Ulluni makkunani Folketingimi ilaasortat
Soorunami nuannaarutigaara misigalugu
Pissutsit qanoq allanngoreersimatiginersut siullermiit
Folketingimut qinigaavunga ullumikkumut.
Kisianni Naalagaaffeqatigiinneq sunaava?
Naalagaaffeqatigiinneq imaluunniit Naalagaaneq?
Epinion Altinget-mut DR-mullu 2021-imi misissuivoq, qallunaat Naalagaaffeqatigiinnermut isumaat pillugu.
Inernerivaalu qallunaat pingasuugaangata marluk isumaqataasartut.
Naalagaaffeqatigiinneq suna? Eqqarsarpunga.
Naalagaaffeqatigiinnermik taaneqarsinnaava, naalagaaffik ataasiullunilu ataatsikkut?
Oqaaseq Naalagaaffeqatigiinneq qallunaanut sunik eqqarsartitsisimavamita?
Oqaasiusinnaappat soorlu oqaluttuarisaaneq, perorsarsimassuseq, nunalerineq, periarfissat, nunaq kusanartoq imaluunniit pissaaneqarneq?
Taamaakkuni Naalagaaffeqatigiinneq isumallatsialaavoq.
Kisianni oqaatsit suut eqqaaneqassappat,
Assinganik Kalaallit Inuit aperigaanni,
Sunik eqqarsartitsisarpaatigut,
Oqaaseq Naalagaaffeqatigiinneq tusaagaangatsigu?
Oqaatsit allaasinnaappat soorlu:
Nunasiaataaneq, qallunaanngorsarneq, inuiannik toqoraaneq, pinngitsaalisamik arsaarinnittarneq, pinngitsaalisaalluni matusineq, inatsisitigut isumannaatsuuneq amigartoq imaluunniit race tunngavigalugu immikkoortitsineq?
Soorunami tamanna pillugu misissuisitsisoqarnikuunngilaq,
Kisianni sapernanga eqqumaffigeqquara,
Assigiinngivipput,
Danmarkiminngaanneeraanni,
Savalimmiuninngaanneeraanni imaluunniit Kalaallit Inuit Nunaanninngaanneeranni,
Danskit kunngeqarfiat eqqartorneqaraangat.
Taama oqarama, soorunami nuanniitsumik misigisitserusunngilanga.
Paasinninnerit inuit marluk akornanni assut assigiinnginneri piviusorsiortunngorniarneruneq anguniarpara.
Misissuisitsinermi eqqaaneqartumi aamma paasineqarpoq,
Qallunaat amerlanerit kalaallit savalimmiormiullu politikkikkut inissaqartinnerusutsisinnaasut.
Kisianni piviusoq imaappoq, inuiaqatigiit aappaat kiffaanngissusermik periarfissaqarlutik tunisinerusinnaallutik inuiaqatigiinnut aappaannut, takutippaa naalagaaffeqatigiinneq ilumoortoq.
Naalagaaffeqatigiinneq pillugu eqqarsaatigalugu oqarneratuut ajunngilaq, kisianni piviusuunngilaq.
Taava pissaaneqarumaneq eqqartorneqarpa?
Imaluunniit
Danmarkimiit ilisimasaqannginneq?
Kissaatigaara inuit ajunnginnerpaammik isigerusullugit, taamaattumillu kingulleq uppererusullugu toqqarpara.
Aamma inissisimaffimmiitsilerpaanga,
Eqqumaffigeqqullugu allaalaarnerit piviusorlu.
Naalagaaffeqatigiinneq taamaallaat pisinnaavoq, naalagaaffeqatigiinnermut tunngasut suleqatigiinneq eqqartorneqaraangata.
Naalagaaffik ataasiunngitsoq.
Namminersortut pingasut pillugu aamma naalagaaffinngornissamut nunat eqqartorneqaraangata taamaallaat pisinnaavoq
Naligiimmik suleqatigiinnissamut isumaqatigiittut, immikkut nunaminni naalagaaffittut oqartussaaqataallutik.
Taamaattumik isumaqarpunga naalagaaffinngornissamut kissaat isumaqatiginninnginnertut isigineqassanngitsoq.
Kisiannilu kissaatigisaq nunarsuarmioqataanissamik naligiimmik isigineqassalluni.
Nunagut akornanni suleqatigiinneq naligiimmik piviusoq ineriartornera.
