Siumut Nuuk nalinginnarmik ataatsimeersuarpoq maajip 26-iani 2022 ASK-imi. Ataatsimeersuarneq akunnernik sisamanik sivisussuseqarpoq 23-nit peqataaffigineqartoq, apeqquterpassuillu nalilersorneqarlutillu oqaluuserineqarput. Tamakkununnga ilaapput Sermersuummi inissianut tunngatillugu suliaq, Siumup nuna tamakkerlugu 2023-mi ataatsimeersuarnissaa aamma EU-mut attaveqarnerput. Siulersuisunut uku qinerneqarput: Siulittaasoq: Hans Peter Poulsen Siulittaasup tullia: Lars Jørgen KleistAningaaserisoq: Nikoline Ziemer Siulersuisunut ilaasortat: Peter DavidsenIsak DavidsenKim HøeghKristine M. Kleist Sinniissussat: Mari

Siumut Uummannaq ataatsimeersuarnerminni siulersuisut nutaat qinerpaat, taakkulu ima inissipput: Siulittaasoq: Inuutersuaq-Ulloriaq Løvstrøm Siulittaasup tullia: Sakio Fleischer Aningaaserisoq: Elisabeth Nielsen Allatsi: Ilatsiaq Markussen Siulersuisuni ilaasortat: Peter Mathiessen aammalu Kim Olsvig Møller Siulersuisunngortut sapaatip akunnerata tulliani, uge 22-mi, siullermeerlutik ataatsimiissapput. Siulersuisunngortut nutaat suleriaqqinnissaminnut piareersimapput, innuttaasut nunallu siuarsarnissaanut ataatsimoorluta ingerlaqatigiissaagut, ataatsimeersuartut oqariartuuteqarput. Siumut Uummannaq sulilluarnissaanik iluatsitsilluarnissaanillu kissaapparput.

Siumut Nuuk ilaasortanut soqutiginnittunullu qaaqqusivoq, malittarisassat malillugit ukiumoortumik ataatsimeersuarnissamut. Ataatsimeersuarneq Atuarfik Samuel Kleinschmidtimi (ASK) pissaaq, sisamanngorneq maajip 26-ani nal. 19:00-21:15. Pisarneq malillugu oqaloqatigiinnerit, immersoqatigiinneq avitseqatigiinnerlu ingerlanneqassapput. Soorunami aamma naatsorsuutit akuerineqarnerat pissaaq, minnerunngitsumillu siulersuisunut ilaasortassanik qinersinerit. Sunniuteqaqataagit. Oqartussaaqataanitsinnut peqataagit. Siumut Nuuk – Siulersuisut

Siumut Aasiaat apriilip 30-ani ataatsimeersuarpoq. Ataatsimeersuarneq oqalliffiulluarsimavoq, siunissamut isigaluni suleqatigiilluarnerup aalluttuarnissaa inerisarnissaalu siunertarineqarsimalluni. Siuarsaanissaq, minnerunngitsumillu Siumut Aasianni – Qeqertalillumi tamaat – annerusunik anguniagaqarnissaq, innuttaasut timikkut tarnikkullu atugarissaarnerulernissaat eqqartorneqartunut ilaasimapput. Aajukulu malittarisassat malillugit siulersuisussatut qinerneqartut: 𝐒𝐢𝐮𝐥𝐢𝐭𝐭𝐚𝐚𝐬𝐨𝐪: Inunnguaq Reimer 𝐒𝐢𝐮𝐥𝐢𝐭𝐭𝐚𝐚𝐬𝐮𝐩 𝐭𝐮𝐥𝐥𝐢𝐚/𝐀𝐧𝐢𝐧𝐠𝐚𝐚𝐬𝐞𝐫𝐢𝐬𝐮𝐩 𝐭𝐮𝐥𝐥𝐞𝐫𝐬𝐨𝐫𝐭𝐚𝐚: Gaabannguaq Petersen 𝐀𝐧𝐢𝐧𝐠𝐚𝐚𝐬𝐞𝐫𝐢𝐬𝐨𝐪: Karl-Berthel Heininge 𝐀𝐥𝐥𝐚𝐭𝐬𝐢: Piitannguaq Storch 𝐒𝐢𝐮𝐥𝐞𝐫𝐬𝐮𝐢𝐬𝐮𝐧𝐧𝐠𝐨𝐫𝐭𝐮𝐭: Enok SandgreenBirgitte HeiningeKarl Lundblad𝐒𝐢𝐮𝐥𝐞𝐫𝐬𝐮𝐢𝐬𝐮𝐧𝐢 𝐬𝐢𝐧𝐧𝐢𝐢𝐬𝐨𝐪:Amalie Kuitsi

