Mala Høy Kúko, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Tasiilap eqqaanut tuttunik nuussisoqassagaluarpat qanoq nunatsinnut aningaasatigut naleqassagaluarpa?
- Tasiilap eqqaanut umimmannik nuussisoqassagaluarpat qanoq nunatsinnut aningaasatigut naleqassagaluarpa?
- Tasiilap eqqaanut ukallinik nuussisoqassagaluarpat qanoq nunatsinnut aningaasatigut naleqassagaluarpa?
- Uumasut pineqartut Tasiilap eqqaani uumaniutissaqarnissaannik misissuisoqarnikuua?
- Misissuisoqarsimappat kikkut qanga aamma sumi misissuisimappat?
- Misissuisoqarsimappat kikkut peqqussutaannik misissuineq ingerlanneqarnikuua? Kikkullu misissuinernut aningaasaliinikuuppat?
Tunngavilersuut:
Naalakkersuisut aamma kommuni ataatsimoorlutik inuutissarsiornikkut siuarsaaniarnermik siunertaqarlutik siunnissaqarnikuupput. Taamatut isummiussaqarnermik pinngitsoorneqarsinnaanngilaq tamanut piareersaasiornissaq. Aalisarneq aamma turisteqarneq kisimik isumalluutiginagu piareersaaffigineqartariaqarsorinarpoq nunami uumasut inuuniutigineqarsinnaanerannik periarfissanik ujaasinissaq. 1900 qiteqqunnerata kingorna tuttunik nuussisoqarnikuuvoq tasiilap eqqaani. 1980-kkut naalersut tuttut periarfeerunneqarput. Ulloq manna tikillugu nassuiarneqarnikuunngisaannarput qullersaniit tuttut sooq periarfeerunneqarnikuusimanersut.
Taamaammat paaserusunnarpoq nussisoqassappat qanoq naleqassanersut uumasut pineqartut pillugit.
Apeqquteqaatikka ulluni suliffiusuni qulit iluanni akineqarnissara kissaatigaara.