All. Inatsisartunut ilaasortaq Doris J. Jensen, Siumut, Avannaata qimussersuinut illersuisoq
Aasaq manna qimminut nerukkaatissat 30% miss. akitsorput aningaasanngorlugit 100kr. miss. akitsorput, qimuttunik qimmeqarfiusuni amerlasuunik qimmiutilinnut artukkiisumik. Kalaallit qimmii qimuttut ukiuni kingullerni silap pissusaata allanngornerani aammalu allat unammillernartut pissutaallutik ikiliartoreersut annertuumik ikileriaqqinnissaat ernumanartutut oqaatigisariaqarpoq.
Piffissami kingullermi kujataani savaatillit nerukkaatissanut aammalu naggorissaatinut 5 mio. kr.-ninik Naalakkersuisuniik tapiiffigineqarput.
Uani erseqqissaatigilara savaateqarnermik inuussutissarsiuteqarneq pingaaruteqarmat, taamatuttaaq qimuttunik qimmeqarfiusuni qimmit qimuttut inuussutissarsiornermi annertuumik piniartunik aalisartunillu isumalluutaapput.
Qimmeq qimuttoq ukiorpassuarni nunatsinni uumasuuvoq kultooritsinnut pingaaruteqarluinnartoq, taamaattumik Naalakkersuisut aammaarlunga kaammattussavakka qimuttunik qimmilinnut nerukkaatissat tapiissuteqaqqullugit.