All.: Lars Poulsen, Inatsisartunut ilaasortaq
Naalakkersuisoqatiginnermi Siumup pingaartillugu suliaasa ilaat ullumi naammassineqarnera Aningaasaqarnermut Naalakkersuisup, Siumullu siulittaasuata, Erik Jensenip saqqummiuppaa.
Iluaqusersorniakkatsinnut aaqqissuuseqqinnermi alloriarneq siulleq tiguneqarpoq aamma inuit tigusartagaannut aaqqissuusseqqinneq malitseqaqqittussaq siulleq tiguneqaannarani tullinnguuttut ilagaattaaq akileraarusersueriaasitta pisariillisarneqarnissaa aamma suliassatsinnut ilaammat.
Akissaatitigut assigiinnginnerujussuup iliuuseqarfigineranut, alloriarnerup siulliup piviusunngortinnissaa Siumup pingaartutut isigisimavaa, tassami sulisartut tamaviaarlutik naammattusaaginnavik ingerlasut, anersaartorfeqarnissaanut alloriarneq siulleq pivoq.
Siumumit illersukkatta qitiusut ilagaat sulisartut, uanilu isertitakinnerit akunnattumillu isertitallit pineqarput.
Taakku maanna 360 millionit nalinganut nuussivigineqarnissaat Inatsisartuni suliarineqartussanngorpoq, 2025-miillu atuutsinneqalerluni.
Isumaqatigiissut tamarmiusoq uani atuarsinnaavat: https://siumut.gl/wp-content/uploads/2024/03/Akileraartarneq-Isumaqatigiissut-Marts2024.pdf