Siumut Uummannaq ataatsimeersuarpoq

Siumut Uummannaq ataatsimeersuarnerminni siulersuisut nutaat qinerpaat, taakkulu ima inissipput: Siulittaasoq: Inuutersuaq-Ulloriaq Løvstrøm Siulittaasup tullia: Sakio Fleischer Aningaaserisoq: Elisabeth Nielsen Allatsi: Ilatsiaq Markussen Siulersuisuni ilaasortat: Peter Mathiessen aammalu Kim Olsvig Møller Siulersuisunngortut sapaatip akunnerata tulliani, uge 22-mi, siullermeerlutik ataatsimiissapput. Siulersuisunngortut nutaat suleriaqqinnissaminnut piareersimapput, innuttaasut nunallu siuarsarnissaanut ataatsimoorluta ingerlaqatigiissaagut, ataatsimeersuartut oqariartuuteqarput. Siumut Uummannaq sulilluarnissaanik iluatsitsilluarnissaanillu kissaapparput.

Borgmesteri imminut assortuuttumik oqaaseqarpoq nipangersimasussaanerlu unioqqutillugu

Ataasinngorneq 16. maaji Aningaasaqarnermut Inuussutissarsiornermullu Ataatsimiititaliaq ataatsimiippoq immikkoortut marluk matoqqasumik oqaluuserineqartussat oqaluuseralugit. Siumup piumasaraa immikkoortoq ammasumik oqaluuserineqassasoq, aalajangiinermi akileraartartut aningaasaataannut attuumassuteqartunik aalajangiinerni suut tamaasa innuttaasut soqutigalugillu ilisimanissaat pisinnaatitaaffigimmassuk. All.: Inga Dóra G. Markussen aamma Dorthe-Marie Mogensen-Fontain, Sermersuummi kommunalbestyrelsimut ilaasortat, Siumup gruppia sinnerlugu Tamanna borgmesterip kommunaldirektørillu itigartippaat. Akunnerup affaata missaa qaangiummat borgmesteri kommunip nittartagaani qaatsiartumik oqaaseqarpoq …

Siumut Nuuk ataatsimeersualerpoq

Siumut Nuuk ilaasortanut soqutiginnittunullu qaaqqusivoq, malittarisassat malillugit ukiumoortumik ataatsimeersuarnissamut. Ataatsimeersuarneq Atuarfik Samuel Kleinschmidtimi (ASK) pissaaq, sisamanngorneq maajip 26-ani nal. 19:00-21:15. Pisarneq malillugu oqaloqatigiinnerit, immersoqatigiinneq avitseqatigiinnerlu ingerlanneqassapput. Soorunami aamma naatsorsuutit akuerineqarnerat pissaaq, minnerunngitsumillu siulersuisunut ilaasortassanik qinersinerit. Sunniuteqaqataagit. Oqartussaaqataanitsinnut peqataagit. Siumut Nuuk – Siulersuisut

Kommunit Nakkutilliisoqarfiata aalajangiineri innersuussutaalu sumut iluaqutaappat

Piffissami sivitsortumi Kommuneqarfik Sermersuumi ineqarneq pillugu suliaq assigiinngitsuniit isornartorsiorneqartarpoq, kammeradvokatimiit, nakkutilliisoqarfimmiit, ingerlatsinermik misissuinermiit, il.il. taakkulu saniatigut aamma pissutit allat kommunip aningaasanik aqutsineranut attuumassutillit apeqqusernartumik tusagassiorfinniit sammineqarput. All.: Peter Davidsen, Sermersuummi Siumut gruppia sinnerlugu. Kommuneqarfik Sermersup kommunimi pisortaq Danmarkimi isimigut suliaritinneranut akiligassaq 22.000 koruuniusoq kommunip  akilersimavaa. Qulaani taaneqartut tunngavigalugit Nakkutilliisoqarfiup aalajangerneri innersuussinerilu nunatsinni Kommunit aqunneqarnerat pillugu …

