Mala Høy Kúko, Inatsisartunut ilaasortaq
Inatsisartut suleriaasianni § 37 imm. 1 naappertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
- Naalakkersuisut Tasiilami efterskolemik nutaamik pilersitsissappata qanoq akeqarnissava?
- Naalakkersuisut pilersaaruteqarpat Tasiilami arlaannik ilinniarfissamik sulissuteqarnissaannik?
Tunngavilersuutit:
Kalaallit nunatsinni efterskolenik suliaqartoqarnikuuvoq. Kisiannili nunatta kangiani sanasoqarnikuunani. Tasiilami inuusuttut nuna qimanngikkaluarlugu efterskolersinnaanerat ukiorpassuarni apeqqutigineqartuaannarnikuuvoq innuttaasuniit. Taamaammat Naalakkersuisut taama ittumik suliaqartitsissagaluarpata qanoq akeqarnissaanik paasissutissanik pissarsinissaq pingaartillugu apeqqutigaara.
Apeqqutit akineqarnissaat ullut suliffiusut qulit iluini kissaatigaara.