Kultorerput innarlerneqalerpoq – Inooriaaserput nerisaqariaaserpullu innarlerneqalerput – Ukiussamut pilisarneq neqissaqarniarneq innarlerneqalerput!

Upernaaq nunatta kangianeersugut nuannaarutigeqisatsinnik Inatsisartunut ilaasortat Naalakkersuisooqatigiinneersut ilaat qilalugartassat ukioq mannamoortut ilaneqarnissaannik oqariartuuteqarnera tigulluarparput. Piniarnermut naalakkersuisulli neriunneq tamanna allanngortilluinnarpaa.

Piniarnermut naalakkersuisup Inuit Ataqatigiinneersup uannut akissutaani ilaatigut erserpoq nunatta kangiani qilalugartassanik ilasisoqarnani ikilisaasoqarnissaanik Naalakkersuisut pilersaaruteqartut. Tamanna nunatta kangiuneersuusugut ernumassutigaarput. Ulluinnarnimi inuuniarnitsinnut qilalugaq qernertaq pingaaruteqartorujussuuvoq, minnerunngitsumillu kultooritta qangarsuaaniilli attassimasatta piuinnartinnissaanik ulorianartorsiortitsilluni.

Maanna Naalakkersuisooqatigiilersut partiivisa qineqqusaarnerminni siuttunngortunik qilalugartassat ingerlatiinnartumik amerlineqarnissaanik neriorsuisaqattaarput, ilaatigut imaasiallaanarluni qilalugartassiisoqarsinnaasoq qineqqusaarutiginikuuaat. Naalakkersuisooqatigiit inatsisartuutitaat upperissavarput? Imalt. Naalakkersuisut? Nunatta kangianeersuusugut toqqissisimassagutta Naalakkersuisooqatigiit ataatsimik oqariartuuteqartariaqarput. Qineqqusaarnermi qineqqusaarutit asuli neriorsuutaannaappat?

Siumumiit isumaqarpugut nunatta kangiani qilalugartassat ikilineqanngilluinnartariaqartut, illua tungaanili amerliartortinneqartariaqartut. Taamaattumik Piniarnermut naalakkersuisoq kaammattorparput piaartumik nunatta kangiani piniartut peqatigalugit qilalukkanik kisitseqqissaarnerit ingerlanneqarnissaannik pilersaarusiortariaqartoq. Taassumalu tungaanut Politikkikkut aalajangiisoqartariaqartoq pisassat ikilineqannginnissaanik.

Siumumiit piumasaraarput qilalukkanut qernertanut pisassiissutit nunatta kangianoortut aappaagortinnalu ikilinnginnissaannik naalakkersuisut aalajangiisariaqartut, tamannalu piaartumik avammut nalunaarutigineqartariaqartoq.

Naalakkersuisunik suleqateqarnissarput qilanaaraarput, Naalakkersuisullu pisariaqartitsigunik saaffiginnissinnaanissaannut Siumumi ammavugut.

I foråret udtalte en af Koalitionspartiernes medlem af Inatsisartut, til stor glæde for os der kommer fra Østgrønland, at kvoten til dette års fangst af Narhval vil blive forhøjet markant. Det har vi selvfølgeligt budt mere end velkommen. Naalakkersuisoq for fangst slukkede glæden hurtigt.

Naalakkersuisoq for fangst fra Inuit Ataqatigiit har i sin svar til en mine §37 spørgsmål, at Naalakkersuisut ikke har nogen planer om at forhøje kvoten for fangst af narhval i Østgrønland, tværtimod vil man nedtrappe kvoten til nul. Det vækker stor bekymring  for os i Østgrønland. For narhvalen spiller en betydlig rolle i vores hverdage, ikke mindst for bevarelsen af vores ældgamle kultur.

I valgkampen lovede flere kandidater fra den nye koallition IA og Naleraq, at lige så snart de overtager ledelsen af landet, vil de forhøje kvoten på fangst af narhval og da det nemt kan beslutte forhøjelse kvoten. Hvem skal vi så tro? Koallitionsmedlem af Inatsisartut eller Naalakkersuisut? Borgere fra Østgrønland har brug for entydigt stemme for at de ikke skal være bekymret for ikke at miste deres kultur. Er det eksempel på valgløfter som ikke holdes?

Kvoten på fangst af Narhval i Østgrønland skal ikke justeres ned, tværtimod burde man øge kvoten til acceptalbelt niveau. Derfor opfordrer vi Naalakkersuisoq for fangst, at igangsætte nye dataindsamlinger samarbejde med fangere i Østgrønland og biologer. Naalakkersuisut bør beslutte at man mindst fastholder den nuværende kvote, indtil nye data er indsamlet.

Vi kræver at der tages beslutning om at nuværende kvote indtil videre fastholdes og proklameres hurtigst muligt.

Vi vil med glæde være åben for samarbejde, for at løse problemet sammen med Naalakkersuisut.