Allattoq: Siumut Folketingip allattoqarfia
Danskit aningaasanut inatsisissaannut Folketingimi Siumup ilaasortaatitaa Aki-Matilda Høegh-Dam isumaqatiginninnialeruttorpoq.
Danskit naalakkersuisuinut piumasaqaateqarpoq. Atuakkiornermut, oqaluttuarisaanermut, kulturimut tunngasumut, kalaallisut atorneqarnussanut, aningaasaqanermut inatsisissamut isumaqatiginninniarnernut, aningaasaleeriaatsinut, suleriaatsinut tunngassuteqartunut inuussutissarsiornermullu tunngasunik isumaqatiginninniuteqarpoq.
Kalaallit Nunaannut kiisalu Savalimmiunut aningaasaqarnermut inatsimmut isumaqatiginniniuseriaatsip allanngortinnissaa kissaatigaa. Isumaqatiginninniarnerit immikkut ingerlanneqartarnissaat anguniarpaa, tassunga pissutaavoq akisussaaffiit amerlanerusut Kalaallit Nunaannut attuumassuteqarmata. Maannakkut isumaqatiginninniutigineqartartoq tassaavoq Kalaallit Nunaat aamma Savalimmiut 30 millioner koruunit.
Danskit aningaasaqarnermut ministeriannik Nicolai Wammenimik isumaqatiginninniaqateqassaaq.
Suliarpassuit saniatigut Aki-Matilda Høegh-Dam aamma Siumup Folketingimi allattoqarfia ulappupput.
Partiimmi siulittaasuisa oqallinneranni aamma oqalliseqataavoq.
Folketingip oqaluttuarfiani Aki-Matilda Høegh-Damip erseqqissaaqqippoq iluarinngikkaa Kalaaleq imaluunniit Inuk toqqarneqarsimanngitsoq, issittoq pillugu aallartitap atorfissaa.
“Ullumikkut eqqartukkasi tunngavigalugit innuttaasut illersornissaannut, kikkut tamat oqartussaaqataanerat pingaarnerpaat akornaniittussaagaluarput, tamatta immitsinnut tapersersoqatigiissinnaassagaluarpugut, taamaaliornikkummi aatsaat tassa ataatsimooqatigiinnerusinnaagaluarpugut” Aki-Matilda Høegh-Dam oqalugiaatimini uparuaavoq.
Sisamanngormat oqalugiaqqippoq, sulinermit avatangiisinit inatsit Kalaallit Nunaanni siunnersuut allanngortinnissaannut atatillugu oqalugiaqqippoq.
Taamalu Siumup Folketingimi ilaasortaa ullut pingasut atatiinnarlugit oqaluttarfianiippoq. Partiit siulittaasui oqallinneranut, aningaasaqarnermit inatsit atatillugu siullermeerlugu oqallisigineqarneranut aammattaaq sulinermit avatangiisinit inatsit Kalaallit Nunaanni siunnersuut allanngortinnissaannut atatillugu oqalugiarpoq.
Piffissami aggersumi Aki-Matilda Høegh-Dam angalangaatsiassaaq, aammattaaq Kalaallit Nunaannukassaaq.