Suut pitsanngorsinnaappat? Eqqarsaatitit oqaasinngortikkit!
Oqartussaaqataanerup aqqani nunatsinni tamatta inooqataavugut. Inuttut ilisimasat qaammaasaqarnerlu tunngavigalugit innuttaaqataanissaq tamatsinnut pingaaruteqarpoq, tamattami illittaaq ilisimasatit eqqarsaatitillu ilanngullugit ingerlaqqikkusuppugut – aamma qinersisarnerni sunniuteqaqataanissat ilanngullugu.
Akisussaaffeqarluta tamatta nunatsinni inooqataasaagut. Innuttaasutut politikikkut isummersimaneq politikerinut naalakkersuisunullu akisussaaffeqalersitseqataassaaq, aamma iliuusaanut aalajangiussaanullu. Tamanna pisaanerup akisussaaffeqarnerullu oqimaaqatigiinnissaanut ilapittuutaassaaq.
Paasinninneq oqallinnerlu erseqqissumik isummersimanermit aallaaveqartoq peqqinnarnerpaavoq. Eqqarsaatigilluarsimasanik politikikkut inissisimaffeqarneq akunnitsinni paaseqatigiinnerulernissamut ikiuutaasaaq, aamma inuiaqatigiinni eqimattat, soqutigisaqaqatigiiffiit il. il. akornanni. Aaqqitassat imaannaanngitsuusinnaassut ataatsimoorussamik aaqqiissuteqarfiginissaanut siuarsaataasinnaavoq.
Inuiaqatigiit akunnitsinni aaqqissuussinerput peqataanermit aallaaveqarpoq. Politikikkut malinnaaneq qaammaassaqarnerlu peqataarusulernermik pilersitsisarpoq. Tamatta qanoq atugarissaarnerulernissarput, ikioqatigiinnerunissarput, inuussutissarsiuteqarnissarput naapertuilluartumillu ingerlatsinissarput isummat tunngavigalugit ilusilersorneqartarput.
Illit isummat pisariaqartipparput. Ataani allattuiffissaq atorlugu Siumut isummannik apuussivigisinnaavat. Isummersuutitit nammineq kissaatiginngikkukku allanut ingerlateqqinneqarnavianngillat!