Kalaallit politiivisa aningaasarsiaat pillugit isumaqatiginninniarnerit unittooqqapput, tamannalu pissutigalugu Folketingimi aningaasarsiaqarnermut siunnersuisooqatigiit eqqartuisussanngorput.
Taamak inissinneq pillugu folketingimut ilaasortaq, Aki-Matilda Høegh-Dam, akileraartarnermut ministeri, Jeppe Bruus Christensen, ataatsimeeqatigaa.
Kalaallit politiivisa Naalagaaffiullu isumaqatiginninniarnerisa uninnganerat pissutaalluni kalaallit politiivisa naligiinnerusumik sulisoqarnissaanik neriuuteqarnerat Siumumit Aki-Matilda Høegh-Damip tusaaneqarnissaat qulakkeerusuppaa.
– Isumaqatiginninniartut soorunami akileriillutik isumaqatiginninniassapput. Taamaattoq sumi inunngorsimaneq naapertorlugu akissarsiaqartitsisarnerup nalaani aalajangiunneqarsimasut iliuuseqarfiginissaat akisussaaffigaarput. Aalajangiunneqarsimasummi pissutaallutik naligiimmik isumaqatiginninniarneq isumaqatiginninniartunut ajornakusoorluinnarpoq, Aki-Matilda Høegh-Dam oqarpoq.
– Kalaallit politiivisa naligiimmik aningaasarsiaqarnissamik piumasarnerata itigartitsissutigineqarnera naammaginanngilluinnarpoq. Nunasiaataanermi ingerlatseriaatsit atuuttut malillugit sulisoqarniarnera pissutaavoq. Taamatut suleriaaseqartoqarnera arlalitsigut aseruinikuuvoq. Taamaattoq tamanna allanngortinneqarsinnaasoq sapinngikkipput nalunngilara, Aki-Matilda Høegh-Dam oqarpoq.