Tamat oqartussaaqataanerat pingaartippiuk? Politikkikkut sulinermi ilisimasaqarpit misilittagaqarlutillu? Politikkikkut ulapaarfiusumik avatangiiseqarlutit sulerusuppit? Taava immaqa Siumumi partiimut allatsitaarisinnaavatsigit.
Siumumi partiip allattaanerata, partiit piusut aaqqissuulluagaanerpaartaani nunatsinni Naalakkersuinikkut ileqqut pinngorarfiunerpaartaani, anguniakkat ataatsimeersuarnermi siunniunneqartut piviusunngortissallugit sulinermi allaffissornertaatigut siuttuuffissaraa.
Partiip allaffeqarfiata ingerlannerata saniatigut partiip allattaanerata makku suliassarivai:
– partiip siulersorneqarnerani ulluinnarni aqutsisut siunnersuisuuffigissallugitt, taamatuttaaq siulittaasumik ingerlaavartumik isummersuissalluni.
– Siulersuisuunerit ataatsimiinnerinut oqaluuserisassanik piareersaaneq, aalajangikkanillu malitseqartitsinissaq
– Inatsisartunut ilaasortat allaffissornikkut ingerlatsinermilu pitsaasumik isumassorneqarnissaat qulakkiissallugu
– Immikkoortortaqarfiit ataatsimullu siulersuisut ingerlaavartumik peqataatinneqarnissaat paasissutissinneqartuartarnissaallu qulakkiissallugu
– partiip ataatsimeersuarneri naapinnerillu allat aaqqissuutissallugit
– Partiip avammut kiinnertarnera tusagassiutitigoortittarneralu nukittorsassallugit
– suleqatinik attaveqaqateqarluarneq pitsaasoq qulakkiissallugu
– suliassanut ataasiakkaanut takkuttunut aammalu ukiumoortumik suliassanut attaveqaqatigiinnermullu periusissiap timitalernissaanut akisussaasuuneq
Makkuninnga piginnaaneqassasutit naatsorsuutigaarput:
– Suliassanut naleqquttumik ilinniagaqarsimanissaq
– suliffeqarfimmik siuttuunermut misilittagaqarnissaq, suliffiullu suliffigiuminartuunissaanik pilersitsisinnaaneq
– periusissiornermut pikkorissuunissaq
– aningaasanik ingerlatsinermik misilittagaqarnissaq
– oqaluttariarsornikkut allattariarsornikkulu piginnaasaqarluarnissaq
– suliffiup iluani qaffasissumik ileqqorissaarnissaq, sulingaatsiartarsinnaanermullu piareersimanissaq
– inuttut sunniuteqarluarsinnaanissaq
Kalaallisut akunnattoornak oqalussinnaanissat, aammalu sulianut naapertuuttumik ilinniagaqarsi-massasutit aammalu partiip politikkianik ilisimasaqarluarnissat naatsorsuutigaarput. Kalaallisuune-rusoq, allattariarsornikkut oqaluttariarsornikkullu, sulissaatit. Taamaattumik kalaallisut allattariar-sornikkut piginnaasaqarluarnissat naatsorsuutigineqarpoq. Isumagissaartuunissat pingaartippar-put, suleqatikkuminartuullutit aammalu nammineersinnaassuseqarlutit sulianik aallartitsisinnaa-nissat naatsorsuutigaarput.
Aningaasarsiat piginnaasat aallavigalugit neqeroorutigineqassapput, atorfinititsinerlu atorfillit pillugit inatsimmik tunngaveqassaaq.
Atorfininnermut atatillugu inissiamik tunniussisoqarsinnaanngilaq.
Qinnuteqaammik, CV-mik allanillu paasissutissanik kingusinnerpaamik tallimanngorneq juunip 25.-at 2021 nalunaaqutaq 12.00 partiip siulittaasuanut Erik Jensenimut nassiussisimassaatit emailimut: ERJEN@ina.gl
Qinnuteqartut sapaatip akunnerani 26-imi oqaloqatigineqarnissaat naatsorsuutigineqarpoq, atorfininnermullu isumaqatigiissut juunip naanerani atsiorneqarnissaa naatsorsuutigineqarpoq.
Â
Paasisaqarnerorusukkuit partiip siulittaasua Erik Jensen sianerfigisinnaavat oqarasuaammut: (+299) 53 04 08
Paasissutissat Siumumut tunngasut www.siumut.gl-imi takusinnaavatit