Isuma

Ukiuni 25-ni qinikkatut sulineq

Siumut sinnerlugu inatsisartunut ilaasortaq, Jens Kristian Therkelsen, maajip 12-iani 1993 qinikkatut sulileqqaarpoq. Ukiut ingerlanerini qinikkatut unillatsiartarnerit ilanngutinngikkaanni, ukiut 25-t tunniusimalluni qinikkatut sulisimavoq.

Jens Kristian Therkelseni politikikkut sulilerpoq nunaqarfigisamini Ikerasammi 1993-imi maajip 12-iani taamani bygder├ądinut qinigaaqqaarami. Ukiut ingerlanerini Uummannami kommunalbestyrelsimuttaaq ilaasortaasarsimavoq aamma 2006-miit Nunaqarfimmiut Peqatigiiffiani suleqataalerpoq (Kanunupe).

Nunaqarfiit Peqatigiiffianni 2008-miit siulittaasutut sulilerpoq, nukiit allat periarfissikkumallugit 2021-mi nammineq qinigassanngorteqqinnginnissami tungaanut.

Jens Kristian Therkelsen ataannartumik peqatigiiffiit assigiinngitsut siulersuisuini sulisimavoq, soorlu Timersoqatigiiffik Eqaluk ataqqinaammik ilaasortaaffigalugu. Aamma atuarfiup siulersuisuini 2021-ip tungaanut sulisimavoq.

Jens Kristiaap politikikkut qinigaaffigisarsimasai makkuupput:

  • 1993-1997 Bygder├ądet Ikerasak, siulittaasoq, ukiut sisamat.
  • 1997-1999 Uummannaq Kommune Kommunalbestyrelse, KU-mi siulittaasoq, ukiut marluk.
  • 2005-2009 Nunaqarfimmi Aqutsisut Ikerasak, siulittaasoq, ukiut sisamat.
  • 2009-2013  Nunaqarfimmi Aqutsisut, Ikerasak-Saattut-Ukkusissat, siulittaasoq, ukiut sisamat.
  • 2013-2017 Nunaqarfimmi Aqutsisut, Ikerasak-Saattut-Ukkusissat, siulittaasoq aamma Qaasuitsup Kommunia aalisarnermut ataatsimiititaliaq siulittaasoq, ukiut sisamat.
  • 2017-2021 Nunaqarfimmi Aqutsisut, Ikerasak-Saattut-Ukkusissat, ilaatigut siulittaasutut aamma Avannaata Kommuniani 2018-miit kommunalbestyrelsimut ilaasortaq, siulittaasoq Ineriartortitsinermi ataatsimiititaliaq/atuarfiit/meeqqeriviit, ukiut sisamat.
  • 2021-2024 Avannaata Kommuniani kommunalbestyrelsimi ilaasortaq.
  • 2022- Inatsisartuni ilaasortaq.