Siumut Folketingimi allatsissarsiorpoq

Politikkikkut suliaqarneq soqutigaajuk? Akisussaassusilimmik soqutiginartunillu suliaqarnissamik anguniagaqarpit? Taamaappat suleqatigilersinnaavatsigut!

Folketingimi sulineq pissanganartoq Siumut Folketingi aqqutigalugu suliffigilersinnaavat. Tassani Folketingimut ilaasortaq Aki-Matilda Høegh-Dam qanimut suleqatigineqassaaq, Siumup Folketingimi allaffeqarfiani suleqataassallutit. Folketingimut ilaasortap allaffeqarfiullu sulineranni ataqatigiissaarisutut suliaqartassaatit. Suleqatit misilittagaqarluartut suleqatigineqassapput, politikkikkullu sulinermi malinnaaqataallutillu sulianut assigiinngitsunut immersueqataasassaatit.

Suliffik
Siumut Folketingimi inuiaqatigut kalaallit ullut tamaasa kiffartuuttarpagut. Allatsitut suliassanik ataqatigiissaarisassaatit, suliassat ilaatigut ukuussapput:

  • Siumut Folketingimi allattoqarfiani sulianut assigiinngitsunut suleqataaneq.
  • Folketingimi ilaasortap sullinneqarneranut suliassat, soorlu ukununnga: ullut pisussaqarfiit nakkutigalugit, sulianut assigiinngitsunut attaveqaataasoq, ataatsimiinnissanut piareersaanerit kiisalu allaffissornikkut suliassat assigiinngitsut suliarineqartassapput.
  • Suleqatit suliaannik ikiuineq.
  • Suliffik tamanut nikerarsinnaasuuvoq pissanganartuullunilu.

Ilinnut tunngassut
Suliassanut assigiinngitsunut suliaqarnissamik soqutigisalik ujartorparput. Aamma uku suleqatissatsinnut naatsorsuutigaagut:

  • Suliffimmut tulluartumik ilinniagaqarsimanissaq, ingerlaqqiffiusumiulluarsinnaavoq.
  • Kalaallisut danskisullu oqalussinnaasoq.
  • Politikkimik soqutigisaqartoq.
  • Sullarissoq aamma sulianut assigiinngitsunut tunniusimasoq.
  • Suliassanik ujartuisinnaasoq immersueqataasinnaasorlu.
  • Ulluni ulapaarfiusuni sukkasuumik suliaqarsinnaasoq.

Qinnuteqarneq atorfininnerlu
Qinnuteqaat kiisalu atorfimmut tunngasunik apeqqutit Siumut Folketingimi allattaaneranut Suinni L. Johansenimut nassiunneqassapput uunga: suinni.johansen@ft.dk

Qinnuteqaasiaq annerpaamik qupperneq ataasiussaaq, misilittakkallu allattorsimaneri, ilinniarsimanermut uppernarsaatit immaqalu innersuussutit kingusinnerpaamik decemberip 29. Nunatta nalunaaqutaa malillugu nalunaaqutaq 20.00 nassiunneqareersimassapput.

Atorfik pillugu oqaloqatiginninnerit sapaatip akunnerani siullermi 2022 ingerlanneqassapput. Oqaloqatigeereernerup kingorna piaartumik sulilernissaq naatsorsuutigineqarpoq.

Piffissaq tamakkerlugu suliffiuvoq, suliffiit nikerarsinnaasarsinnaanerat eqqumaffigineqartariaqarpoq.

Piginnaasat aallaavigalugit akissarsiaqartitsisoqassaaq.