Kommune Qeqertalimmi borgmesteri Ane Hansen Qasigiannguani meeqqat inuusuttullu pinerlunniarnermut pitsaaliorneqarnissaat pillugu siuttuunini takutittariaqarpaa.
All.: Aqqa Samuelsen, Kommune Qeqertalimmi kommunalbestyrelsimi ilaasortaq, Siumut
Qasigiannguani pisut kingulliit assut sakkortupput aamma qaangiataaginnarlugit nipangiutiinnarneqarsinnaanngitsut.
Innuttaasut taama ikitsigisillugit pisut sakkortuut annernarninngorlutik innuttaasunut eqquisarput.
Qasigiannguani sapaatip-akunnerani matumani pisumi borgmesteritta nipaannerujussua maluginiagassaavoq.
Borgmesteri tassaavoq kommunimi qullersaq, aamma taannaaniartussaagaluarpoq pisuni sakkortuuni saqqummilaarnerulluni akuliuttartussaq. Qasigiannguani innuttaasut nalaataannut imaannaanngitsunut Kommune Qeqertalimmi borgmesteri Ane Hansen meeqqat inuusuttullu atugaat pitsanngortinneqarnissaannut siuttuunini takutittariaqalerpaa, Qasigiannguani innuttaasut tamanna pisariaqartimmassuk.
Ilanngullugu ataatsimiisitaliani susassaqartuni Inuit siulittaasua aamma Timi Tarnip siulittaasua sakkortuumik pisoqarsimatillugu innuttaasut qanimut tikillugit sulisarnissaat kissaatiginarpoq.
Taamaasillunimi aamma siulittaasutut inoqarfinni pisut qanimut tikillugit paasisaqartartussaagaluarmata.