Ataatsimiititaliaq Inuit-ni siulittaasoq oqaaseqartariaqarpoq

Kommune Qeqertalimmi 21 millioninik sippuisoqareersorlu Ataatsimiititaliaq Inuit-ni siulittaasoq oqaaseqartinneqanngimmat pissusissamisoorsorinngilarput. Taamaammat Ataatsimiititaliaq Inuit-ni siulittaasoq saqqummerluni nassuiaasariaqarpoq

All.: Aqqa Samuelsen, Kommune Qeqertalimmi kommunalbestyrelsimi Siumup gruppiani siulittaasoq

Kommune Qeqertalimmi missingersuutinik 21 millioninik sippuineq suliassaqarfimmi Inuit-ni pivoq. Sippuineq taama imaannaanngitsigisoq Ataatsimiititaliaq Inuit-ni siulittaasup oqaaseqarnissaa pisariaqartipparput.

Missingersuutinik sippuinermi Ataatsimiititaliaq Inuit-ni siulittaasutut isumai paasineqartariaqarput.

Borgmesterip Ane Hansenip, qinikkat aningaasanik atuivallaartoqarsimasinnaaneranik kommunalbestyrelse aggustusimi ilisimatissimallugu oqarpoq.

Tamanna Ataatsimiititaliaq Inuit-ni siulittaasup uppernarsartariaqarpaa, ilumut Ataatsimiititaliaq Inuit-ni ilisimatitsisoqarsimanersoq. Missingersuutinik sippueratarsinnaanermi Ataatsimiititaliaq Inuit ilisimatinneqartarsimanersoq siulittaasup tunngavilersorluni nassuiartariaqarpaa.