Ikerasaarsunni unnuk nuannersoq

Unnussiuaaqatigiinneq ataqqinaammik ilaasortanngortitsinernik imalik qanittukkut Ikerasaarsunni ingerlanneqarpoq

Februaarip 20-ani Ikerasaarsunni Siumut katersortarfimmi katerisimaartitsivoq, nuannersumik unnussiuaarnerup saniatigut ataqqinaammik ilaasortanngortitsinermik imalimmik.

Katersortarfimmi unnuk nereqatigiinnermik aallarteriarluni kingorna unnussiuaarneq peqatigiinnerlu kaffi, tii, ulitat kinguleqqiutsillu assigiinngitsut sallaalliutigalugit ingerlanneqarpoq.

Ukiorpassuarni Siumumi suleqataasimasut ataqqinaammik ilaasortanngortinneqarputtaaq. Taakku tassaapput Jørgen Inusugtoq, Paulus Filemonsen aamma Dorthe Inusugtoq.

Tamaasa qamannga pisumik pilluaqquagut, inuiaqatigiinnilu oqartussaaqataanitta nukittorsarlugulu suleqataalluarsimanerannik qutsavigalugit.

Siumut Ikerasaarsunni ukiorpassuarni qasujuilluni siulittaasuuvoq Ruth Filemonsen.