Qinigaaffimmi aggersumi suliassat
Maanna tamat oqartussaanerat eqqartornerani, tamat oqartussaaqataanerani pingaarnersaasa ilaat tassaavoq inuiaqatigiinnit pisinnaatitaaffii isumannaarnissai.
Inatsisitigut isumannaatsuuneq tassaavoq danskit pisussaaffii ilaat pisussaaffiginngilaat,
Kissaatigaara qinigaaffimmi aggersumi misissussallugu.
Soorunami qinigaaffimmi kingullermi suliat aallartitakka aamma suliarissavakka.
Pisussaaffinnut 40-nut Kalaallit Nunaanniit folketingimi ilaasortaavugut marluk aammattaaq Folketingip Kalaallit Nunaat pillugu ataatsimiititaliaq.
Folketingip Kalaallit Nunaat pillugu ataatsimiititaliaanut siulittaasutut uannut pingaaruteqarsimavoq, ataatsimiititaliami nutaat oqaloqatigissallugit ilimasunnerit, kissaatit neriuutillugu ataatsimiitaliamut sulianut.
Ilaasortaniit nuannersumik misigisaqarpunga
Aamma nuannersumik misigisaq akinnassissutigineqarpoq.
Suleqatigiilluarnissaq qilanaarutigaara, Danmarkimilu naalakkersuisooqatigiilersut aamma qanimut suleqatigilluarneqarnissaat qilanaaraara.
Folketingimi ilaasortaalersut eqqumaffigissavaat ataatsimiititaliani sorlerni ilaasortaalersimanerlutik. Oqartussaaffiimmi arlallit Kalaallit Nunaannut toqqaannartumik attuumassuteqanngikkaluartut, ataatsimiititaliani Kalaallit Nunaat aamma sulianut ilaasarpoq.
Folketingimi ilaasortaalersut eqqumaffigisariaqarpaat akisussaaffiit qanoq Kalaallit Nunaannut kalluaannersut.
Kalaallit Nunaat pillugu soqutigisaqartunik ataatsimeeqateqartaritsi,
Ilisimatuussutsikkut misissorneqarsimasut atuarsigit, sulinersilu aallartillugu.
Kalaallit qulaatiinnarlugit ingerlatsisoqaqqittoqassanngilaq.
Tusarnaarsinnaanissaq, ilinniarusussuseqarneq akisussaaffimmillu tigusisoqartariaqarpoq.
Kalaallit Nunaammi Danmarkip kunngeqarfianut ilaavoq, taamaattumik Folketingimi ilaasortat qinnuigissavakka Kalaallit Nunaat pillugu annertunerusumik ilisimasaqalissasut.
Maanalu suleqatigiinnissamik ammaassivunga: Siumup allaffianut matu ilissinnut ammajuarpoq.
Akisussaaffiit ukiorpassuarni ineriartortinneqaqqissimanngitsut maanna nutarsarneqalernissaat ujartuiffigilissavara.
Qinigaaqqinnera ima isigineqassanngilaq nalinginnaasumik suliarineqartartut suliarissagikka.
Maanna Christiansborgimi aqqutaasut ilisimallualernikuuakka
Kalaallit Nunaat pillugu suliarineqarsimasut toqqortaasivinnut toqqorneqarsimalersut maanna ujaasiffigisalissavakka – aalajangiunneqarsimasullu nutarterneqarnissaat sulissutigilersussanngorlugu.
Inuussutissat pillugit oqartussaaffiit pillugit aalajangiussimasat,
Nunanut allanut tunngatillugit oqartussaaffik aamma inuiaqatigiinnut ilanngutitsivitsisarneq pillugit aalajangiussat,
Pinerlittaalititsinermut inatsit
Kiisalu kalaallit Danmarkimi najugaqartut inatsisitigut illersorneqarnissaat aamma sulissutigineqassaaq
Naggasiineq
Qinersisartut naleqartitaminnik avitseqatigiiffigisinnaasaminnik qinersinissaat kaammattuutiginikuuara.
Innuttaasunit tapersersorluarneqarnera nuannaarutigalugulu tulluusimaarutigaara.
Qinersinerup inernerata pissutigisaanik maani Christiansborgimi sulileqqippunga.
Innuttaasunik nukittuunik tunuliaqutaqarlunga maaniissinnaanera nuannaarutigaara
Issittumi innuttaasut sinnerlugit maani sulissaanga
Nunaqqatikka
Sullisseqqinnissannut piareerpunga
Qujanaq Â