Nunatsinni ajunaarnersuarnut upalungaarsimajuarnissarput pisariaqarluinnarpoq, upalugaarsimanermut ataatsimiititaliarsuup ingerlalluarnissaa pisariaqarpoq aammalu suleqatigiinnermi tassani inuiaqatigiinni pisariaqartut tamarmik peqataatinneqassapput. Timmersartut umiarsuit ajornaarnerini, nunamik ikuallattoornermi, illorsuit ikuallarujussuarnerini allatigullu ajunaarnersuarnut periusissat peqqissaartumik suliarineqarsimassassapput. Inuttaasullu peqataatinnissaannut periusissiat innuttaasunut ingerlaavartumik paasissutissiissutigineqartassapput.Â
Nunatsinni upalugaarsimanikkut periusissiap naleqqussarlugu nutartertuarnissaa Siumup sulissutigiuassavaa. Nunatsinni inuutaasut tamarmik sumiluunniit najugaqarunik toqqissisimallutik inuunerminnik ingerlatsinissaat qularnaarneqarsimajuartariaqarpoq.
Nunatsinni upalugaarsimanermut aqutsisoqarfik nutaamik aaqqissuteqqinneqassaaq susassaqarfiit tamaasa peqataatillugit.
Upalugaarsimanermi akisussaaffilersuinerit pisussaaffilersuinerillu tamarmik ajunngitsumik paasiuminartumillu aalajangersarneqartassapput.
Upalungaarsimanermi suliaqartut toqqissisimanartumik, akissaatitigullu naleqquttumik suliffeqartutut inissisimasoqalernissaa anguniarneqassaaq.
Nunami imaanilu mingutsitsinermi sillimaniarnermut pikkorissartuarnissaat, atortorissaarutitigullu malinnaajuarnissaat.
Takornariaqarnerup annertusiartornera malillugu umiarsuit takornariartaatit upalu-ngaarsimanikut annaassiniarsinnaanikkullu pitsaasumik sullinneqartuarnissaat ineriartortinneqassaaq.
Innuttaasut qaammarsaaffigineqartuarnissaat imaani nunamilu ajutoornaveersaartitsinermut tunngatillugu ingerlaavartunngortinneqassaaq.
Qatserisartoqarneq
Nunarput tamakkerlugu innuttaasut tamarmik Nunaqarfimminni Illoqarfimminnilu toqqissisimallutik ulluinnarni inuunerminnik ingerlatsinissaat qulakkeersimaniarlugu Nunatsinni qatserisartoqarnerup inatsisitigut ersarissumik tunngaveqartumik aammalu qatserisartutut inissisimanerup apersuuserneqarsinnaajunnaarlugu aaqqiiviginissaa Siumup sulissutigeqqinniarpaa, taamaattumik:
Nunatsinni qatserisartunut ilinniarfik aammalu annaassiniartarnermut ilinniarfik ataatsimoortillugit ingerlanneqarsinnaasunngorlugit Kangerlussuarmi pilersinneqassapput. Taamatullu aamma upalugaarsimanermi suliassaqarfiit isumagisassallu ilanngullugit ilinniartitsissutigineqartassapput.
Sinerissami qatserutitigut atortorissaarutit ullutsinnut naleqquttut Nunaqarfinni Illoqarfinnilu tamani pigineqarnissaat.
Meeqqat atuarfiini ilinniarfinnilu tamani ikiueqqaarnermut, annikitsunillu qatserinermut tunngasunik paasisitsiniaanerit ilinniartitsisarnerillu ingerlanneqartassapput.