All.: Doris J. Jensen, Siumut
Tartupaluk pillugu suliaq ukiorpanni ingerlanikuusoq susassaqartut assigiinngitsut aqqusaareerlugit Siumumiik aallaqqaataaniilli aallartitseqataaffigalugulu peqataaffigaarput.
Siumumit kissaatiginarsimagaluarpoq Tartupaluk ukiorpassuarni avanersuarmiut kisiartaallutik atortarsimasaat tamakkiisumik nunatta oqartussaaffiata ataanut inaalinneqarnissaa.
Taamaattoq nuannaarutigaarput Baffinnip qeqqata eqqaani imartatta allineqarnera, neriuutigivarpummi nunatsinni innuttaasut imaani inuussutissarsiuteqartut periarfissaq atorlualissagaat.
Suliassaq alla tullinnguuttoq tassaasariaqarpoq Avanersuarmiut ukiorpassuarni qanimut naggueqatitsinnik attaveqarsimasut akimmisaartinneqaratik imminnut tikeraarsinnaanerisa aqqutissiuuteqqinnissaat. Taakkuuppummi ukiorpassuarni imminnut qanigisariissimasut tikeraartarsimasut ilaqutaqalersimasullu.