Aningaasat aalisartunut immikkoortinneqarsimasut qanoq pilersaaruteqarfigineqarnersut pillugit apeqquteqaat

Inatsisartunut Ilaasortaq Vivian Motzfeldt, Siumut

Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqutit:

1. Aningaasanut inatsit 2021-imi konto 20.11.70 aningaasaliissutini immikkoortitat, aalisartut ingerlaqqikkusuttut pillugit qulaajaanissamut atorneqartussat Naalakkersuisut qanoq pilersaaruteqarfigivaat?
2. Aalisartut ingerlaqqikkusuttut qulajaaffigineqarnissaannut aningaasat immikkoortitat sinneruttut ukioq manna atorneqarnissaat piviusunngortinniarneqarpa?
   1. Aappiuppat qaqugu?
   1. Naamiuppat suut tunngavilersuutigineqarpat?
3. Aalisartut ingerlaqqikkusuttut qulaajaaffigineqarnissaat maanna Naalakkersuisooqatigiit aningaasanut inatsimmi 2022-imut ilanngunneqarnissaat pilersaarutigaat?
   1. Aappiuppat qaqugu?
   1. Naamiuppat suut tunngavilersuutigineqarpat?

Tunngavilersuutit:

Aalisarnerup ineriartortinneqarnissaanut aningaasaliissutissatut qulaajaanissamut tunngassuteqartut qanoq pilersaaruteqarfigineqarnerat paaserusuppata, sumut killittoqarsimanera ilanngullugu.

Siunissaq eqqarsaatigalugu ilanngullugu suliniutit taamaattut nanginniarneqarnersut paaserusuppakka.