Siumut Qeqertarsuaq apriilip tallimaanni ileqquusumik ataatsimeersuarpoq. Ataatsimeersuarnermi malittarisassat malillugit ingerlanneqartumi uku politikikkut suleqatigiiffimmi siulersuisussatut qinerneqarput: Siulittaasoq: Larseeraq Berthelsen Siulittaasup tullia: Ole Tobiassen Allatsi/Aningaaserisoq: Ove Berthelsen Siulersuisuni ilaasortat: Jens Mølgaard aamma Mads Pavia Broberg Siulersuisunngortut sulilluarnissaanik kissaallugit pilluaqquavut, siulersuisuusimasullu sulilluarsimanerannik qutsavigalugit.

Paamiuni Siumut ileqquusumik apriilip sisamaani ataatsimeersuarpoq. Ataatsimeersuarnermi uku politikikkut suleqatigiiffimmi siulersuisussatut qinerneqarput: Siulittaasoq: Dorthe-Marie Mogensen-Fontain Siulittaasup tullia: Else Lundblad Mogensen Aningaaserisoq: Kunnak Lorentzen Allatsi: Arnajaraq Mogensen Peqatigiiffimmi ingerlatsisussat angusaqarluarnissaanik kissaappavut, siulersuisunullu ilaasortaasimasut qamannga pisumik qutsavigalugit.

Avannaata Qimussersua Kommune Qeqertalimmi siunissami ingerlanneqartarnissaa periarfissaajuaannartariaqarpoq. Avannaata Qimussersuanut tapiissutaasartut allanngortinneqannginnissaat Siumut gruppianiit kissaatigaarput All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq Avannaata Qimussersua Kommune Qeqertalimmi siunissami ingerlanneqartarnissaa periarfissaajuaannarnissaa Siumumit tapersersorparput. Qimussertarnerup siunissami kinguneqarnerusumik ataavartinnissaanut tapiissutit atorneqarsinnaanerinut oqaloqataarusuppugut, assersuutigalugu meeqqat qimussernermik annerusumik aallutaqalernissaat siunertaralugu. Piffissami matumani Kommune Qeqertalimmi tapiisarnermut ileqqoreqqusap tusarniutigineqarnerata nalaani siunissami peqatigiiffinnut,

Covid-19-imut paasissutissat kingulliit eqqarsaatigalugit Qasigiannguani innuttaasut minnerpaamik 53-it covid-19-imik tunillatsissimasut nunatsinni Nakorsaaneqarfimmiit uppernarsarneqarpoq. Taamaammat Qasigiannguani innuttaaqatigiiulluta tamatta mianersortariaqarpugut. All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq Qasigiannguani covid-19-imik tuniluunnerup siammapiloorsinnaanera pinaveersaarniarlugu pisortat innersuussutaat maleqqissaarneqassasut kaammattuutigerusupparput. Juulleriartornerani ilaqutariinnut innuttaasunullu aaqqissuunneqartartut ataatsimoorfiusut peqataaffiginngikkallarnissaat piffissami matumani isumatusaarnerussaaq. Qasigiannguani innuttaasut pisarnermisut innuttaaqatigiittut akisussaaqatigiinneq, ikioqatigiinneq, qanillinaveersaaraluarlunilu ataatsimoorussaqarneq anersaaralugu kaammattoqatigiittariaqarpugut.

