Siumup tunngaviusumik siunertai
Pilersikkumallugit inuit eqeersimaartut napasinnaalluartullu, akisussaaqataanertik ilumoorfigalugu innuttaaqataasut.
Pilersikkumallugit nunap tunniussinnaasai atorluarlugit avataaniillu pisariaqartitatik iluaqutigalugit inuit napatittut.
Pilersikkumallugit inuiaqatigiit kikkunnut tamanut pitsaasumik naligiimmillu atugassaqartitsisut.
Pilersikkumallugit inuiaqatigiit naligiissitaasut sumi inunngorsimaneq, arnaaneq, angutaaneq upperisaqarnerluunniit apeqqutaatinnagit.
Pilersikkumallugit inuiaqatigiit aningaasaqarnikkut politikikkullu nammineersut.
Ammasumik inuillu oqartussaaqataanerat pingaartillugu ingerlatsineq nukittorsassallugu.
Inuiaqatigiit akisussaassusermik pingaartitsillutik kiffaanngissuseqarlutillu ineriartornissaat qulakkiissallugu.
Avatangiisit isumalluutillu uumassusillit nungutsaaliuinikkut paarilluarneqarnissaat qulakkiissallugit.
Pilersikkumallugit inuiaqatigiit nunarsuarmioqataasutut unammillersinnaasumik ilinniartitseriaaseqartut.
Inuit pisinnaatitaaffii nunarsuarmioqatigiinnut tamanut atuuttut illersussallugit.