Anders Olsen, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Kommune Kujallermi timmisartoq napparsimasunik angallassisartoq atorneqaraangat Narsarsuaq matoqqatillugu ammaqqaarneqartarnera ukiumut agguaqatigiissillugu qanoq aningaasartorfiusarpa?
- Peqqinnissaqarfik Kujataaniit napparsimasut sulisullu Narsarsuakkoorlutik peqqinnisarsaqarfinnut allanut ingerlasarneri qanoq naleqarpat?
- Narsarsuarmiit Peqqinnissaqarfik Kujataanut iisartakkanik assigisaanillu assartuisarnera agguaqatigiissillugu qanoq naleqarpa?
- Peqqinnissaqarfik Kujataaniit peqqinnissaqarfinnut allanut misissugassatut ingerlateqqitat Qaqortumeersut timmisartoqarfimmut Narsarsuakkooqaartariaqartarneri qanoq sivisutigisarpa?
Tunngavilersuut:
Kommune Kujallermit nukinginnartoqartillugu timmisartoq atorlugu napparsimasumik angallassiffiusarpoq. Paaserusuppara Narsarsuup mittarfia matoqqagaangat ammaqqaarneqartariaqartarnera, qanoq napparsimaveqarfimmit aningaasartuutaasarnersoq.
Agguaqatigiissillugu ullumikkut akiliutigineqartartoq ukioq manna maannamut angallassisarsimanernut tunngateqquneqarpoq.
Ilanngullugu paaserusuppara piffissaq qanoq annertutigisoq atoqqaartariaqartarnersoq angallassinissap pilersaarusiornissaannut Narsarsuullu ammarneqarnissaannut.
Ullut qulit iluanni akissutisinissara pissasoq naatsorsuutigaara.