Danmarki pitsaasuinnarmik nunasiaateqartuunngilaq

Danskit naalakkersuisuisa spiralilersuisimaneq pillugu nassuiaateqarnissaat Høegh-Damip piumasaraa. Politikeri isumaqarpoq, Inuiaat Inuit eqqorniarlugit inuiannik toqoraasoqarsimasoq, toqqortortoqarnanilu kusassaasoqassanngilluinnartoq naqissuserpaa Kalaallit Nunaanni inuusartut ikilisarneqarnissaat Danmarkip 1960-ikkunni 70-ikkunnilu sulissuteqarsimanerat DR nutaarsiassiivoq. Kalaallit Nunaanni innuttaassusikkut ineriartorneq killilersimatinniarlugu Nunarput pillugu ministeriaqarfik danskit nakorsaannut piumasaqarsimavoq, kalaallit arnartai tusintilikkaat spiralilersorneqassasut. – Danmarki pitsaasumik nunasiaateqartuunini saqqummersinniartarpaa, taamatulli oqariartuuteqartarneq eqqunngitsumik takutitsiniarneruvoq, DR-imi 21 Søndag takoreerlugu …

Kommuninik Nakkutilliisoqarfik akuliuttariaqalerpoq

Kommune Qeqertalimmi Borgmesterip oqaasiinnartigut qujasaasarnerpassui tusarluartaarutaannaat innuttaasut qinikkallu naammagiunnaarpaat. Pissutsit kusassarnagit iluarsisariaqartut unneqqarilluni nassuerutigineqartariaqalerput. Kusassaasoqarneratigut pissutsit piviusut iluarsisariaqartullu takkuitsoorneqassanngillat nassuerutigiumaneqaratillu. All.: Aqqa Samuelsen, Kommune Qeqertalimmi kommunalbestyrelsimi Siumut gruppiani siulittaasoq Innuttaasut amerlasuut kommunimut allakkatigut saaffiginnittaraluarlutik akissutisineq ajorput iliuuseqarfigineqassanatillu. Aamma kommunalbestyrelsimi ilaasortatut saaffiginnissutigineqartartut apeqquteqaatit oqaluuserisassatullu siunnersuutit tiguneqarneranilluunnit uppernarsarneqarneq ajorput, amerlasuullu iliuuseqarfigineqassanatik. Innuttaasuniit qinikkaniillu saaffiginnissutit qaapiaannartumik suusupagineqarlutillu kommunimi …

Aaqqissuussaanermut siunnersorti

Siumut aaqqissuussaanermut siunnersortimik sulisussarsiorput. Inuiaqatigiit ingerlaneranut politikimillu ilisimasaqarluartuussaatit, namminersuutigalugulu suliaqarsinnaaneq sungiusimassallugu. Siumup anguniagaanut siulersuisuunerillu suliassatut inissitsitigaannut suleqataalluarsinnaasaatit, assigiinngisitaartumillu suliaqarneq naleqqussarsinnaanerlu piginnaaneqarfigissavatit. Naammassisaqarsinnaassuseqarneq Siumup pingaartitaraa, piginnaaneqarnikkut inerisimasuuneq ilanngullugu. Kalaallisut, qallunaatullu allattariarsornikkut assigiimmik piginnaaneqarnissat pingaaruteqarpoq, tuluttut piginnaaneqarneq ilanngullugu. Suliassavit ilagaat immikkoortortaqarfiit sullisissallugit, politikinillu ineriartortitsinissaq siunertaralugu politikikkut suliniaqatigiiffittut inuiaqatigiittut oqaloqatigiinnitta ataavartumik ingerlanneqarnissaanik isumagisaqarnissaq. Siumup pingaartitai anguniagaalu avammut ilisimatitsissutigineqartarnerinut …

