2018-mi silaannakkut Uummannap Upernaviullu eqqaani helikopterimik angallanneq pillugu tusagassiuutit aqqutingalugit allagaqarpunga, taamani Bell 212 taartumi angalasinnaajunaarnikuummat. Maanna pingajussaat tusagassiuutit aqqutingalugit allakkamik ingerlatitseqqippunga.
All: Sakio Fleischer, kommunalbestyrelsimi ilaasortaq, Avanaa
2022-mi helikopterit nutaaliat EC 155 atulermata sivisuumik angallanneq kinguaattoortarnera pillugu aammaarlunga tusagassiuutit aqqutingalugit allagaqarpunga.
Maanna pingajussaat tusagassiuutit aqqutingalugit allakkamik ingerlatitseqqippunga.
Siorna 2023 aamma ukioq manna 2024 aallartinnerani Uummannap eqqaani silaannakkut helikopterimik angalaneq kipiluttunartumik kinguaattoornermik angalasussanut annertuumik eqquisaarpoq. Februar qaammataata ingerlanerani helikopter sivisuumik teknikikkut akornuteqarluni kinguaattoornerit amerlasuut pipput, ilaatigut eqqorneqartut ilangisarpaat nakorsiartussat, suliaritikkiartortussat aammalu allat suliaqarlutik sulinngiffeqarlutillu angalasussat.
Soorunami angallanneq isumannaatsumik ingerlanissaa tamanit qulliusuniit pingaartinneqartoq nalunngilara aammalu Air Greenland-imiit aamma Naalakkersuinikkut tamanna pingaartikkaat. Kisianni 2018-miit 2024-mut helikopterimik Uummannamiit Uummannamullu kinguaattoornerpassuit angalanissanillu taamaatitsinerpassuit nalaanneqartuarput. Sikusartumiilluni siku akunnassinerani angalaffigineqarsinnaanngikkaangat angalasussat helikopterersinnaanngikkaangata Ilulissaniit Qaarsunut Dash 8 angalasussat unitsiinnarneqartarput. Immaatillugulu “angalasussat” Uummannamiit billetseqareerarluarlutik namminneerlutik umiatsiamik Qaarsunukartariaqartarput allanut ingerlaqqinnissartik qulakkeerniarlugu, aallallu mallersorsuaq timmisartumut angumersiniarlutik angalasariaqartoqartarpoq umiatsimik.
Ullumikkut Uummannamut Uummannamiillu pissutsit taamaapput. Uummannap eqqaani nunaqarfinniit illoqarfimmut angalaneq tamatigut aamma tunulliunneqartarput ullullu arlallit tikinneqarsinnaassannatik.
Kiffartuussineq taamaattoq ingerlaannarsinnaanngilaq taamaattumik Air Greenlandip qullersaa aammalu angallannermut Naalakkersuisoq suliarisariaqarpaat kiffartuussinerup ajunngitsumik ingerlanneqarnissaa.
Eqqaanngitsoorusunngilaralu amerlanerpaani inuttussutsikkut inissisimaneq tunngavingalugu tunulliussinertut ittumik ingerlasoqartarnera angalanissanillu taamaatitsiinnartarneq avannaani isorliunerusunilu malunnartarmat.
Ilungersortumik oqartussat qinnuingerusunnarput pissutsit ilungersunartut pillugit eqqartuisariqartut, naammanngilarmi ullorparsuarni ilaanni nikeriarsinnaasannginneq. aallallu imaasumi mallersorsuaq timmisartumut angumersiniarlutik mittarfimmut angalasariaqartartut.