Nivi 19-inik ukiulik Canadami ilinniaqqikkusuppoq. Kisianni ullumikkut Canadami oqinnerusumik ilinniarnissaa akornusersorneqarpoq, tassa Nivi Danmarkimi innuttaassuseqarami uppernarsarsinnaanagulu kalaaliunini imaluunniit Inuiunini.
Taamaattumik Folketingimi ilaasortaq Aki-Matilda Høegh-Damip, Siumut, nunanut allanut tunngasunut ministeri Jeppe Kofod aperaa inuusuttut ilinniartut immikkut inuiaassusiat oqartussaasut sorliit uppernarsarsinnaaneraat.
âKalaallit tamarmik Danmarkimi innuttaassuseqarmata Canadami oqartussat uppernarsarsinnaanngilaat Nivik kalaaliussasoq â pappiliatigut qallunaajugatta.â
Taamaattumillu maanna ajornartorsiuteqarpugut, nunanut allanut tunngasunut politiki ukiuni 300-ni Danmarkimit aqunneqarnikuuvoq, kalaallinut inuinut silarsuarmut nunanullu sanilerisanut soorlu Canada sunneeqataarusuttunut periarfissiinngilaq. Canada, Kalaallit Nunaanniit taamaallaat 16 kilometerinik ungasissusilik â Ăresundip ikaartarfissuata annertussusaa ataatsimoortillugu assigaa, taamaattumilli naalakkersuinikkut attaveqaatit pitsaanerusut suli qulakkiinngilagut, inuit illuttut assinganik periarfissinneqarnissaat, Aki-Matilda Høegh-Damip Folketingimut oqalugiarnermini sisamanngormat uparuarpaa.
– Isumaqarpunga eqqartugassaq qaqinnissaannut piffissanngormat. Piffissanngorpoq uagut Kalaaliusugut, Inuit, nunat saniligullu assinganik periarfissinneqassasugut, soorlu Canadami qanigisagut, Siumup folketingimi ilaasortaatitaa taama oqarpoq.
Sisamanngormat nunanut allanut tunngasunut ministeri, Jeppe Kofodip, naalakkersuisut nunanut allanut tunngasut – isumannaassusermilu politikikkut pilersaarusiornermi Folketingip ataatsimiittarfiani nassuiarpaa. Siumut folketingimi ilaasortaa kaammattuivoq, kunngeqarfik ataatsimoortoq Kalaallit Nunaat tapersersussagaa naalakkersuinikkut attaveqaatit sanileqataannut pilersitsinissamut:
– Taamaattumik oqaaqqissaarivunga kunngeqarfik ataatsimoortoq Kalaallit Nunaat tapersersussagaa, nunanullu sanilerisanut qanimut attaveqalernissamut pilersitsissalluni aporfeqarani, annertunerusumillu ilisimasanik avitseqatigiinnissamik pilersitsineq ilinniakkamillu imminnut akornanni, Aki-Matilda Høegh-Dam taama oqarpoq.
Nunanut allanut tunngasunut ministeri, Jeppe Kofodip, akissuteqarnissaa utaqqineqarpoq.