Qanittumi KNR Qanoruumi 13. juni 2013-mi aallakaatinneqartumi Aaja Chemnitz, Inuit Ataqatigiit (IA) sinnerlugit Folketingimi ilaasortaq, oqarpoq kalaallit inuusuttut Illersornissami ilaasarnissaat pisariaqartinneqartoq aamma illersornissaqarfiup ullua Nunatsinni eqquteqqinnissaa kissaatigalugu. Apeqquserneqarsinnaavorli IA-p folketingimi ilaasortaatitaata sunarpiaq anguniarneraa, tassami tunuliaqutini qajannarsisinniarmagu.
All.: Kuno Fencker, Siumut
Nutsigaq – Ungasinngitsukkut Nunanut Allanut Sillimaniarnermullu Ataatsimiititaliaq upalungaarsimanermik ilinniarfeqalernissaa pillugu ilisimatinneqarpoq, taanna Kangerlussuarmi pilersinneqassaaq. Naalakkersuisoqatigiinnut tamanut pingaartitarineqarpoq upalungaarsimanermik ilinniarnerup kalaallit inuiaat pisariaqartitaat, oqaasii aamma kulturiat tunngavigissagai. Taamaattumik Erfalasutta atornissaanut periarfissaqarpoq aamma inuusuttut piffissaq ungasinnerusoq eqqarsaatigalugu ilinniagartik Nunatsinnut iluaqutaasumik atorsinnaassagaat.
Chemnitzilli siunnersuutaani sakkutooqarneq annertusarneqassaaq aamma oqaluttuarisaanerup ataqatigiinneranut Nunatta Danmarkimik nunasiaateqarneranik akuersaarani. Nunarput inuiaqatigiittut sorsussimanngilaq. Sakkulersorfiunikinnissaa upperaarput aamma innuttatta isumannaatsumik inuuneqarnissaat saassusserusussuseqarata qulakkiissallugu kissaatigaarput. Taamaattorli IA-p folketingimi ilaasortaatitaata nunasiaatillit eqqarsartaasiat siuarsarusuppaa kalaallit sakkutuujusussaatitaanermut ilaatilerlugit qallunaat erfalasuat kiffartuullugu, taassuma kingunerisinnaavaa qallunaat soqutigisaat sorsuutigisinnaagaat kalaallit atugarissaarnerat pinnagu.
Nunatsinnut pingaaruteqarpoq Nunatta nammineq oqartussaanerata attatiinnarnissaa aamma innuttatta soqutigisaannik neriuutaannillu pingaartitsilluni. Taamaattumik Siumut isumaqarpoq tamanna anguneqarsinnaasoq issittumi piginnaasanik annertusaanermi isumaqatigiissut najoqqutaralugu upalungaarsimanermik ilinniarfeqarnikkut.
Aamma maluginiagassaavoq IA-p folketingimi ilaasortaatitaata oqaaseqarnera sakkutooqarnermik annertusaanera qanoq nammineq partiimi isumaanut akerliutigisoq, aamma naalakkersuisut maanna suliniutaanik qajannarsisitsisuusoq. Tamanna imminut assortuisoq erseqqissoq aamma partiimi ataasiussusermut akerliutigisoq Mute Bourup Egedep uppernassusia qajannarsisiinnanngilaa, Chemnitzilli tunngavippiaanik aamma qulalersitsivoq. Ilumut kalaallit atugarissaarnerat ernumagaa imaluunniit soqutigineruaa Danmarkip soqutigisaanik sunniiniaanera? Iliuusaata takutippaa kingulleq pineqartoq.
Nunatta naalagaaffinngoriartorneranut siuariartorneq aamma kinaassutsip immikkut ittup pigiinnarnissaa ajoquserneqanngisaannassaaq. Chemnitzip sakkutooqarnikkut peqataanerulernissaanik ersarissaanerup sakkortusaaneruvoq Nunatta sapinngisaq tamaat atorlugu pinngitsoorniagassaa. Nunarput sapinngisaq tamaat naalagaaffimmut tunngasunik paasisimasaqarluarneq atuinissamik kaammattuisariaqarpoq, sorsunnissamik oqallorissaarneq annertusaanerlu pinnagit.