Ippassaq ataasinngornermi maajip 23-ani 2022, Sermiligaameersoq Peter Nathanielsen ukiuni 25-ani ataannartumik qinikkatut sulisimanera ataqqinaaserneqarpoq.
Piitaq siullermik apriilip 8-ni 1997 qineqqusaaqqaarpoq. Taamani nunaqarfiup siulersuisuinut qineqqusaarluni Piitaq qingaalluni iserpoq. Kingorna nunaqarfiup siulersuisuinut nikerartunut sassartarsimavoq, kingullermik apriilip 6-iani 2021.
Inatsisartut illorsuani Siumup ataatsimiittarfiani malunnartitsineq nuannersumik ingerlanneqarpoq, Siumumi aaqqissuusaanermut siulittaasup tullia, Inga Dóra G. Markussen uppernarsaammik tunissuteqarluni. Piitaq ulluni makkunani Nunaqarfinni Aqutsisut isumasioqatigiissinneqarneranut atatillugu Nuummiittoq, ataqqinaammik ilaasortanngortinneqarpoq.
Siulittaasoq Erik Jensen aamma siulittaasup tullia Inga Dóra G. Markussen oqalugiaramik tamarmik oqariartuutigaat, Piitamut Siumut qujassutissarpassuaqartoq. Minnerunngitsumik qasusuilluni Sermiligaammi innuttaasunut Piitap sulisimanera pillugu aamma oqartussaaqataalluta ingerlatsinitsinnut tunniussaqarsimanerujussuanut.
Piitaq akissuteqarluni ilaatigut oqarpoq, suli suleqataanissaminut nukissaqarluarami ukiorpassuarni peqataanissani naatsorsuutigigini.