Kommune Qeqertalimmi kommunalbestyrelsimi missingersuutit pillugit aappassaaneerinninnermi Siumut peqataavoq akuerseqataallunilu All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq Kommune Qeqertalimmi kommunalbestyrelse missingersuutit 2022-moortut aappassaaneerneqarput ulloq 30. november 2021. Missingersuutit pillugit aappassaaneerinninnermi ulloq 30. november 2021-mi kommunalbestyrelsimi partiit tamarmiullutik akuersineranni Siumut peqataavoq. Missingersuutit kommunalbestyrelsimi siullermeerlugit suliarineranni ulloq 30. september 2021 aallaqqaammut akuerseqataasimanngilagut. Siullermeerinninnermi nunaqarfinni ineriartortitsinissamut sanaartugassatigullu

Kommuneqarfik Nuuk nunatsinni illoqarfinni pingaarnersaq. Suut tamaasa akigalugit innuttaasuni kommuneqatigisanilu inuerunniarlugit anguniagaqarpoq, aningaasanik 20 millionilinnik allaat malittarisassat avaqqullugit ingerlatsilluni All.: Dorthe-Marie Mogensen-Fontain, Kommunalbestyrelsimi ilaasortaq, Siumut Innuttaasut paasissutissiissutit imminermut kisimik pitsaasut saqqummiukkaluaannartarlugit. Atorfilittat pisuutiinnarlugit sulianik. Akisussaaffimmik miloriussineq, akisussaaffimmik tigusiumannginneq kukkussutit ilinniutigiinnarlugit aammalu inoqatiminut upperinnittuunermut tunngavigalugu kukkunerusoq. Akisussaanerpaaq tassaavoq borgmesteri! Aningaasaqarnermut naalakkersuisuusimasoq akigiinnarlugu. Napparsimaveqarfiit kigutileriffiit angummassinnaanngillat maannamut.

All.: Jakob Petersen, Avannaata kommuniani Siumup Kommunalbestyrelsimi ilaasortaatitai sinnerlugit Naluneqanngilaq Uummannap aqutsiveqarfiani qaleralittassat angallataatilinnut aalisarneqartussat nungunneqarsimapput maannalu angallataatillit namminneq pisassanik pigisaqaraluarlutik aalisarsinnaanngillat Uummannap aqutsiveqarfiani angallataatilinnut pisassiissutit nungussimammata. Tamanna tunngavingalugu aalisarnermut naalakkersuisoq ukiup naanissaanut pisassiissutit ilasariaqarai avannaata kommuniani Kommunalbestyrelse-mi Siumut-p gruppea matumuuna allangaqarluni piumasaqarpoq. Maanna suli Uummannap sullua immarippoq aalisarnermullu periarfissarilluni tamatumalu aalisartunut atorluarnissaa pingaaruteqarpoq tassami

All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq 1. april 2022 aallarnerfigalugu ineqarnermut akiliut 10 %-nik qaffanneqassasoq ulloq 28. oktober 2021 kommunalbestyrelsip ataatsimiinnerani aaliangerneqarpoq, aamma 1. januar 2023 aallarnerfigalugu attartornermut akiliut 3 %-nik qaffanneqartussanngorluni. Inissiat akiinik qaffaaneq taamatut isikkoqartillugu Siumumit tapersersinnaanngilarput. Kommunip inissiaataanni INI A/S-imiit aqunneqartuni inissiat akiinik Siumumit qaffaarusussimannginnerput erseqqissaatigissavarput, pissakinnerit, akunnattumik isertitallit,

Sisamanngornerup oktobarip 28-ani 2021-ip unnuaanut Siumut Kommuneqarfik Sermersuumi kommunalbestyrelsi amerlanerussuteqartoq peqatigalugu missingersuutinut isumaqatigiissummut atsioqataavoq. Taamaasilluni partiip ukiuni sisamani tulliuttuni ineriartornerup sammivianut tikkuusseqataavoq. Innuttaasut qiteralugit ineriartortitsisoqarnissaa isumaqatigiissummi qitiutillugu ingerlatsisoqassaaq. Takuuk isumaqatigiissut uani. – Kommunalbestyrelsi nutaaq maajip sisamaani ukioq manna ivertinneqarmalli Siumup siunnersuutai arlallit kommunalbestyrelsimiit tamarmiusumit akuersissutigineqarput. Taamatuttaaq Siumup gruppia illuatungiliuttutut eqisimaarluni kukkussutit amigaatillu kisimik tikkuartortanngilai, kisiannili

