni pilluangaarit! Tusagaq nuanneq ❤️… taamaattorli Siumumi uggorinngitsuunngilarput ilutigisaanik politiki qimakkallassallugu aalajangersimagavit. Ataqqivarpulli soorunami 💪. Siumut sinnerlugu sulisimanitit imaanaanngillat, imaaliallaannarlu taarserneqarsinnaanngitsutit nalunngilarput. Kommuneqarfik Sermersuummi minnerunngitsumillu Siumumi suleqatiginnillaqqinnerit pigalugu piffissap sivikitsup iluani angusarpassuaqarputit. Suna eqqortuusoq nalornissutiginngisaannarakku, kommunimi suleqatitit peqatigalugit torersaanerujussuaq qasusuillutit ingerlassimavat, aamma taamak partiitta unneqqarilluni ingerlanissaanut annertuumik sunniuteqarsimavutit 👏. Ingerlaqqinnissanni

Kaaleeraq Heilmann ajoraluartumik sivikitsuinnarmik napparsimareerluni akornatsinniikkunnaarpoq. Kaaleeraq sinerissap qanittuani raajarniarnerup aallarnisarneqarneraniit qanimut peqataaqqissaarluni namminerisamik aalisariutaateqarnikkut ingerlatsisimavoq. Tamatuma malitsigisaanik nunatsinni aalisartut kattuffiat aqqutigalugu isumaqatiginninniaqataasartutut akinik pitsaasunik atugaqartitaanissamut sorsuuteqarluartuunini ilisarnaatigisimavaa. Ilaatigullu Qeqertarsuup tunuani raajarniat peqatigiiffianni ukiorpaalunni aamma siulittaasuusimalluni. Illoqarfik Qasigiannguit asalersimasani “saarnguigissallugulu” aalajangiusimasani pillugu suliffissuaqarnikkut ingerlaannarnissaa mikinngitsumik sorsoqataaffigaa. “Avataani” inissilluni nilliasuuinnarneq naammaginagu Qasigiannguit Kommuniani Borgmesteritut aamma atuuffeqarpoq