Naajaat aamma Nutaarmiut pisiniarfeqalernissaat pillugu apeqquteqaat

Doris J. Jensen, Inatsisartunut ilaasortaq

Inatsisartut suleriaasianni  §  37 imm. 1 naapertorlugu Naalakkersuisunut apeqqut imaattoq matumuuna saqqummiuppara:

Naalakkersuisunut apeqqut:

  1. Upernaviup eqqaani nunaqarfiit Naajaat aamma Nutaarmiut KNI-ip ataani pilersuisoqarfiit pisiniarfillit assigalugit pisiniarfeqalernissaanut Naalakkersuisut suliniuteqarpat?
  2. Suliniuteqartoqarpat qaqugu pisiniarfeqalernissaat naatsorsuutigineqarpa?

Tunngavilersuut:

Ukiuni arlaqalersuni nunaqarfiit qulaani taaneqartut pisiniarfeqalernissaat noqqaassutigineqartarpoq suliniutigineqarlunilu, nunaqarfiit aalisartoqarfissuupput inuilu nunaqarfinnut allanukarlutik aatsaat inuussutissanik pisariaqartunillu allanik pisiniarsinnaasarput tamannalu qaangerniarlugu siusinnerusukkut suliniutaasartut sumut killinnersut paaserusuppara aamma qaqugu pisiniarfeqalernissaat naatsorsuutigineqarsinnaanersoq.

Apeqquteqaatikka ulluni suliffiusuni qulit iluanni akineqarnissara kissaatigivara.