Inatsisartunut ilaasortaq Jess Svane, Siumut
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Qeqertarsuaq angallavik ilaasoqarluartartoq inoqarfimmullu iluaqutaasoq qularnanngitsumillu aningaasarsiornikkut imminut akilersinnaasoq unitsinneqarmat Naalakkersuisut qanoq nalilerpaat?
- Ukiakkut pisortat tapigaannik angallavik ingerlaannartussaavoq Politikkikkut aalajangerneqarnikuummat. Apeqqummut 1-mut atatillugu Naalakkersuisut nalilersuinissamut pissutissaqalersinneqarnerlutik?
Tunngavilersuut:
Angalatitsivik Arctic Umiaq Line nalunaarpoq aasaanerani angallavik ilaasoqarluartartoq Qeqertarsuaq unitsittariaqarlugu pissutsit assigiinngittut tunngavigalgit. Ilaatigut sulisunut ulapinnarpallaaqimmat. Taamaattumik naalakkersuisut qanoq pilersaaruteqarnersut paasissappulu soqutiginarpoq.
Kissaatigaara apeqquteqaatikka ullut suliffiusut qulit qaangiutinnagit akineqassasut.