Siumup naalakkersuinikkut siulittaasup tullia, Vivian Motzfeldt, Siumup Inatsisartuutitaasa politikikkut oqaaseqartartorilerpaat
Inatsisartut ukiakkut ataatsimiinnerat aallarnerlugu Siumup inatsisartuni gruppia inississorpoq. Inississornermilu Siumup siulittaasuata tullia, Vivian Motzfeldt, politikikkut oqaaseqartartussatut toqqarneqarpoq.
Politikikkut oqaaseqartartoq politikikkut tunngaviusumik isummerfigisariaqakkanik oqaaseqartuusarpoq. Taamaattumillu politikikkut oqaaseqartartuuneq Siumumi qitiulluinnartut ilagaat.
Siumup inatsisartuni gruppiata inississorluni ataatsimiinnerani gruppip siulittaasua Jess Svane ingerlaqqippoq. Gruppip siulittaasua, Siumup inatsisartuni ulluinnarni sulinerani, qitiusumik inissisimasuuvoq.
./. Siumup inatsisartuni gruppiata inississornerat aamma Siumup inatsisartuutitaasa Naalakkersuinikkut oqaaseqartartuuffiisa nutarterneqarnerat kakkiussami takuneqarsinnaavoq. Qulequttani oqaaseqartartuuffinni Inatsisartunut ilaasortat inersuarmi qulequttanut oqaaseqartartuuffimminni oqaaseqartuusassapput, taamatuttaaq tusagassiortunut oqaaseqartarnissaq ilanngullugu.