Nunarsuarmioqataanerup sorlaa tassaavoq – niuernikkut, sulisoqarnikkut, ilinniartitaanikkut, kulturikkut aningaasanillu paarlagiiaaqatigiinneq, nunat assigiinngitsut akornanni aningaasaqarnikkut eqaatsumik ataatsimoorussiartuinnarneq ilutigalugu. Taamaammat tamatuma siunissami tunngaviujartuinnarnissaa pingaaruteqaleriartuinnarnissaalu naatsorsuutigisariaqarparput.
Nunarsuarmioqataanerup unamminartuujuarnissaa aningaasaqarnikkullu assigiinngitsutigut eqquisinnaanera allanngornavianngilaq. Taamaammat aqqutissat pingaartut makku, tassalu sulisut piginnaanngorsartuarnissaat suliffeqarfiillu annerusumik aningaasanik kaaviiaartitsisinnaanissaat nukittorsartuartariaqarpagut.
Taamaammat Siumut nunarsuarmioqataaneq pillugu suleriaasissamik pilersaarummik suliaqassaaq taamatut iliornikkut nunatta soqutigisai aallaavigalugit aqqutissat pilersinneqassammata.