Tunumi pissutsit pillugit ersarissumik oqariartuuteqartut tusaavagut, iliuuseqarniarpugullu

Tunu pillugu akerliussutsimik takutitsinerit taamaallaat sumiiffimmi naammagittaalliuutaannaasutut isigineqassanngillat – politikikkut ersersitsineruvoq,  suli najugaqarfigisatta akornanni naligiinngitsumik ineriartortoqarneranik isigisaqartugut.

All.: Vivian Motzfeldt, siulittaasoq

Innuttaasut isummernerminnik ersersitsisut ataqqivagut. Siunnerfimmik saqqummiussineq sapiissuseqarnermik takutitsivoq, aamma ersersinneqarpoq innuttaasut akornanni akisussaaffimmik tigusinissamut piareersimasoqartoq oqartussaaqataanerpullu uummaarissuusoq.

Oqariartuut ersarippoq: Kalaallit Nunaat ataatsimut ineriartortinneqassaaq, aamma innuttaasugut tamatta – sumi najugaqarneq apeqqutaatinnagu – periarfissanik naligiinnik periarfissaqassasugut. Pisortat kiffartuussinerannut atuinseruppat imaluunniit inuunitsinnut siunissatsinnullu peqataatinneqarnissatsinnut tunngasuuppata tamarmik assigiissillugit.

Naalakkersuinikkut akisussaaffik uatsinniippoq. Nunarput tamakkerlugu tusaaneqarnissaq qulakkiissavarput aamma ataatsimut siunissatsinnut peqataatitsinissaq ilusilersueqataaffigerusupparput. Tusarnaarpugut – iliuuseqarniarpugullu.

Apeqqut una sammineqartussanngortissimagassiuk tamassinnut qujanaq.