Qasigiannguani Siumut immikkoortortaqarfia peqatigiiffilerisunut innuttaasunullu tamanut ammasumik unnuk oqalliffimmut aggersaavoq: Ulloq ataasinngorneq 25. oktober 2021 nal. 19.00-21.00 Qasigiannguit Katersortarfiata cafeteriaani. Unnuk oqalliffimmi oqaluuserisassat: Qasigiannguani Peqatigiiffilerineq qanoq killiffeqarpa? Qasigiannguani Peqatigiiffilerinermi unammilligassat periarfissallu suuppat? Qasigiannguani Peqatigiiffilerisut akornanni suleqatigiinneq qanoq ittoq pisariaqartinneqarpa? Qasigiannguani Peqatigiiffilerinermik suliaqartut siulersuisui tamaasa unnuk oqalliffimmut aggersarpagut. Kommunalbestyrelsimi ilaasortaq Aqqa Samuelsen unnuk oqalliffimmi peqataassaaq. Aggialluarnissassinnik

All.: Kommuneqarfik Sermersuummi Siumup gruppia Kommunalbestyrelsimut ilaasortat nutaat amerlasuut iserput, taassuma soorunami kinguneraa sorpassuit pulaffiginiagassat amerlasuut. Ingerlatsineq, aningaasaqarneq, suliat, siunnersuutit nutaat il.il. Taamaattumik pissangagalugu Siumumiit utaqqivarput missingersuutit isumaqatigiinniutigineqarnissaannut suliaq, tassani pingaartitatta naqissuserneqarnissaat angusinnaagatsigu aammalu kommunitta piujuaannartitsinermik toqqammaveqarluni ineriartortinneqarnissaanut peqataarusukkatta. Siumumiit piujuaannartitsinermik toqqammaveqarluni ineriartortitsinissaq kissaatigaarput, tassalu inissiat, suliffeqarneq aammalu inuuneq isumaqarluartoq pilersissallugu periarfissinneqarnissaq. Tassalu inuiaqatigiit sanarfineqarneranni

All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq Kommune Qeqertalimmi aalisartut piniartullu isumasioqatigiissinneqartariaqarput. Kommune Qeqertalimmi aalisarnikkut piniarnikkullu pissutsit ulluinnarni susassaqartunit isummersorfigineqarlutillu pilersaarusiorneqartariaqarput. Kommune Qeqertalimmi aalisartut piniartullu eqqarsaatigalugit inuussutissarsiornikkut ulluinnarnilu atugassarititaasut pitsanngorsarniarlugit iliuuseqartoqarnissaa pisariaqarpoq. Kommune Qeqertalimmi illoqarfinni nunaqarfinnilu puttasoqarnikkut, tunitsiveqarnikkut, neqitsersuiveqarnikkut, ammeriveqarnikkut umiatsianik iluarsaassiveqarnikkut, aammalu aalisarnermut piniarnermullu tunngatillugu ileqqoreqqusaqarnikkut pitsanngorsaanerit ingerlanneqartariaqarput. Ulluinnarni susassaqartut Kommune Qeqertalimmi

Siumut Nuuk ileqquusumik ataatsimeersuarpoq Illorpumi septembarip 11-ani. Ataatsimeersuarneq akunnerit sisamanik sivisussuseqartoq inuusuttuniit utoqqarnut takkussimasunut 35 missaaniittunut oqallilluarfiuvoq tunniusimaffiulluarlunilu. Erinarsorneq nereqatigiinnerlu ingerlallugit ataatsimeersuarneq ingerlanneqarpoq. Siulersuisut kingusinnerulaartukkut ataatsimeersuarnermi pingaartillugit suliassatut oqaluuserineqartut saqqummiukkumaarpaat. Siulersuisut nutaat siulersuisuusimasunut qujarujussuarput. Unamminertaqanngitsumik siulersuisut nutaat toqqarneqarput: Inga Dora G. Markussen, siulittaasoqKim Høegh-Dam, siulittaasup tulliaNikoline Ziemer, aningaasisoqMari Laursen, siulersuisunut ilaasortaqKirstine Davidsen, siulersuisunut ilaasortaqKristina Mørch

Illorput 11. september 2021 nal. 11.00 – 14.00. Brunchi, ataatsimeersuarneq nuannisaqatigiinnerlu!