Siumup malittarisassat naapertorlugit ileqquusumik ukioq manna ataatsimeersuassaaq, tamannalu Qasigiannguani pissasoq Siumup siulersuisuunerisa aalajangerpaat.
Ataatsimeersuarneq pissaaq ulluni 28., 29. aamma 30. Juli 2023.
Angalanissat anguniakkallu nutarterneqartussat ulluni makkunani piareersarneqartut siulittaasoq ilisimatitsivoq.
– Qularutiginngilara Siumup ataatsimeersuarnissaa pissanngatigineqarlunilu soqutigineqarluassasoq. Taamaattumik ataatsimeersuarnissatsinnut qilanaarpugut, aammalu neriulluta tamatuma tungaanut ataatsimoorluta tamatta suleqatigiilluta pisussaq ajunnginnerpaamik piareersaateqaqatigiiffigalugu ingerlaqatigiikkumaartugut. Iluatsillugulu Siumut Qasigiannguit piareersarnermut annertuumik ingerlataqarneranut qujassuteqarfigerusuppara. Qularutiginngilarput peqatigiinnissarput nuannersumik pissarsiaqarnartumillu ingerlallugulu naammassiumaaripput, Siumup siulittaasua, Erik Jensen oqarpoq.