Tunumut naatitanik kiisalu qallersuutissanik assigisaannillu pilersuineq ilungersunareertoq suli ajornarnerulerpoq. Piaartumik aaqqiisoqarnissaa kaammattuutigaara.
All: Lars Poulsen, Inatsisartunut ilaasortaq
Air Iceland Tunumut assartuussinini timmisartuussininilu martsip aallaqqaataata tungaanut unitsippaa, taamaalilluni Islandimiit pilersuineq Tunumi innuttaasunut tamatsinnut eqquinerluppoq.
Taamatut aalajangertoqarnera innuttaasunit sakkortuumik isornartorsiorneqarpoq. Air Greenland qanoq pilersaaruteqarpa?
Pisoq Tunumi innuttaasunit ilungersunartutut inissittoq, piaartumik aaqqiissuteqartoqassasoq kaammattuutigaarput. Kitaaniit Tunumut ukiuunerani naatitanik, qallersuutissanik nillataartunik aamma soorlu yoghurtinik pilersuineq aallartinneqassava?
Tamanna ammasumik oqartussanut sakkortuumik kaammattuineruvoq. Akineqartariaqarpoq piffissami matumani marsip aallartinnissaa tikillugu pilersuisoqartariaqartoq avaqqunneqarsinnaanngilaq.
Oqartussat minnerpaamik Namminersorlutik Oqartussat, KNI Air Greenlandilu aaqqiissuteqartoqarnissaanut piaartumik pilersaarusiortariaqarput.
Inatsisartunut ilaasortatut tamanna sakkortunerpaamik kaammattuutigaara