Suliffissaqarneq kiffaanngissuseqarnerlu

Siumup siulittaasuata, Erik Jensenip, sulisartut ulluanni SIK-p nalliussinerani oqalugiaataa. Siullermik Siumut sinnerlugu sulisartut ulluanni tamassi pilluangaaritsi – qujanarlu oqaaseqarnissannut maannga aggersarneqarsimagama. Siumup politikikkut suliniaqatigiiffittut tunngavimmisut isigai, inuiaqatigiit  ataqatigiissut,  ilatsiinnartuunngitsut,  eqeersimaartut,  imminullu napatinnissaminnut ingerlanissaannut aqqutissiuuteqataaffigissallugit. Minnerunngitsumik Nunatsinni  inuiaqatigiit  aningaasaqarnikkut  politikikkullu  nammineersut ilungersuutigiuarsimavagut, taamaammallu Inuiattut namminersulernissaq pingaartutut isigaarput. Tamannali pisinnaanngilaq tamatta suleqataanngikkutta. Taamaattumik suliffissaqarneq inuttut ataasiakkaattut kiffaanngissuseqarnermut …

Siumut Aasiaat ataatsimeersuarpoq

Siumut Aasiaat apriilip 30-ani ataatsimeersuarpoq. Ataatsimeersuarneq oqalliffiulluarsimavoq, siunissamut isigaluni suleqatigiilluarnerup aalluttuarnissaa inerisarnissaalu siunertarineqarsimalluni. Siuarsaanissaq, minnerunngitsumillu Siumut Aasianni – Qeqertalillumi tamaat – annerusunik anguniagaqarnissaq, innuttaasut timikkut tarnikkullu atugarissaarnerulernissaat eqqartorneqartunut ilaasimapput. Aajukulu malittarisassat malillugit siulersuisussatut qinerneqartut: 𝐒𝐢𝐮𝐥𝐢𝐭𝐭𝐚𝐚𝐬𝐨𝐪: Inunnguaq Reimer 𝐒𝐢𝐮𝐥𝐢𝐭𝐭𝐚𝐚𝐬𝐮𝐩 𝐭𝐮𝐥𝐥𝐢𝐚/𝐀𝐧𝐢𝐧𝐠𝐚𝐚𝐬𝐞𝐫𝐢𝐬𝐮𝐩 𝐭𝐮𝐥𝐥𝐞𝐫𝐬𝐨𝐫𝐭𝐚𝐚: Gaabannguaq Petersen 𝐀𝐧𝐢𝐧𝐠𝐚𝐚𝐬𝐞𝐫𝐢𝐬𝐨𝐪: Karl-Berthel Heininge 𝐀𝐥𝐥𝐚𝐭𝐬𝐢: Piitannguaq Storch 𝐒𝐢𝐮𝐥𝐞𝐫𝐬𝐮𝐢𝐬𝐮𝐧𝐧𝐠𝐨𝐫𝐭𝐮𝐭: Enok SandgreenBirgitte HeiningeKarl Lundblad𝐒𝐢𝐮𝐥𝐞𝐫𝐬𝐮𝐢𝐬𝐮𝐧𝐢 𝐬𝐢𝐧𝐧𝐢𝐢𝐬𝐨𝐪:Amalie Kuitsi …

Kiap Kalaallit Inuit-iunersut aalajangersassavaa

Nivi 19-inik ukiulik Canadami ilinniaqqikkusuppoq. Kisianni ullumikkut Canadami oqinnerusumik ilinniarnissaa akornusersorneqarpoq, tassa Nivi Danmarkimi innuttaassuseqarami uppernarsarsinnaanagulu kalaaliunini imaluunniit Inuiunini.   Taamaattumik Folketingimi ilaasortaq Aki-Matilda Høegh-Damip, Siumut, nunanut allanut tunngasunut ministeri Jeppe Kofod aperaa inuusuttut ilinniartut immikkut inuiaassusiat oqartussaasut sorliit uppernarsarsinnaaneraat.  ”Kalaallit tamarmik Danmarkimi innuttaassuseqarmata Canadami oqartussat uppernarsarsinnaanngilaat Nivik kalaaliussasoq – pappiliatigut qallunaajugatta.” Taamaattumillu maanna ajornartorsiuteqarpugut, …

Search
Scroll to Top