Ilisimatitsissut

Matumuuna nalunaarutigissavarput Inatsisartut 2026-imi upernaakkut ataatsimiinnerata sinnerani Siumut sinnerlugu ilaasortaq Lars Poulsen ulloq 11. maj 2026 aallarnerfigalugu ataatsimiinnermut peqataajunnaarmat.

Tamatumunnga peqqutaavoq Lars Poulsenip qanigisaa tassanngaannartumik pinartumik napparsimalermat, ilaqutariittullu inuuneq salliunneqartariaqalerluni.

Lars Poulsen inuttut nammineq peqqippoq ataatsimiinnerulli sinneranut peqataasinnaajunnaarluni. Ilaqutariit aammalu Siumup piffissami tulliuttumi ilaqutariit ataqqineqarlutik toqqissisimanissaat kikkunnillu tamanit attavigineqanngikkallarnissaat kissaatigissavaat.

Ilaqutariit ajunnginnerpaamik peqqissilluarnissaannillu tamanik kissaatingaarpagut.

Tamatumallu malitsigisaanik Siumut sinnerlugu sinniissussaq siulleq, tassa Anders Olsen aggersarneqassasoq Inatsisartut siulittaasoqarfianut saaffiginnissutigineqarsimalerpoq.