Allattoq: Siumut Folketingip allattoqarfia
Siumut Folketingimi allattoqarfik sapaatip akunnerani matumani ulapaarluartoqarpoq. Allattoqarfimmi assigiinngitsunik ataatsimeeqateqartoqarpoq, Folketingimilu ilaasortaq Aki-Matilda Høegh-Dam Folketingip oqallittarfiani aamma oqalliseqataalluni.
Ataasinngormat arlaleriarluni ataatsimeeqateqarpoq, ilaatigut ICC-imit Kuupik Kleist ataatsimeeqatigalugu.
Aki-Matilda Høegh-Dam Folketingip oqaluttarfiani oqalugiarpoq marlunngormat, tassani nunanut allanut tunngasunut ministerik Issittoq pillugu nassuiaataa eqqartorneqarpoq.
Aki-Matilda Høegh-Damip oqaluttarfimmit oqaatigaa, Issittumi naalagaaffiit aallartitatut toqqarneqarsimasoq kalaaliunngimmat imaluunniit nunap inoqqaajuinngitsoq, tamannalu naammaginnilaa.
“Kunngeqarfeqarnerani Issittumi naalagaaffiit aallartitaat, Issittumi sinniisussaq, suliarineqartussaagaluarpoq Issittumit najugalimmiit, tassaalluni Naalakkersuisut ataaani”, Aki-Matilda Høegh-Damip oqalugiartarfimmit uparuaavoq.
Pingasunngornermi pissanganartunik aamma suliaqarpoq. Kalaallit Nunaat pillugu ataatsimiititaliami immikkut eqqartorneqartoq tassaavoq Kalaallit Nunaata nunanut allanut tunngasunut kiisalu illersornissamut politikkia. Ataatsimiititaliami pineqartumi Aki-Matilda Høegh-Dam siulittaasuuvoq.
Akunnermi ataatsimi sivisutigisumik ataatsimiittoqarpoq, ilisimasallit pingasut saqqummiillutik.
Poorskip tungaanut Siumut Folketingimi suliassarpassuaqarpoq.
Kirkeminister Ane Halsboe-Jørgensen aamma akileraartarnermut ministeri Jeppe Bruus, tamarmik Socialdemokratineersut, ataatsimeeqatigissavai. Aamma partiit siulittaasuisa oqallinneranni, qaammatip matuma naanerani pisussami, oqalliseqataassaaq.