Folketingimi praktikerit

Politik soqutigiviuk? Inatsisartunut ilaasortaq sullinnissaa takorloorsinnaaviuk? Allattariarsornermi paasiniaaqqissaarnerlu pikkoriffigivigit? Christiansborgimi sulinissaq pilerigaajuk? Taava Siumut Folketingimi praktikertunngorsinnaavutit.

Ilisimatusarnermut atatillugu praktikernissamut qinnuteqarit upernaamut imaluunniit ukiamut 2022, Folketingimilu misilittakkanik katersillutit.

Kalaaleq Folketingimi ilaasortaq Aki-Matilda Høegh-Dam, Siumut, qanimut suleqatigissavat.

Atorfik:

Christiansborgimi praktikertutut Aki-Matilda Høegh-Dam allaffimmiullu pingasut allattoqarfianeeqataassaatit. Praktikernerni pingaartipparput misilittagaqalernissat piginnaasatillu ineriartortinnissai siunissami atorluarsinnaasassannik.

Politikip silarsuaani ulluinnarni ulapinnarsinnaasarpoq. Suliassavillu ilagissavai politikinik ineriartortitsineq, paasisassarsiorneq, siunnersuineq, folketingimi ilaasortaq oqallinniaraangat imaluunniit ataatsimiinniaraangat ikiornissaa piareersarnissaalu.

Piumasaqaatigaarput:

Ingerlaqqittumik ilinniagaqartuunissat inuaqatigiilerinermut imlt. humaniorami, taavalu praktikernerit ilinniarfinniit meritsinnassutigisinnaassagit. Ulapaarfiusumi piumasaqaateqarfiungaatsiarsinnaasumilu sulerusussuseqarsinnaanissat deadlinillu naapertorlugit sulisinnaanissat. Nammineerlutit sulisinnaanissat taavalu suliannik apeqqusersuillaqqissuunissat. Pitsaaqutaavorlu aaqqissugaalluartumik sulisinnaanissat ulapaarfiusumilu suliatit tamaasa ataatsimut isigisinnaassagitit.

Neqeroorutissaraagut:

  • Praktikerfissaq pissanganartoq pissarsiaqarnartorlu februar/august aallartinneraniit juli/januar naanissaata tungaanut imlt. isumaqatigiinnikkut.
  • Politikimut tunngasut ilikkarnissai, atuaannarnermi anguneqarsinnaanngitsunik.
  • Ilinniagarnut tunngasut tunngavigalugit sulinissat piginnaasatillu ineriartortinnissai.
  • Politikimi siunnersortit pikkorissut suleqatiginissai tamatumuunalu attaveqaatinik nalunngisaqalernissat.
  • Neqeroorutigaarput semestereq siumut takorloorneqarsinnaanngitsunik imalik – assersuutigalugu tassanngaannaq qineqqusaartoqalersinnaanissaa.
  • Inuiaqatitsinnut allanngueqataallutit suleqataanissat.

Qinnuteqaat (apeqqutillu) allattoqarfimmi pisortamut nassiutissaaq, suinni.johansen@ft.dk, kingusinnerpaamik decemberip 20, 2021 upernaamut qinnuteqaruit, kingusinnerpaamillu juunip 15, 2022 ukiamut qinnuteqaruit, qinnuigaarpullu uku ilanngutissagitit:

  • Qinnuteqaasiorninnut kajumissaarinerit (annerpaamik qupperneq ataaseq).
  • Ilinniarnermut uppernarsaat karakterillu.
  • CV (Innersuutit aamma ilanngunneqarsinnaapput).

Eqqaamallugu:

Nunatsinniit ilinniartutut pisinnaatitaaffeqaravit aningaasat tungaatigut tapertinnissamut nunani allani praktikerusukkuit, taamaattumik kajumissaarpatsigit ilinniarneq pillugu ilitsersuisoq attaviginissaa imlt. uani takullugit www.uni.gl.