Aslak W. Jensen, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqutit:
- Naalakkersuisut arnarlunniartarnermut tunngatillugu nalunaarut atuuttoq naapertorlugu agguaasisimappat?
- Taamaattoqarsimanngippat suna peqqutaava?
- Nalunaarut atuuttoq susassaqaqatigiit peqatigalugit ukioq ataasingajak atorlugu suliarineqarsimavoq. Siunertaasut ilagaat, inuussutissarsiutigalugu arnarlunniartut salliullugit agguaassivigineqartalissasut.
- Tamanna pisimava?
- Taamaanngippat, suut pissutaappat?
- Aalisakkat killersugaaneri pissutigalugit Naalakkersuisut pissusissamisoortutut isigaat, inussutissarsiutigalugu ukioq naallugu aalisartut salliutinneqassasut?
- Taamaanngippat sooq?
Tunngavilersuut:
Nipisanniarnermut nalunaarut 2021-imi suliarineqarpoq, susassaqartut qanimut peqataatillugit. Tassani akuerineqarpoq inuussutissarsiutigalugu arnarlunniarsinnaanermut akuersissutit aallaqqaataaninngaanniit agguaateqqinneqartassasut. Tunngavilersuutigineqarpoq, inuussutissarsiutigalugu aalisartut qulakkeerunneqassasut.
Pisassiissutinik aalajangersaannginnermi susassaqartut ilanngullugit tusarniaavigineqartassasut isumaqatigiissutigineqarpoq.
Taamaakkaluartoq januaarip aallaqqaataani 2022 Naalakkersuisuniit agguaassisoqaannarpoq. Aalisartut ataasiakkaat qanoq inuussutissarsiornerminnut inissisimanerat agguaasisimanermi tunngavigineqarsimanngitsutut immat, tamanna sunik pissuteqarnersoq paaserusuppara.
Suliffiusut ullut qulit iluanni akineqarnissara naatsorsuutigaara.