Siumut aaqqissuussaanermut siunnersortimik sulisussarsiorput. Inuiaqatigiit ingerlaneranut politikimillu ilisimasaqarluartuussaatit, namminersuutigalugulu suliaqarsinnaaneq sungiusimassallugu.
Siumup anguniagaanut siulersuisuunerillu suliassatut inissitsitigaannut suleqataalluarsinnaasaatit, assigiinngisitaartumillu suliaqarneq naleqqussarsinnaanerlu piginnaaneqarfigissavatit. Naammassisaqarsinnaassuseqarneq Siumup pingaartitaraa, piginnaaneqarnikkut inerisimasuuneq ilanngullugu.
Kalaallisut, qallunaatullu allattariarsornikkut assigiimmik piginnaaneqarnissat pingaaruteqarpoq, tuluttut piginnaaneqarneq ilanngullugu.
Suliassavit ilagaat immikkoortortaqarfiit sullisissallugit, politikinillu ineriartortitsinissaq siunertaralugu politikikkut suliniaqatigiiffittut inuiaqatigiittut oqaloqatigiinnitta ataavartumik ingerlanneqarnissaanik isumagisaqarnissaq. Siumup pingaartitai anguniagaalu avammut ilisimatitsissutigineqartarnerinut ataqatigiissaarisuussaatit, tamannalu Siumup iluani suleqataasut peqatigalugit ingerlanneqassasoq qulakkiissavat. Inatsisartunut ilaasortat, siulersuisuunerit, Ataatsimut siulersuisut immikkoortortaqarfiillu tamaasa ataqatigiissillugit suleqatigissagitit qitiulluni suliassaavoq.
Akissarsiaqarneq isumaqatigiissuteqarnikkut inississaaq.
Suliffimmut soqutiginnikkuit kingusinnerpaamik tallimanngorneq maajip 13-iani nal. 12:00 qinnuteqassaatit, uunga nassiullugu: siumut@siumut.gl