Anders Olsen Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
- Nunatta inuiattut timersornikkut unammersuartarfissaanik pilersitsinissaq siunertaralugu suleqatigiissitap suliai Naalakkersuisut saqqummiutissallugit pilersaarutigaat?
Tunngavilersuutit:
Inatsisartut ukiaanerani 2019-imi ataatsimiinneranni oqaluuserisassani immikkoortumi 32-imi aalajangiunneqarpoq Naalakkersuisut Fifa-p piumasaqaataanut naapertuuttumik nunatta inuiattut timersornikkut unammersuartarfittaarsinnaaneranut avataaniit aningaasalersuisoqarsinnaaneranik misissuisussamik suleqatigiissitamik pilersitsissasut, taassumalu kingorna Inatsisartunut inatsisartut ukiaanerani 2020-imi ataatsimiinneranni periarfissanik saqqummiussissasut.
Apeqqutit akineqarnissaat ullut suliffiusut qulit iluini kissaatigaara.