Jess Svane
Inatsisartut suleriaasianni § 37, imm. 1 naapertorlugu matumuuna Naalakkersuisunut imaattumik apeqquteqassaanga:
Naalakkersuisunut apeqqutit:
- Angajoqqaanut pikkorissaanernut MANU-mik taaneqartunut kikkut neqeroorfigineqartarpat?
- Angajoqqaat qassit pikkorissaanernut ukkununnga ukiumut peqataasarpat:
a. MANU 0-miit 9-nik qaammatilinnut?
b. MANU 1-miit 2-nut ukiulinnut?
c. MANU 3-miit 4-nut ukiulinnut?
d. MANU 5-miit 6-nut ukiulinnut?
e. MANU Imigassamut pikkorissaanernut?
f. MANU Aanaakkunnut/Aataakkunnut?
g. MANU Innuttaasunut ataatsimiititsinernut?
h. MANU Angajoqqaanut ataatsimiititsinernut?
i. MANU Hash? - Illoqarfinni/nunaqarfinni sorlerni MANU angajoqqaanut pikkorissaanerit neqeroorutigineqartarpat?
- Pikkorissaanerni peqataaneq nammineq kajumissutsimik aallaaveqarpa?
- Angajoqqaat ikiaroornartumik aammalu/imaluunniit imigassamik atornerluinermik ajornartorsiuteqartut MANU Hash amma MANU Imigassaq pillugu pikkorissaanernut neqeroorutinut peqataanissaannut qanoq iliuuseqartoqarpa?
- Ilaqutariinni ajornartorsiortuni meeqqat angerlarsimaffiup avataanut inissinneqarnissaat kommuniniit periarfissatuatut atorneqannginnissaa pillugu Naalakkersuisut qanoq qulakkeerinninniarsarippat?
- Meeqqat pillugit nalunaaruteqartoqaraangat, meeqqat angajoqqaaminniit avissaannginnissaat piniarlugu kommunit qulakkeerinninniarlutik iliuuseqarsinnaappat?
Tunngavilersuutit:
Angajoqqaat ilaqutariinni ineriartortinneqarnissaat qulakkeerniarlugu pikkorissaanerit aaqqissuussinerillu assigiinngitsorpassuit pilersinneqarnikuupput. Pitsaasumik siunertaqartumik iliuutsit amerlasinnaapput, taamaattoq atorneqanngikkunik inuiaqatigiinni allannguinissaq anguneqarsinnaanngilaq. Taamaattumik uannut soqutiginarpoq paasissallugu pikkorissaanerit qanoq akulikitsigisumik atorneqartarnersut.
Ullut qulit suliffiusut iluanni akineqarnissara kissaatigaara.
(Inatsisartunut ilaasortaq Jess Svane, Siumut)