Jess Svane, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Ilisimaneqarpa meerartaarusullutik pisortanut aningaasatigut tapiissuteqarfigineqarnissamut qinnuteqartartut qanoq amerlatiginersut?
- Ilisimaneqarpat qinnuteqaatit aningaasatigut nalingi qassiuppat?
Tunngavilersuut:
Ilisimavarput nunatsinni meerartaarusullutik Danmarkimut allanulluunniit misissortikkusullutik aningaasatigut ilungersuuteqarlutik periarfissarsiortartut. Ajoraluartumillu inatsisitigut aporfissaqartarmat qinnuteqaraluarnerit amerlasuut akuerineqarneq ajortut.
Kissaatigaara apeqquteqaatikka ullut suliffiusut qulit qaangiutinnagit akineqassasut.