Siumup siulittaassuata takusinnaanngilaa KNI-p ataatsimeersuarnissaata kinguarsaqqinneqarnissaa pissutissaqartoq
KNI A/S pilersuisutut najugaqarfinnut amerlasuunut annertuumik pingaaruteqarpoq. Pingaartumik nunaqarfinni pisisartut taakkuupput allanut naleqqiullugit eqqorneqarnerpaajusinnaasut, KNI-mi aningaasaqarnikkut iliuuseqartoqarsimappat, sullissinissamik isumaqatigiissummut ataqatigiissinneqarsinnaanngitsunik.
Piffissami kingullermi KNI-mi pisut, inunnut tunngasut minnerunngitsumillu suliffeqarfiup pigisaasa nalinginik uukapaatitsiniarnertut pissusilimmik naatsorsuutinik kusanarsaarinernut tunngasut pisimanerarneqartut, namminermi patsisaasinnaatitsinngillat ataatsimeersuarnissamut aggustusimi ingerlanneqartussaasumut kinguartitsinissamut.
Pingaaruteqartoq tassaavoq KNI suliffeqarfittut toqqissisimanartunik ingerlaqqissinnaanissaa, aamma aqutsisunik nutaanik inissiisoqarnissaa, tamarmik siusinnerusukkut pisimasut kingunerisaattut. Suliffeqarfiup tukattumik inississasorinarneranit ingerlaqqillutik aqutsisut aaqqissuuteqarsinnaassuseqartussat.
Kinguartitsineq aaqqiinermik kinguneqarnavianngilaq, kisianni imaassinnaalluni KNI pisariaqanngitsumik ajortumut inissisimanissaanut kinguartiterineq sakkortusaataasinnaasoq. Taamaattumik Siumumit piumasarineqarpoq Naalakkersuisut KNI-p ataatsimeersuarneranik kinguarsaaqqigatik ingerlatsissasut, aamma aqutsisunik piginnaasaqartunik ivertitsillutik piginnittut – inuiaqatigiit – iluarisinnaasaannik tatigisinnaasaannillu pilersitsissasut.