All.: Anders Olsen, Inatsisartunut ilaasortaq
Kommune Kujallermi nannuttassat sisamaasut ukioq nutaaq aallartilaaginnartoq tamakkerneqareerput. Taamaammat nannuttassat eqqarsaatigalugit immikkut ittumik pisassiisoqarnissaa assut kissaatiginarpoq.
Piniartut oqariartuutigaat sikorsuit siulliit takkusimaarneranni nunatta kujataa assut nanoqartoq, taamaammat aasap tungaanut suli nannut ingerlaartuarallarnissaat naatsorsuutissaammat pisassat amerlineqarnissaat piniartut assut kissaatigivaat.
Sikuni aammalu kangerlunni nannut tumerpassui takussaapput, taamaammat nunatta kujataa nersutaateqarfiunerata saniatigut aamma umimmaat Nanortallip kangiani ittut navianartorsiortinneqarsinnaanerat aarleqqutigineqarsinnaasoq piniartut oqariartuutigaat.
Taamaammat nunatta kujataani nannuttassat amerlineqarnissaat pisariaqarpoq, taamatuttaaq aamma ukiuni aggersuni nannuttassiissutigineqartartut amerlineqarnissaanik sulisoqartariaqartoq isumaqarlunga.