Nutsigaq – Marlunngornermi statsministerimut Mette Frederiksen Folketingssalenimi apeqqarissaarneq pivoq. Siumumiit Aki-Matilda Høegh-Dam siulliulluni aperivoq, paasiniarlugu kalaallit Inuit Danmarkimiittut inatsisitigut isumannaatsuuneq qanoq isumannaarneqassanersoq.
“Qanoq suleqatigiittoqarsinnaava, kalaallit Inuit inatsisitigut isumannaatsuuneq annaakunnaarsillugu aammattaaq meeqqagut kinaassutsiat, piorsarsimassusiat oqaatsillu ataavaarnissaannut isumannaarnissaq angerlarsimaffiup avataanut inissiisarnermut atatillugu?”, Aki-Matilda Høegh-Dam taama aperivoq.
Peqatigiiffik Mentor Immanuelip Siumut Folketingimi eqqumaffigeqqoreermagu, meeqqat angerlarsimaffiup avataanut inissiisarneri Danmarkimi amerlasut, Siumut Folketingimi aningaasanut inatsit pillugu isumaqatigiinniarnerit aqqutigalugit aningaasaqarnermut 2021-imi qulakkeerpaa misissuisoqassasoq, kalaallinit meeqqat Danmarkimi angerlarsimaffiup avataanut inissiisarneri. Danskit atugarissaarnermut misissuisartoq VIVE nalunaarusiaq akisussaaffigaat, suliassaraalu suliat suliarineqarsimasut misissussallugit, meeqqat kalaallit ilaqutariinniit Danmarkimi sumi pinngitsaaliissummik arsaarinninneqarsimasut.
Nalunaarusiami uppernarsineqarpoq, malunnartumik kalaallit meeqqat Danmarkimi angerlarsimaffiup avataanut inissiisarneri annertusoq. Naalakkersuisoqatigiit tunngavissaani allaqqavoq kalaallit, namminersornerit, kinaassuseq, oqaatsit piorsarsimassuserlu suleqatigiinnermi ataqqineqassasut.
Statsministeri Mette Frederiksen akivoq, pingaaruteqartoq immikkut ittumik oqaatsinut tunngasut pissutsit qitiutinnissai.
”Inissiinermi angajoqqaat suleqatigilluarnissaanik ujartorneqassaaq” Mette Frederiksen akivoq, Aki-Matilda Høegh-Damip apeqqutaanut qujalluni.
Statsministerip Aki-Matilda Høegh-Dam isumaqatigaa, uparuarmagu kalaallit meeqqat Danmarkimiittut kamassaarineqartartut racelu tunngavigalugu immikkoortiterineq pisartut.
“Ileqqutoqaavoq. Suleqatigiilluta isumannaassavarput kikkut tamarmik Naalagaaffeqatigiinnermi eqqortumik pineqarnissaat ataqqineqarnissaallu. Tusarpara meeqqat kalaallit Nunaanniit Danmarkimi efterskolerlut race tunngavigalugu immikkoortitsineq misiginikuugaat. Maani suliassaqarpugut”, statsministeri Mette Frederiksen taama oqarpoq.
Piffissami aggersumi aningaasanut inatsit pillugu isumaqatigiinniarnerit pissapput, Aki-Matilda Høegh-Damip qilanaarivaa.
Kisianni Aki-Matilda Høegh-Damip ministeriaqarfiit misilitttagaqarfigai, danskit atorfillit sukkasuumik akisussaaffitsik puigortarai, kalaallinullu innuttaasunut. Taamaattumik Aki Matilda Høegh-Damip paaseruppaa Mette Frederiksen qanoq eqqarsaateqarnersoq, qanoq tamanna ministeriaqarfiinnut allanut ingerlanneqassanersoq.
Mette Frederiksen akivoq:
“Naalakkersuisut nutaat aningaasanut inatsisissatut siunnersuut suli saqqummiunngilaa. Kisianni isumannaarusupparput kikkut tamarmik, aamma nunat avannarlerni ilaasortaatit aggersarneqarnissai, aamma ministerianiit allaniit”
Aki-Matilda Høegh-Damip aajuna qisuariarnera statsministerilu Mette Frederiksenilu apeqqarissaarneq kingorna:
”Naak aningaasanut inatsisissatut siunnersuut suli saqqummiunneqanngitsut, ministeriat arlallit eqqartorneqarput, oqaaseqartartut assigiinngitsut aggersarsimavai isumaqatigiinniarnermi aningaasartuutissanut inatsinnut tunngatillugu. Maannamut taamaallaat isiginnaartutut aggersarneqarpugut Socialministeriap isumaqatigiinniarneranut. Taamaattumik misissussamaarpara ministeriat allat eqqaamassagaat, uagut aamma isumaqatigiinniarnerit allanut pisussanut aggersarneqassasugut.”