Septembarip 23-anili Siumumit ujartorparput, coronamut atatillugu pisut pillugit Naalakkersuisut akisussaaffimmik tigusillutillu iliuuseqassasut. Upernavimmi pisut eqqarsaatigalugit ajoraluartumik tamanna uteqqissallugu pissutissaqalersimavugut
Septembarip 23-ani ilanngussaq uani atuaruk.
All.: Lars Poulsen, Inatsisartunut ilaasortaq
Naalakkersuisut iliuusissamik erseqqinnerusumik saqqummiussaqarnissaat kissaatigaara. Tamanna sukkanerpaamik pisariaqarpoq. Qanitavut allallumi suli akiuussuserneqarsimanngitsut qanoq illersussanerivut paasissallugu tamatta pisariaqartipparput
Naalakkersuisut akisussaaffimmik erseqqinnerusumik tigusinissaat pisariaqalivippoq. Amigaatigaarput kingulliit pisut eqqarsaatigalugit iliuusissamik saqqummiussisoqarnissaa, massakkut pingaartumik Upernavik pillugu – nappaat tuniluuttoq taamak ilungersunartutut inissisimatillugu erseqqissunik paatsoorneqarsinnaanngitsunillu ilisimatitsisarneq pisariaqalivippoq.
Tunniutiinnartoqassanngilaq.