Jess Svane, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
1. Nunatsinni imermik nioqqutissiorniarluni suliffeqarfiit qassit qinnuteqarnikuuppat?
2. Suliffeqarfiit imermik nioqquteqarniarlutik qinnuteqarnikut nunaqavissut qassiuppat?
3. Akuersissummik pigisaqartuni qassit maannamut aallartereerpat, aallartissimasunilu nunaqavissut qassiunersut oqaatigineqarsinnaava?
Tunngavilersuut:
Ukiut arlalissuunngittut matuma siorna imermik nioqqutissiorsinnaanissaq aallaavigalugu nunatsinni piffiit assigiinngittut misissueqqissaareernerup kingorna imermik nioqqutissiorusussinnaasunut tamanut suliariumannittussarsiuunneqarput.
Maanngamut malunnaatilimmik nioqqutissiortoqarnera takujuminaappoq.
Kissaatigaara apeqquteqaatikka ullut suliffiusut qulit qaangiutinnagit akineqassasut.